မဲခေါင်၊ ဇန်နဝါရီ ၃၀
ပအိုဝ်းအချင်းချင်း မတိုက်ခိုက်လိုတာကြောင့် စစ်ကောင်စီလက်အောက်ခံ ပအိုဝ်းပြည်သူ့စစ် (PNO) တစ်ဦး လက်နက်နဲ့အတူ အလင်းဝင်ခဲ့တယ်လို့ ပအိုဝ်းအမျိုးသားလွတ်မြောက်ရေးတပ်မတော် (PNLA) က ဒီနေ့မှာ ထုတ်ပြန်ပါတယ်။
အလင်းဝင်လာတဲ့ ပြည်သူ့စစ်ကို PNLA က ဆုကြေးငွေများ ပေးအပ်ခဲ့ပြီး လွတ်လပ်စွာသွားလာနေထိုင် ခွင့်ပြုတယ်လို့ သိရပါတယ်။
ပအိုဝ်းအချင်းချင်း တိုက်ခိုက်မှာမဟုတ်တဲ့အတွက် စစ်ကောင်စီလက်အောက်ခံ ပအိုဝ်းပြည်သူ့စစ်တွေ အနေနဲ့ အမျိုးသားလွတ်မြောက်ရေးလမ်းကြောင်းပေါ် ကူးပြောင်းပြီး အလင်းဝင်ကြဖို့ တိုက်တွန်းထားပါတယ်။
PNLA ဟာ ရှမ်းပြည်နယ်တောင်ပိုင်း၊ ဆီဆိုင်မြို့ကို ထိန်းချုပ်ထားပြီး ဌာနဆိုင်ရာအဆောက်အအုံးများတွင် ပအိုဝ်းအလံများ လွှင့်တင်ထားပါတယ်။
PNLA ထိန်းချုပ်ထားတဲ့ ဆီဆိုင်မြို့ကို စစ်ကောင်စီနဲ့ ပြည်သူ့စစ်အဖွဲ့တွေက လက်နက်ကြီးအပါ လေကြောင်းကနေ ဗုံးရာချီနဲ့ တိုက်ခိုက်နေပါတယ်။
#MeKongNews
#ပအိုဝ်း
#လက်နက်
#အလင်းဝင်
#အချင်းချင်း