မဲခေါင်၊ နိုဝင်ဘာလ ၆

အမှတ်(၁) စစ်ဒေသ၊ ကောလင်းခရိုင် ကွပ်ကဲရေး အစီအစဥ်နဲ့ ပြည်သူ့ ကာကွယ်ရေး တပ်မတော် PDF နဲ့ မဟာမိတ် ပူးပေါင်း တပ်ဖွဲ့တွေဟာ စစ်ကိုင်းတိုင်း၊ ကောလင်းခရိုင်၊ ကောလင်းမြို့ကို အောင်မြင်စွာ တိုက်ခိုက် သိမ်းပိုက်နိုင် ခဲ့တယ်လို့ အမျိုးသား ညီညွတ်ရေး အစိုးရ NUG က ဒီကနေ့ မွန့်တည့်ချိန်မှာ ထုတ်ပြန်ပါတယ်။

ကောလင်းမြို့ရှိ စစ်တပ် အခြေပြု တပ်စွဲထားတဲ့ ကောလင်းရဲစခန်း၊ အထွေထွေ အုပ်ချုပ်ရေးရုံး၊ အထက်တန်းကျောင်း၊ မြေစာရင်းရုံး၊ မြန်မာ့စီးပွားရေးဘဏ်တို့ကို အောင်မြင်စွာ တိုက်ခိုက်သိမ်းပိုက်ပြီးနောက် အုပ်ချုပ်ရေး ယန္တရား ရပ်တန့်သွားကာ ကောလင်းမြို့ကို အောင်မြင်စွာ သိမ်းပိုက်နိုင်ခဲ့တယ်လို့ ထုတ်ပြန်ချက်မှာ ဖော်ပြပါတယ်။

ဒီမြို့သိမ်း တိုက်ပွဲဟာ ပြည်မရှိ ခရိုင်အဆင့်မြို့ကို ပထမဆုံးအကြိမ် တိုက်ခိုက် သိမ်းပိုက်နိုင်ခဲ့တာလို့ ဆိုပါတယ်။

မြို့သိမ်းတိုက်ပွဲ အတွင်း လက်နက် မျိုးစုံ ၅၄ လက်နဲ့ ခဲယမ်းများ သိမ်းဆည်းရမိပြီး စစ်ဆင်ရေးဆိုင်ရာ အချက်အလက်များ မကြာခင် အသေးစိတ် ထုတ်ပြန်မယ်လို့ ထုတ်ပြန်ချက်မှာ ဖော်ပြထားပါတယ်။

#MekongNews

#ကောလင်းမြို့

#NUG

#ရဲစခန်း

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)