မဲခေါင် ၊ ဇန်နဝါရီ ၂၅
ရှမ်းပြည်နယ်တောင်ပိုင်း ဆီဆိုင်မြို့မှာ ဇန်နဝါရီ ၂၃ ရက်ညမှာ စစ်ကောင်စီက လေယာဉ်နဲ့ ဗုံးကြဲလို့ မြို့လူထုတွေ နီးစပ်ရာ မြို့တွေကို စစ်ဘေးရှောင်နေကြတယ်လို့ ဒေသခံတစ်ဦး က သိရပါတယ်။
ညက လေယာဉ်နဲ့ ဗုံးသုံးလုံးချတယ်၊ မြကန်သာ ရပ်ကွက်က နေအိမ်တစ်လုံးနဲ့ မူလတန်းစာသင်ကျောင်း မီးလောာင်သွားတယ်၊ ခုချိန်ထိနှစ်ဖက်ထိတွေ့တိုက်ပွဲမရှိ ၊ ရဲစခန်းနဲ့ ဂိတ်တွေကိုတော့ PNLA က သိမ်းထားပြီ၊ ကျနော်လဲ ဆီဆိုင်ကတောင်ကြီးဖက် ထွက်လာပြီလို့ဆီဆိုင်အောင်ချမ်းသာရပ်ကွက်နေ ဒေသခံ က မဲခေါင်ကို ပြောပါတယ်။
ပအိုဝ်းအမျိုးသားလွတ်မြောက်ရေးတပ်မတော် (PNLA) က သိမ်းဆည်းရမိတဲ့ စစ်ကောင်စီ စခန်းတွေကို မီး ရှို့ပြီး နောက် ဆီဆိုင်မြို့နေ ပြည်သူတွေ ယနေ့မနက် ၉ နာရီ နောက်ဆုံးထားထွက်ခွာဖို့ ပြောနေတယ်လို့လဲ သိရပါတယ်။
အခုအချိန်မှာ ခုတင် ၅၀ ဆန့် ဆီဆိုင်ဆေးရုံလဲ မနေ့ကတဲက ပိတ်သွားပြီး ဆရာဝန်၊ ဆရာမတွေလဲ မရှိတော့လို့ လူနာတွေလဲ တောင်ကြီးဖက်ကို သွားရောက်နေရတယ်လို့ သတင်းအရင်းအမြစ်က ဆိုပါတယ်။
ဆီဆိုင်က တောင်ကြီးလမ်း အနီးဆုံး ဟိုပုံးမှာလည်း ည ၈ နာရီခွဲလောက်ကတည်းက ကိုယ်ပိုင်စာသင်ကျောင်း လုံခြုံရေးအရကျောင်းပိတ်လို့ ကလေးတွေ အိမ်ကို ပြန်ပို့နေသလို ဒေသရုံးက ဝန်ထမ်းအိမ်တွေလဲ ဒေသဝန်းထဲ မနေရဲလို့ ရွှေ့ကုန်တယ်၊ PNA တွေ ကားတွေနဲ့ မြို့ထဲလှည့်နေတာတွေရှိပြီး မြို့ပေါ် ဘုန်းကြီးကျောင်းတွေမှာ စစ်ဘေးရှောင်စခန်းတွေဖွင့်ဖို့ ဆရာတော်တွေ လုပ်ဆောင်နေတယ်လို့ ဟိုပုံးဒေသခံတစ်ဦးထံကသိရပါတယ်။
ယနေ့နံနက်ပိုင်းတွင် ဆီဆိုင် တောင်ကြီးကားလမ်းပေါ်မှာ ဆီဆိုင်ဖက်ကလာတဲ့ စစ်ရှောင်တွေ ကားတွေ ဆိုင်ကယ်တွေ အပြည့်ရှိနေတယ်လို့ စစ်ဘေးရှောင်တစ်ဦး ထံက သိရပါတယ်။
PNLA ကတော့ မနေ့က ရက်စွဲနဲ့ ယင်းတို့ တပ်မတော်ဟာ လက်ရှိကာလ လုံခြုံမှုအားနည်းနေတဲ့ ပအိုဝ်းဒေသကို လူဆိုး သူခိုး ဓားပြရန်ကကာကွယ်ဖို့ လုံခြုံရေးလှုပ်ရှားမှုပြုလုပ်နေခြင်းသာဖြစ်တယ်လို့ ပြည်သူတွေကို အသိပေးချက် တစ်စောင်ထုတ်ပြန်ထားပါတယ်။
MK-012
#MekongNews
#ဆီဆိုင်
#လေယာဉ်
#ဗုံးကြဲ
#လူထု
#စစ်ဘေး
