မဲခေါင် ၊ ဒီဇင်ဘာ ၁၉
ဖယ်ခုံမြို့နယ် ဆောင်နန်းခဲကျေးရွာအထက်ပိုင်းရှိ စစ်ကောင်စီရဲ့ စခန်းကုန်းကို ၁၁၁၁ စစ်ဆင်ရေး မိုင်းဗြဲ-ဖယ်ခုံဇုန် မဟာမိတ်တော်လှန်ရေးအင်အားစုများက ဒီဇင်ဘာ ၁၁ ရက်နေ့မှာ တိုက်ခိုက်သိမ်းပိုက်ခဲ့တယ်လို့ ဒီကနေ့မှာ သတင်းထုတ်ပြန်ပါတယ်။
အဲ့ဒီစခန်းကုန်းကို မဟာမိတ်တော်လှန်ရေးအင်အားစုများက မနက် ၈ နာရီ ၅၂ မိနစ်နစ်ကနေ ညနေ ၃ နာရီ ၂၅ မိနစ်အထိ ဝင်ရောက်တိုက်ခိုက်ပြီးနောက် စခန်းကုန်းကို သိမ်းပိုက်နိုင်ခဲ့တာဖြစ်ပါတယ်။
အဲ့ဒီစခန်းကုန်းသိမ်းတိုက်ပွဲအတွင်း စစ်ကောင်စီဘက် လက်နက်ကြီးပစ်ခတ်မှု ၉၂ ကြိမ် နဲ့ လေကြောင်းတိုက်ခိုက်မှု ၁၂ ကြိမ်ပြုလုပ်ခဲ့တယ်လို့ မဟာမိတ်တော်လှန်ရေးအင်အားစုက ပြောပါတယ်။
မိုးဗြဲ ၁၁၁၁ စစ်ဆင်ရေးကို မိုးဗြဲ-ဖယ်ခုံဇုန် မဟာမိတ်တော်လှန်ရေးအင်အားစုများ စုစည်းကာ နိုဝင်ဘာ ၁၁ ရက်နေ့ကတည်းက စတင်ခဲ့တာဖြစ်ပြီး မိုးဗြဲ-ဖယ်ခုံအတွင်းရှိ စစ်ကောင်စီခြေကုပ်ယူထားတဲ့ ကင်းစခန်းများ ထောက်ပို့စခန်းများကို ထိုးစစ်ဆင်တိုက်ခိုက်သိမ်းပိုက်ခဲ့တယ်လို့ ဆိုပါတယ်။
အဲ့ဒါအပြင် လက်ရှိအချိန်ထိလည်း စစ်ကောင်စီရဲ့ စခန်းတွေကို ထိုးစစ်ဆင်ရန် ကြိုးစားနေဆဲဖြစ်တယ်လို့ မဟာမိတ်တော်လှန်ရေးအင်အားစုများက အသိပေးပါတယ်။
စစ်ကောင်စီရဲ့ ဆောင်နန်းခဲစခန်းကုန်းသိမ်းတိုက်ပွဲကို အလယ်ပိုင်းတိုင်းစစ်ဌာန ရှမ်းတောင်စစ်ဒေသ ဗျူဟာ ၁ ရဲ့ ၁၀၀၁ (MB PDF-1) ၊ ၁၀၀၂ (PK PDF-1)၊ ၁၀၀၄ (PKS PDF)၊ ၁၀၀၆ (PK PDF-2)၊ ၁၀၀၇ (MB PDF-2)၊ KNDF ဗျူဟာ (၁)၏ B-03၊ B-11နှင့် B-22၊ မြိုပြတော်လှန်ရေးတပ်ဦး(Urban Revolutionary Front U.R.F)၊ ဗျူဟာ (၂)၏ ၁၀၀၃ တပ်ရင်း၊ ၁၀၀၈ SSRY တပ်ရင်း နဲ့ ၁၀၀၉ IPDF တပ်ရင်းတို့ ပူးပေါင်းတိုက်ခိုက်ခဲ့တာဖြစ်ပါတယ်။
CJ002
#MeKongNews
#ဆောင်နန်းခဲ
#ဖယ်ခုံ
#စစ်ကောင်စီ
#သိမ်းပိုက်
#ကရင်နီ