မဲခေါင်၊ မတ် ၂၂
ကချင်လွတ်လပ်ရေးတပ်မတော် (KIA) ဌာနချုပ် ရှိရာ လိုင်ဇာအနီးက နှစ်ပေါင်း ၃၀ ကျော် အခြေချထားတဲ့ စစ်ကောင်စီရဲ့ နာဖော့ပါဂျို ဗျူဟာစခန်းနဲ့ ကာကင်းစခန်း ၅ ခုကို မနေ့ မတ် ၂၁ ရက်နေ့ မနက်ပိုင်းမှာ KIA နဲ့ ပူးပေါင်း မဟာမိတ်တပ်ဖွဲ့တွေ သိမ်းပိုက်လိုက်ကြောင်း ရှေ့တန်း နဲ့ နီးစပ်သူတွေဆီက သိရပါတယ်။
“ မနေ့က မတ်လ ၂၁ ရက်နေ့ က နာဖော့ ဗျူဟာ အပါ လိုင်ဇာနား ကျန်နေတဲ့ စခန်း ၆ ခုကို မနက် ၁၀ နာရီ ဝန်းကျင်လောက်မှာ အပြီးသတ် သိမ်းလိုက်တာ” လို့ KIA ရှေ့တန်း နဲ့ နီးစပ်သူတစ်ဦးက ပြောပါတယ်။
မနေ့က သိမ်းပိုက်တဲ့ စစ်ကောင်စီစခန်းတွေက လိုင်စင်နဲ့ ပါဂျိုကြားရှိ နာဖော့ပါဂျို ဗျူဟာကုန်း အပါအဝင် အူဂါရှန်၊ ရင်ဆိုင်ကုန်း၊ Point ၆၆၆ – ၇၊ ဝူလော့ကုန်း၊ ခင်ဒူကုန်း တွေဖြစ်ပြီး လီဆူပါဂျို ကာကင်းစခန်းကိုတော့ ပြီးခဲ့တဲ့ မတ်လ ၁၈ ရက်နေ့က သိမ်းလိုက်တာလို့ ဆိုပါတယ်။
“ မနေ့က ၆ နာရီခွဲ ကတည်းက သိမ်းတာ ၁၀ နာရီကျော်မှ အပြီးသတ် ရတယ်။ စစ်ကောင်စီတွေက ထွက်ပြေးသွားတာ။ အဲဒါ လိုက်လံ ရှင်းလင်းနေဆဲပဲ။ လေကြောင်းပစ်ကူကလည်း ခပ်စိပ်စိပ်လာတယ်” လို့ နောက်ထပ် ရင်းမြစ်တစ်ဦးက ပြောပါတယ်။
ထိခိုက် ကျဆုံးမှုနဲ့ သိမ်းဆည်းရရှိတဲ့ စာရင်းတွေဝော့ မသိရသေးဘူးလို့ ဆိုပါတယ်။
ပြီးခဲ့တဲ့ မတ်လ ၁၅ ရက်နေ့ကလည်း လိုင်ဇာအနီးက အဓိက အချက်အချာကျတဲ့ ဘွမ်ရေဝောာင်ရှိ ကောင်စီရဲ့ ရှေ့တန်း အမှတ် ၂၁ စစ်ဆင်ရေးကွပ်ကဲမှု ဌာနချုပ် ပွိုင့် ၇၇၁ မဆုတ်တမ်း အရေးကြီး ခံစစ်စခန်းကို KIA နဲ့ ပူးပေလင်းမဟာမိတ်တပ်ဖွဲ့တွေ သိမ်းပိုက်ခဲ့ ပြီးနောက် မတခလ ၂၀ ရက်မှာ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်ထောင်စုဝန်ကြီး ဦးရည်မွန်နဲ့ KIA စစ်ဦးစီးချုပ် (အမှတ် ၁ စစ်ဒေသမှူး) ဒုဗိုလ်ချုပ်ကြီးခေါင်လွမ်းတို့ သွားရောက် ကြည့်ရှုစစ်ဆေးခဲ့ကြောင်း အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနက သတင်းထုတ်ပြန်ထားပါတယ်။
CJ-008
