မဲခေါင်၊ ဇန်နဝါရီ ၂၉

ပအို၀်းအမျိုးသားအချင်းချင်း တိုက်ခိုက်မှာမဟုတ်ပေမယ့် စစ်တပ်လက်အောက်ခံ ပအို၀်းပြည်သူ့စစ်အနေနဲ့ အမျိုးသားလွတ်မြောက်ရေးလမ်းကြောင်းပေါ် ကူးပြောင်းရန် ပအို၀်းအမျိုးသားလွတ်မြောက်ရေးအဖွဲ့ချုပ် (PNLO) က ဖေဖော်၀ါရီ ၂၆ ရက်မှာ ထုတ်ပြန်အသိပေးပါတယ်။

ဇန်နဝါရီ ၂၁ ရက် ဖြစ်ခဲ့တဲ့ စံဖူး(လုံးဟီး) ရွာမှာ ဖြစ်ခဲ့တဲ့ ဖြစ်စဉ်ကနေ စစ်မီးမကူးစက်ဖို့ စစ်ကောင်စီနဲ့ အတတ်နိုင်ဆုံးညှိနှိုင်းခဲ့ပေမယ့် အောင်မြင်မှုမရခဲ့ဘူးလို့ ဆိုပါတယ်။

PNLO ရဲ့ ဗဟိုဌာနချုပ်အ၀န်းအ၀ိုင်းမှာရှိတဲ့ နောင်ထော၀်ကို တိုက်ပွဲဖြစ်ခြင်းမရှိဘဲ ဗုံးကြဲတိုက်ခိုက်ခဲ့တဲ့အတွက် လူထုထိခိုက်သေဆုံးခဲ့ရကြောင်းနဲ့ ယင်းဖြစ်စဉ်မှစကာ ဆီဆိုင်မြို့ပေါ်အထိ တိုက်ပွဲတွေကူးစက်နေတယ်လို့ ပါရှိပါတယ်။

PNLO အနေနဲ့ စစ်တပ်ဖော်ဆောင်တဲ့ ငြိမ်းချမ်းရေးကို ၈ နှစ်တိုင်တိုင် မျှော်လင့်ခဲ့ပြီး ပါ၀င်လုပ်ဆောင်ခဲ့ပေမယ့် အာမခံချက်မရှိတဲ့ နိုင်ငံရေးရလဒ်တွေ မရှိခဲ့ကြောင်း၊ အခုဖြစ်နေတဲ့စစ်ရေးပဋိပက္ခဟာ လူမျိုးရေးမဟုတ်ဘဲ စစ်အာဏာရှင်တစ်စုနဲ့ အဖိနှိပ်ခံ တိုင်းရင်းသားလူမျိုးတွေနဲ့ပြည်သူလူထုအကြား ဖြစ်ပွားနေတာသာဖြစ်တယ်။

လက်ရှိစစ်ရေးပဋိပက္ခမှာ ပအို၀်းအမျိူးသားအချင်းချင်း အပြန်အလှန်ပစ်ခတ်တိုက်ခိုက်တာတွေပြုလုပ်မှာ ပြုလုပ်မှာ မဟုတ်ပါလို့ ဖော်ပြထားပါတယ်။

စစ်တပ်လက်အောက်ခံ ပအို၀်းအမည်ခံလက်နက်ကိုင် တပ်ဖွဲ့အနေနဲ့ အမျိုးသားလွတ်မြောက်ရေး လမ်းကြောင်းပေါ်ကူးပြောင်းရပ်တည်သွားဖို့ အလေးအနက်တိုက်တွန်းတယ်လို့ ဆိုပါတယ်။

MK-012

#MeKongNews

#ပအို၀်း

#လွတ်မြောက်ရေး

#စစ်တပ်

#ကူးပြောင်း

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)