မဲခေါင် ၊ ဒီဇင်ဘာ ၂၉

ဖယ်ခုံမြို့နယ်အတွင်းရှိ စစ်ကောင်စီရဲ့ ရွှေပြည်အေး နဲ့ လွယ်ပတာစခန်းကုန်းများကို တိုက်ခိုက်သိမ်းပိုက်နိုင်ခဲ့တယ်လို့ တော်လှန်ရေးအင်အားစုများက ဒီကနေ့မနက်မှာ သတင်းထုတ်ပြန်ပါတယ်။

အဲ့ဒီစခန်းကုန်းတွေကို တော်လှန်ရေးအင်အားစုများက ဒီဇင်ဘာ ၂၃ ၊ ၂၄ ၊ ၂၅ ရက်အသီးသီးမှာ တိုက်ခိုက်သိမ်းပိုက်နိုင်ခဲ့တာဖြစ်ပြီး လက်နက်အများပြားကိုလည်း သိမ်းဆည်းရမိခဲ့ပါတယ်။

အဲ့ဒီစခန်းကုန်းတွေကို သိမ်းပိုက်နိုင်ခဲ့တာကြောင့် ဖယ်ခုံမြို့ အဝင် အထွက်တွေကို ထိန်းချုပ်ထားနိုင်ပြီဖြစ်တယ်လို့လည်း တော်လှန်ရေးအင်အားစုတွေကပြောပါတယ်။

သို့သော် ပြည်သူလူထုများ ထိခိုက်နစ်နာမှု မရှိစေရန်အတွက် ဖယ်ခုံမြို့တွင်း ဝင်ထွက်သွားလာခြင်း နေအိမ်များသို့ ပြန်လည်နေထိုင်ခြင်း မပြုသေးရန်လည်း တော်လှန်ရေးအင်အားစုတွေ မေတ္တာရပ်ခံထားပါတယ်။

အဲ့ဒီစခန်းကုန်းတွေကို သိမ်းပိုက်နိုင်ကြောင်းကို KNDF၊ မြို့ပြတော်လှန်ရေးတပ်ဦး နဲ့ PDF တို့က ဓာတ်ပုံမှတ်တမ်းတွေနဲ့ တကွ သတင်းထုတ်ပြန်လာတာဖြစ်ပါတယ်။

မှတ်တမ်းပုံအရ စစ်ကောင်စီရဲ့ ဆက်သွယ်ရေးကိရိယာများ ၊ MA သေနတ်များ ၊ RPG လက်နက်များ ၊ ဗုံးသီးများတို့ကို အများအပြား သိမ်းပိုက်နိုင်ခဲ့တာကိုတွေ့ရပါတယ်။

စခန်းသိမ်းတိုက်ပွဲအတွင်း စစ်ကောင်စီတပ်က လက်နက်ကြီးတွေနဲ့ အများအပြားပစ်ကူယူပြီး ခုခံခဲ့ပေမယ့် တော်လှန်ရေးအင်အားစုများရဲ့ ထိုးစစ်ဆင်မှုကို ခုခံနိုင်ခြင်းမရှိပဲ စခန်းကုန်းတွေကို လက်လွှတ်ခဲ့ရတာဖြစ်ပါတယ်။

ဒါ့အပြင် စစ်ရေးအခြေအနေများကိုလည်း အလျဉ်းသင့်သလို အချိန်နဲ့တပြေးညီ ထပ်မံ ထုတ်ပြန်ပေးသွားမယ်လို့လည်း တော်လှန်ရေးအင်အားစုများကအသိပေးပါတယ်။

CJ-002

#MeKongNews

#ဖယ်ခုံ

#စစ်ကောင်စီ

#စခန်းကုန်း

#သိမ်းပိုက်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)