မဲခေါင်၊ ဖေဖော်ဝါရီ ၈
ရှမ်းပြည်တောင်ပိုင်း၊ ဆီဆိုင်မြို့နယ်က စစ်ဘေးရှောင်တွေ ရက်ကြာလာတာနဲ့အမျှ စားရေရိက္ခာများ ပြတ်လာလာနေတဲ့အတွက် ကူညီထောက်ပံ့မှုတွေ အထူးလိုအပ်လာနေတယ်လို့ စစ်ဘေးရှောင်များထံက သိရပါတယ်။
ဆီဆိုင်မြို့တွင် တိုက်ပွဲတွေဖြစ်ပွားခဲ့သည့် ဇန်နဝါရီ ၂၁ ရက်မှ ဖေဖော်ဝါရီ ၈ ရက်ထိ ၂၃ ရက်ကြာမြင့်လာတဲ့ အချိန်တွင် စစ်ရှောင်တွေအနေနဲ့ စားရေ ရိက္ခာတွေ ပြတ်လတ်လာတဲ့အပြင် ဝင်ငွေလုပ်ငန်းတွေလဲ မရှိကြတာကြောင့် ပိုခက်ခဲလာကြတဲ့အတွက် ကူညီထောက်ပံ့မှုတွေ အထူးလိုအပ်လာနေတယ်လို့ သိရပါတယ်။
`အဓိက က စောင်တွေ လိုအပ်နေတာပါပဲ၊ လာလှူတွေလူတွေရှိပေမယ့် လူများတော့မလောက်လို့လေ၊ သက်ဆိုင်ရာကလည်း အမျိုးသမီးလိုအပ်ချက်တွေ လာပေးတာ ၂ ခါရှိပြီ၊ ဆရာတော်နဲ့ ကျန်းမာရေးကလည်း လာကြည့်နေကြပါတယ်၊ စားဖို့ကတော့ နဲနဲရှိတယ်ဆိုပေမယ့် ပြတ်တော့မယ်၊ အဓိကတော့ ဟင်းစားပါ၊ အခြားလိုအပ်တာတွေတော့ အများကြီးပေ့ါ” လို့ လွယ်ကောင်းအုပ်စု ကောင်တန်ရွာရောက် စစ်ဘေးရှောင်တစ်ဦးက ပြောပါတယ်။
ကောင်တန်ရွာ မိုးကုတ်ဝိပဿနာကျောင်းတိုက်တွင် ဆီဆိုင်မြို့နယ် က စစ်ဘေးရှောင် ၃၀၀ ဝန်းကျင်ခန့် ခိုလှုံနေတယ်လို့ သိရပါတယ်။
ဆီဆိုင်မြို့ပေါ် ၆ ရပ်ကွက်နဲ့ မြို့နယ်အတွင်းရွာများက စစ်ဘေးရှောင် ၆ သောင်းကျော်ရှိနေရာတွင် အဆင်ပြေနီးစပ်ရာ နေရာများသို့ခိုလုံနေရသဖြင့် အခက်အခဲများစွာ ရှိတယ်လို့ သိရပါတယ်။
အခြား စစ်ဘေးရှောင်နေရာတွင် ခိုလှုံနေကြတဲ့ စစ်ဘေးရှောင်စာရင်းမှာ တောင်ကြီးမြို့ ကုန်းသာကျောင်း ၆၀၊ ဟမ်းဆီး ၂၅၀ ၊ ဟမ်းဖို့ ၂၀၀၊ ကျောင်းကြီးစု ၂၀ ၊ နောင်ကား၊ အောင်ပန်း၊ ညောင်းခံ၊ ကက္ကူအနီးရွာများတွင် ဦးရေ သောင်းချီဖြန့်ခွဲခိုလှုံနေကြသလို နမ့်ဆီးအုပ်စု၊ ဘုရားငါးဆူဘုန်းကြီးကျောင်း ၅၀၊ ကံကော်ဘုန်းကြီးကျောင်း ၃၀၊ ဗန်းကွန်ကျောင်း ၃၀ ၊ ကံတက်ကျောင်းတိုက် ၂၀၊ မြို့ဦးကျောင်း(ဟိုပုံး) ၆၀ တို့ စာရင်းကောက်ယူ ရရှိပါတယ်။
ဆီဆိုင်မြို့တစ်ဝိုက်တွင် တိုက်ပွဲများပြင်းထန်နေဆဲဖြစ်သဖြင့် စစ်ဘေးရှောင်ပြည်သူများ မြို့တွင်းဝင်ရောက်ခြင်းများ ပြန်လည်ပြုလုပ်ခြင်း မပြုလုပ်ကြရန် PNLA မေတ္တာရပ်ခံထားပါတယ်။
MK-012
#MeKongNews
#ဆီဆိုင်
#စစ်ရှောင်
#ကူညီ
#လိုအပ်