မဲခေါင်၊ ဖေဖော်ဝါရီ ၁၆

ရှမ်းပြည်တောင်ပိုင်း၊ ဆီဆိုင်မြို့မြောက်ဘက်က တိုက်ပွဲမှာ ခဲယမ်းအချို့နဲ့ မူးယစ်ဆေးဝါးတွေသိမ်းဆီးရမိခဲ့တယ်လို့ PNLA က ထုတ်ပြန်ပါတယ်။

မနေ့ ဖေဖော်ဝါရီ ၁၅ ရက်မှာစစ်ကောင်စီနဲ့ လက်အောက်ခံပြည်သူ့စစ် PNO တွေဟာ ဆီဆိုင်မြို့နယ် မြောက်ဘက်တစ်နေရာမှာ ပအိုဝ်းအမျိုးသားလွတ်မြောက်ရေးတပ်မတော် PNLA ကို လာရောက်ချောင်းမြောင်းပစ်ခတ်ခဲ့တာကို ပြန်လည်ရှင်းလင်းရာ မူးယစ်ဆေးဝါး အထုပ်ကြီး ၂ ထုပ်၊ အထုပ်သေး ၂ ထုပ် နှင့် ခဲယမ်းကျည်ဆံအချို့ကို သိမ်းဆည်းရမိခဲ့တာလို့ ဆိုပါတယ်။

ထိုပစ်ခတ်မှုအတွင်း စစ်ကောင်စီနှင့် အပေါင်းအပါဘက်က ၂ ဦးထက်မနည်း ကျဆုံးခဲ့တယ်လို့လဲ ထုတ်ပြန်ချက်မှာ ပါရှိပါတယ်။

မြေပြင်သတင်းတွေအရ ဆီဆိုင်မြို့ရဲ့မြောက်ဘက် လွယ်ပွတ်ကလိုးရွာမှာ မနေ့က တိုက်ပွဲတွေ ပြင်းထန်ခဲ့သလို ဆီဆိုင် အထိုင်ချ စစ်ကောင်စီအမြောက်တွေက ပစ်ကူပေးနေခဲ့တာလို့ သိရပြီး ဆီဆိုင်မြို့ဘက်ကိုလည်း ပစ်ခတ်ရာမှာအမြောက်ဒဏ်ကြောင့် ဆီဆိုင်မြို့မစျေးကြီး မီးသင့်လောင်ကျွမ်းခဲ့တယ်လို့ သိရပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)