မဲခေါင်၊ ဧပြီ ၁
ကချင်ပြည်နယ်၊ လွယ်ဂျယ် နဲ့ မိုးမောက်ကြားက စစ်ကောင်စီရဲ့ စိန်လုံဗျူဟာစခန်းကြီးကို ဧပြီလ ၁ ရက်နေ့ မနက် ၇ နာရီခန့်မှာ KIA က အပြီးသတ် သိမ်းပိုက်လိုက်ပြီ ဖြစ်ကြောင်း KIA ရှေ့တန်းနဲ့ နီးစပ်သူ တွေဆီက သိရပါတယ်။
“ မနေ့ညနေကတည်းက ဗျူဟာ စခန်း ဝင်းထဲထိ KIA နဲ့ ပူးပေါင်း တပ်ဖွဲ့တွေ ဝင်ရောက် တိုက်ခိုက်နေပြီ။ ည ပိုင်းကျဝောာ့ မခံ နိုင်လို့ သူတို့ ဘာသာ ထွက်သွားကြတာ။ ဒီ မနက်ပိုင်းကျတော့ တပ်ရှင်းလင်းရေး လုပ်ပြီး အပြီးသတ် သိမ်းလိုက်တာ” လို့ KIA ရှေ့တန်းနဲ့ နီးစပ်သူ သတင်းရင်းမြစ် တစ်ဦးက ပြောပါတယ်။
အဲဒီ စိန်လုံ စစ်ကောင်စီ ဗျူဟာ စခန်းဟာ အင်္ဂလိပ်ခေတ်ကတည်းက ခိုင်ခိုင်မာမာ စခန်းချထားတဲ့ နှစ်ပေါင်း ၇၀ ခန့်ရှိ မဟာဗျူဟာကျ တပ်စခန်းတစ်ခု ဖြစ်တယ်လို့ ဆိုပါတယ်။
“ လွယ်ဂျယ်ကနေ မိုးမောက်ထိ လမ်းတလျှောက်လုံး စစ်ကောင်စီ တပ်မရှိဝောာ့ဘူး။ လွယ်ဂျယ် မြို့ထဲမှာလည်း KIA နဲ့ ပူးပေါင်းတပ်ဖွဲ့တွေ ပြည့်နေပြီ။ မိုးမောက်ဝန်းကျင်မှာတော့ စစကောင်စီတပ်တွေ ရှိသေးတယ်။ တဖြည်းဖြည်း ဗန်းမော်ဘက် ရှင်းလာဖို့ပဲ ရှိတော့တယ်။” လို့ နောက်ထပ် သတင်းရင်းမြစ်တစ်ဦးကပြောပါတယ်။
ဒီနေ့လည်း မိုးမောက်ဘက်ကနေ စိန်လုံ ဘက်ကို လက်နက်ကြီး ပစ်နေတာတွေ ကြားရပြီး ထွက်ပြေးလာတဲ့ စစ်ကောင်စီအဖွဲ့ကို ပစ်ကူနေတယ်လို့ ယူဆရတယ်ကြောင်း သူက ပြောပါတယ်။
စိန်လုံ ဗျူဟာ စခန်းကြီးကို အကာအကွယ်ပေးနေတဲ့ ကာကင်းစခန်း ၈ ခုရှိပြီး အဲဒီ ကာကင်းစခန်းတွေကို မတ်လ ၃၀ ရက်နဲ့ ပြီးခဲ့တဲ့ ရက်ပိုင်းတွေက သိမ်းပိုက်လိုက်ပြီလို့ ဆိုပါတယ်။
မတ်လ ၇ ရက်နေ့ကစ လိုင်ဇာ အနီး ဝန်းကျင်၊ ဗန်းမော် – မြစ်ကြီးနားလမ်း၊ မြစ်ကြီးနား – ဖားကန့်လမ်း၊ မြစ်ကြီးနား – ပူတာအိုလမ်း၊ လွယ်ဂျယ် – ဗန်းေမာ်လမ်း တွေ တလျှောက်မှာ ရှိတဲ့ စစ်ကောင်စီ တပ်စခန်းတွေကို KIA တွေနဲ့ ပူးပေါင်း တပ်ဖွဲ့တွေက ထိုးစစ်ဆင် တိုက်ခိုက်လာတာဖြစ်ပြီး။လက်ရှိထိ စစ်ကောင်စီ ရဲ့ စခန်း ကြီးသေး ၆၀ ခန့် သိမ်းပိုက်ရရှိထားပြီ ဖြစ်ကြောင်း KIA ရှေ့တန်း အသိုင်းအဝိုင်းက ပြောပါတယ်။
CJ-008
