မဲခေါင်၊ ဇူလိုင် ၁
အမေရိကန်ထောက်လှမ်းရေး CIA အကြီးအကဲဟောင်း မိုက်ကယ်မိုရဲလ်က အစ္စလာမ္မစ်အစွန်းရောက် အကြမ်း ဖက်အဖွဲ့တွေ ပြန်လည်ခေါင်းထောင်လာပြီဖြစ်လို့ ၂၀၀၁ စက်တင်ဘာ ၁၁ ရက်နေ့က အမေရိကန်နိုင်ငံ ဘော်စတွန်မြို့ ကုန်သွယ်ရေးစင်တာကို လေယာဉ်ပြန်ပေးဆွဲပြီး ဝင်တိုက်တဲ့ ဖြစ်ရပ်ဆိုးမျိုးတွေ ထပ်ကြုံလာရ နိုင်ကြောင်း သတိပေးပြောကြားသွားပါတယ်။
မိုက်ကယ်မိုရဲလ်ဟာ သမ္မတ ဂျော့ချ်ဘုရှ်လက်ထက် 9/11 ဖြစ်ရပ်ကာလက CIA ဒါရိုက်တာရာထူး တာဝန်ယူခဲ့သူဖြစ်ပြီး နောက် ၁၀ နှစ်အကြာ သမ္မတအိုဘားမားလက်ထက် IS ခေါင်းဆောင် ဘင်လာဒင်ကို ရှင်းလင်းခဲ့တဲ့ စစ်ဆင်ရေးမှာ ဦးဆောင်ပါဝင်ခဲ့သူဖြစ်ပါတယ်။
လူပေါင်း ၃၀၀၀ သေဆုံးခဲ့ရတဲ့ 9/11 ဖြစ်ရပ်ဆိုးကြုံတဲ့နေ့ကတည်းက နောက်ထပ် ဒီလိုအဖြစ်ဆိုးမျိုး ထပ်မဖြစ်စေရဘူးလို့ ဂျော့ချ်ဘုရှ်နဲ့အတူ အိမ်ဖြူတော်မှာ သံန္နိဌာန်ချမှတ်ခဲ့ကြပေမယ့် အီရတ်ကနေ အမေရိကန် တပ်တွေပြန်ထွက်ခွာခဲ့မှု၊ ၂၀၂၁ ခုနှစ်က အာဖဂန်နစ္စတန်ကနေ ပြန်လည်ထွက်ခွာခဲ့မှုကြောင့် ISIS တွေဟာ အီရတ်၊ အာဖဂန်၊ ပါကစ္စတန်၊ ဆီးရီးယားနိုင်ငံတွေမှာ အခြေပြန်တည်လာနိုင်ခဲ့ပါတယ်။
ISIS တွေဟာ အင်အားကြီးထွာလာနေကြပြီ ဖြစ်သလို အစ္စလာမ္မစ်အစွန်းရောက် လက်နက်ကိုင်အဖွဲ့အားလုံး အဘူဘာကာအယ်လ်ဘက်ဂ်ဒါဒီ အမိန့်တစ်ခု တည်းအောက်မှာ ပူးပေါင်းလှုပ်ရှားမယ်လို့ ထုတ်ပြန်ထားလို့ ပိုအန္တရာယ်ကြီးထွားလာပါတယ်။
ဒီအထဲမှာ ISIS-K ခေါ် Islamic State in Khorasan ဟာ အာဖဂန်နဲ့ ပါကစ္စတန်မှာအခြေစိုက်ပြီး အင်အားကြီးထွားလာလို့ အနောက်ဥရောပနဲ့ အမေရိကန်ကို ပစ်မှတ်ထားပြီး ဖြစ်ရပ်ဆိုးကြုံရနိုင်တဲ့ တိုက်ခိုက်မှုတွေလုပ်ဖို့ စီစဉ်နေကြပြီလို့ ဆိုပါတယ်။
ISIS-K ဟာ ဥရောပမှာ နှစ် ၂၀ အတွင်းအဆိုးရွားဆုံး အကြမ်းဖက်ခံရမှုဖြစ်တဲ့ ရုရှား ဂီတဖျော်ဖြေ ပွဲမှာ ပြီးခဲ့တဲ့လပိုင်းက သေနတ်နဲ့ဝင်ပစ်လို့ လူပေါင်း ၁၄၀ သေဆုံးခဲ့ရပြီးဖြစ်ပါတယ်။
အနောက်ဥရောပနဲ့ ဂျာမနီ က ကိုလုံးမြို့မှာ အကြမ်းဖက် စီမံကိန်းကြီး ၂ ခု လက်ဦးခဲ့လို့သာ အကောင်အထည်မပေါ်ခဲ့တာဖြစ်ကြောင်း မိုက်ကယ်မိုရဲလ်က ရှင်းလင်းပြောကြားခဲ့ပါတယ်။
လက်ရှိမှာတောင် ပြီးခဲ့တဲ့ရက်ပိုင်းအတွင်း အမေရိကန်ထဲကို ISIS-K အကြမ်းဖက် ၈ ဦး ဝင်ရောက်လာတာ သိရ ပေမယ့် ဖမ်းမမိခဲ့လို့ ထောက်လှမ်းရေးကွန်ရက်ကို ဥရောပနဲ့အမေရိကန်မှာသာမက အာဖဂန်ကို လက်ရှိအုပ်စိုး ထားတဲ့ တာလီဘန်အစိုးရနဲ့ပါ ပူးပေါင်းပြီး တည်ဆောက်လို့ သတင်းဦးရယူနိုင်ဖို့ အရေးကြီးတယ်လို့ ဆိုပါတယ်။
အကြမ်းဖက် တိုက်ခိုက်မှုတွေကတော့ သေချာပေါက် ၁၀၀ ရာခိုင်နှုန်း ရောက်လာမှာဖြစ်လို့ ဦးအောင် ချေမှုန်းနိုင်ရေး ပြန်လည် အားထုတ်သင့်ပြီလို့ မိုရဲလ်က တိုက်တွန်းသတိပေးသွားခဲ့တာဖြစ်ပါတယ်။
ဆက်လက်ပြီး ဒီလို အစွန်းရောက်အကြမ်းဖက်အဖွဲ့တွေထဲမှာ ကြောက်စရာအကောင်းဆုံးက အာဖရိကတိုက်ထဲ က အကြမ်းဖက်အဖွဲ့တွေဖြစ်ပြီး နိုင်ငံရေးမတည်ငြိမ်မှု၊ စီးပွားရေးနိမ့်ကျမှုတွေကြောင့် ပိုအင်အားတောင့်လာသလို သဘာ၀တွင်းထွက်ရတနာတွေအားနဲ့ အယ်လ်ခိုင်းဒါး၊ ISIS တို့ရဲ့ မဟာမိတ် ဘိုကိုဟာရမ်နဲ့ အယ်လ်ရှာဘက်အဖွဲ့ တွေဟာ ကြောက်စရာအကောင်းဆုံး အကြမ်းဖက်အဖွဲ့တွေ ဖြစ်လာနေပြီလို့လည်း မိုရဲလ်က ရှင်းလင်းပြောကြား သွားပါတယ်။
Ref:Thesun
MKF-001