မဲခေါင်၊ ဇူလိုင်လ ၁၀
ရှမ်းမြောက်၊ နောင်ချိုမြို့နယ်တိုက်ပွဲမှာ ခုခံနေတဲ့ နောက်ဆုံးတပ် ၆၀၆ တပ်ကို ယမန်နေ့ ညသန်းခေါင်အချိန်မှာ တော်လှန်ရေးတပ်တွေက လက်ရ သိမ်းပိုက်နိုင်ခဲ့ပြီလို့ စစ်သတင်းအရင်းအမြစ်တွေထံက သိရပါတယ်။
မနေ့ ဇူလိုင် ၉ ရက် သန်းခေါင်ယံအချိန်မျာ TNLA နဲ့ ပူးပေါင်းတပ်တွေ ရရှိသွားတာ ဖြစ်ပြီး သိမ်းပိုက်ရရှိတဲ့ သက်ဆိုင်ရာအဖွဲ့တွေ က အသေးစိတ်ထုတ်ပြန်မှသာ အသေးစိတ်အချက်အလက်တွေကို သိရမှာဖြစ်ပါတယ်။
ပြီးခဲ့တဲ့ ဇွန်လ ၂၅ ရက် ကတည်းက စတင်ခဲ့တဲ့ ရှမ်းမြောက်တိုက်ပွဲစဉ် ၁၅ ရက်ရက်မြောက်နေ့မှာ စစ်ကောင်စီတပ်တွေကို တိုက်ထုတ်လိုက်နိုင်တဲ့ ပထမဆုံး မြို့ဖြစ်လာပါတယ်။
၁၀၂၇ စစ်ဆင်ရေး အပိုင်း(၂) မှာ ရှမ်းမြောက်က နောင်ချို၊ ကျောက်မဲ၊ သီပေါ တို့ကို TNLA နဲ့ PDF ပူးပေါင်းတိုက်ခိုက်ခဲ့တာမှာ နောင်ချိုမြို့ကို ပထမဆုံး သိမ်းပိုက်နိုင်ခဲ့တာဖြစ်ပါတယ်။
“မနေ့ည သန်းခေါင်မှာရတယ်၊ နောင်ချိကို စစ်တပ်ကင်းစင်မြို့လို့ပြောလို့ရပြီ၊ ရှေ့က ကျခဲ့တဲ့တပ်တွေက အကြွင်းအကျန်တွေနဲ့ လေကြောင်းစစ်ကူ တွေကြောင့် ကြာသွားတာ နောက်ဆုံးတော့ ရပါပြီ”လို့ စစ်မြေပြင်သတင်းအရင်းအမြစ်ထံက သိရပါတယ်။
နောင်ချိုနဲ့ မိုးကုတ် တို့ကို ပြည်သူ့ကာကွယ်ရေးတပ်မတော်(မန္တလေး)၊ မိုးကုတ်ဗျူဟာတပ်ရင်း၊ ကျောက်မဲခရိုင် အထူးတိုက်ခိုက်ရေးတပ်ဖွဲ့၊ နောင်ချို PDF ၊ ပြင်ဦးလွင်ခရိုင် ပကဖ၊ မိုးကုတ်မြို့နယ် ပကခ၊ မတ္တရာမြို့နယ် ပကဖ အဖွဲ့ စတဲ့ MOD က PDF တပ်ရင်းတပ်ဖွဲ့ ၂၀ ကျော် ပါဝင်တိုက်ခိုက်ခဲ့တာလို့ သိရပါတယ်။
MK-012
