မဲခေါင်၊ ဧပြီ ၂
ရှမ်းပြည်မြောက်ပိုင်း။ နမ့်ခမ်းမြို့မှာ တအာင်အမျိုးသားလွတ်မြောက်ရေးတပ်မတော် (TNLA) က ကျေးရွာအုပ်ချုပ်ရေးမှူးရွေးချယ်ဖို့နဲ့ ဒေသဖွံ့ဖြိုးရေးကိစ္စတွေကို ဒေသခံလူထုတွေနဲ့ မနေ့ ဧပြီ ၁ ရက်မှာ တွေ့ဆုံခဲ့ပါတယ်။
“ ဟုတ်တယ် ကျေးရွာအုပ်ချုပ်ရေးအတွက် ရွေးချယ်ဖို့ ကလေးပညာအတွက် ဖွံ့ဖြိုးတဲ့ အပိုင်းတွေကို သူတို့ လာရှင်းပြတယ်၊ လုပ်ငန်းစဥ်တွေရော ပြောပြတယ်၊ နောက်ပိုင်း သူဟာနဲ့သူ ပုံမှန်လှည့်ပတ်နိုင်တော့မှာပါ” လို့ နမ့်ခမ်းဒေသခံတစ်ဦးက ပြောပါတယ်။
အဲ့ဒီ့ တွေ့ဆုံပွဲမှာ နမ့်ခမ်းမြို့က ကျေးရွာအုပ်ချုပ်ရေးမှူး၊ ဥက္ကဌတွေ ရွေးချယ်ခြင်း၊ ကလေးလူငယ်တွေရဲ့ ပညာရေး၊ မိုင်းအန္တရာယ်အသိပေးခြင်းနဲ့ ဒေသဖွံ့ဖြိုးရေးကိစ္စတွေကို ဆွေးနွေးခဲ့ပါတယ်။
အဆိုပါ နမ့်ခမ်မြို့မှာ ကျေးရွာပေါင်း ၅၀ ရှိပြီး ကျေးရွာတာဝန်ရှိသူနဲ့ TNLA တာဝန်ရှိတဲ့သူ စုစုပေါင်း ၁၂၀ ကျော်တက်ရောက်ခဲ့တယ်လို့ သိရပါတယ်။
MK 011