မဲခေါင်၊ ဖေဖော်ဝါရီ ၂၀
ရှမ်းပြည်တောင်ပိုင်း၊ ဆီဆိုင်မြို့မှာ တိုက်ပွဲတွေကြောင့် ခြံအတွင်းပုန်းခိုနေတဲ့ ၁၀ ဦးပါ မိသားတစ်စုအနက် ၅ ဦးဒဏ်ရာရနေပြီး ၂ ဦးက ဒဏ်ရာပြင်းထန်တယ်လို့ မြေပြင်သတင်းတွေအရ သိရပါတယ်။
ယင်းမိသားစုဟာ တိုက်ပွဲတွေရှောင်ရင်း ပိတ်မိနေတာလို့ ကူညီကယ်ဆယ်ရေးတွေ လုပ်နေသူက ပြောပါတယ်။
အဆိုပါ မိသားစုကို သွားရောက်ကယ်ထုတ်ခေါ်ဆောင်မယ့် ဆိုပ်ခေါင်က ကူညီသူတစ်ဦးကတော့ ယင်းမိသားစုနဲ့ ဖုန်းဆက်သွယ်မှု မရသေးဘူးလို့ မဲခေါင်ကို ပြောပါတယ်။
စစ်ကောင်စီတပ်က ဒီနေ့တမနက်လုံး လက်နက်ကြီးတွေဒရုန်းတွေနဲ့ ဆီဆိုင်မြို့အပါအဝင် အနီးအနားဝန်းကျင်ပစ်ခတ်နေတယ်လို့ PNLA ကလည်း ကြေညာထားပါတယ်။
မနေ့က ဆီဆိုင်ကို ပစ္စည်းပြန်သယ်သူ ၇ ဦးသေဆုံးတယ်လို့ PYO က ထုတ်ပြန်ပြီးနောက် အခု မိသားစု ဒဏ်ရာတွေနဲ့ တိုက်ပွဲကြားမှာ ပိတ်မိပြီး ကယ်ထုတ်နိုင်ရေး ကြိုးပမ်းနေဆဲလို့ ဆိုက်ခေါင်က လူမှုကူညီနေသူ တစ်ဦးကမဲခေါင်ကို ပြောပါတယ်။
MK-012
