မဲခေါင်၊ မတ် ၂၁
မတ် ၂၀ ရက်နေ့က ထိုင်းနိုင်ငံ တာ့ခ်ခရိုင် အုန်းဖန်ဒေသကို တပ်ပျက်ပြီး ထွက်ပြေးလာတဲ့ စစ်ကောင်စီ တပ်သား ၄၈ ယောက်ကို အဆက်အသွယ်တွေအားလုံးလုပ်ဆောင်ပေးပြီး ပြန်ပို့ပေးမယ်လို့ ထိုင်းတော်ဝင်စစ်တပ် အထူးတပ်ဖွဲ့က မတ် ၂၁ ရက်နေ့မှာ ထုတ်ပြန်သွားပါတယ်။
ထွက်ပြေးလာတဲ့ စစ်ကောင်စီတပ်သားတွေကို စည်းမျဉ်းစည်းကမ်းနဲ့အညီ ပါလာတဲ့ လက်နက်တွေအားလုံး သိမ်းဆည်းပြီးနောက် ထိုင်းဟာ အားလုံးအတွက် Safe Zone ဖြစ်တာနဲ့အမျှ ဘယ်အဖွဲ့အစည်းမှ ရန်သူမဟုတ်လို့ ပြန်လည်ပို့ဆောင်ပေးမှာဖြစ်ကြောင်း ထုတ်ပြန်သွားပါတယ်။
ထိုင်း amarinnews သတင်းဖော်ပြချက်မှာ ထိုင်းတော်ဝင်စစ်တပ်အထူးတပ်ဖွဲ့က အခြေအနေအရပ်ရပ်ကို အကောင်းဆုံးထိန်းချုပ်နိုင်ခဲ့ပြီဖြစ်ကြောင်းနဲ့ ထွက်ပေါ်နေတဲ့သတင်းတွေအရ ထိုင်းမြန်မာနယ်စပ်ကပ်လျှက် ဒေသတွေမှာ စစ်ကောင်စီတပ်စခန်းတွေဟာ ကော်သူးလေ၊ KNU ၊ PDF နဲ့ KNU တပ်မဟာ ၇ ဘက်ခြမ်းတွေမှာ အင်အားအလုံးအရင်းနဲ့ တိုက်ခိုက်ခံနေရကြောင်း၊ စစ်ကောင်စီဘက်က စစ်ကူတပ်သား၊ ရိက္ခာ မထောက်ပံ့ နိုင်တော့လို့ စစ်ကောင်စီ တပ်စခန်းကြီးတစ်ခုလည်း မကြာခင် ကျဆုံးရတော့မယ်လို့ ဖော်ပြသွားပါတယ်။
Ref: amarinnews
MKF-001