မဲခေါင်၊ ဖေဖော်ဝါရီ ၂၂
ရှမ်းပြည်တောင်ပိုင်း၊ ဟိုပုံးမြို့နယ်အတွင်း ဖြစ်ပွားခဲ့တဲ့ တိုက်ပွဲမှာ စစ်ကောင်စီနဲ့ PNO ပြည်သူ့စစ် ၄ လောင်းနဲ့ လက်နက်ကြီး ၁ လက်၊ လက်နက်ငယ် ၄ လက်နဲ့ ခဲယမ်းတွေ ရခဲ့တယ်လို့ ပအိုဝ်းလွတ်မြောက်ရေးတပ်မတော် PNLA က ဒီနေ့ ဖေဖော်ဝါရီ ၂၂ ရက်မှာ ထုတ်ပြန်ပါတယ်။
ဟိုပုံးမြို့နယ်အရှေ့ခြမ်းတစ်နေရာမှာ လုံခြုံရေးအရ လှုပ်ရှားနေတဲ့ PNLA ကြောင်းကို စစ်ကောင်စီနဲ့အပေါင်းပါတွေက လာရောက်တိုက်ခိုက်ခဲ့တာဖြစ်ပြီး တိုက်ပွဲဖြစ်ပွားပြီးနောက် နယ်မြေရှင်းလင်းရေးလုပ်ဆောင်ရာမှာ အလောင်း ၄ လောင်းနဲ့ ၆၀ မမ စိန်ပြောင်း ၁ လက်၊ လက်နက်ငယ် ၄ လက်နဲ့ခဲယမ်းကျည်ဆံတွေ၊ ကား ၁ စီးတို့ကို သိမ်းဆည်းရမိခဲ့တယ်လို့ သတင်းမှာဖော်ပြပါတယ်။
ဒါ့အပြင် မနေ့က စစ်ကောင်စီဟာ ဆီဆိုင်၊ ဟိုပုံးက ထန်းဆန်းဂူဒေသကို လက်နက်ကြီးတွေနဲ့ ပစ်ခတ်တိုက်ခိုက်ခဲ့တာမှာ ခရီးသွားကားတွေကိုပါ ပစ်ခတ်တိုက်ခိုက်တာတွေ ပြုလုပ်ခဲ့သလို ပအိုဝ်းလူမျိုးတွေ အထွဋ်အမြတ်ထားတဲ့ ဘာသာရေးဆိုင်ရာမြင့်မြတ်တဲ့နေရာတွေကို တိုက်ခိုက်တာဟာ ပအိုဝ်းလူမျိုးတွေရဲ့ နှလုံးသည်းအူကို မီးရှို့နေတဲ့လုပ်ရပ်သာမက ဘာသာရေးလွတ်လပ်ခွင့်ကိုပါ ထိပါးဖျက်ဆီးနေတာလို့ ထုတ်ပြန်ချက်မှာ ပါရှိပါတယ်။
စစ်အာဏာရှင်ကို တွန်းလှန်တိုက်ဖျက်နေတဲ့အချိန်မှာ စစ်ကောင်စီလက်အောက်ခံပြည်သူ့စစ်တွေအနေနဲ့ နီးစပ်ရာ PNLA တပ်ဖွဲ့တွေဆီကို လက်နက်ခဲယမ်းတွေနဲ့တကွ အမျိုးသားလွတ်မြောက်ရေး လမ်းကြောင်းပေါ်ကို ကူးပြောင်းလာ်ပါက ထိုက်ထိုက်တန်တန် ဆုချီးမြင့်မယ်လို့လည်း ဖော်ပြထားပါတယ်။
လက်ရှိမှာ ဆီဆိုင်ကနေ ဟိုပုံးမြို့နယ်က ပအိုဝ်းလူမျိုးတွေ အထွဋ်အမြတ်ထားတဲ့ ထန်ဆန်းဂူဝန်းကျင်အပါအဝင် စငေါ၊ ပုံအယ်ကျေးရွာတွေနဲ့ မဲနယ်တောင် လွယ်အွတ်ရွာတွေအထိ စစ်မီးပိုမိုကူးစက်နေပါတယ်။
မိုင်းပွန်မြို့နယ်အတွင်း ဆီအွန်၊ နမ်းဗေးခံးကျေးရွာတွေအထိ တိုက်ပွဲတွေ ဖြစ်လာနေပြီး ကျိုင်းတုံ-မိုင်းဆတ်ပြည်ထောင်စု ကားလမ်းမကြီး ကို ကားတွေသွားလာလို့မရအောင် ပိတ်ဆို့ထားကာ မရပ်တဲ့ကားတွေကို ပစ်ခတ်မှုတွေ ရှိနေပါတယ်။
MK-012