မဲခေါင်၊ ဇန်နဝါရီ ၁၆
တရုတ်အမျိုးသားကျန်းမာရေးကော်မရှင်က ဒီဇင်ဘာ ပထမပတ်ကနေ ဇန်နဝါရီ ၁၂ ရက်နေ့အထိ သူတို့နိုင်ငံအတွင်းမှာ ကိုဗစ်ကြောင့် ၆၀၀၀၀ နီးပါး (၅၉၉၃၈ ယောက်) သေဆုံးခဲ့တယ်လို့ ပထမဆုံးအကြိမ် ဝန်ခံထုတ်ပြန်ခဲ့ပါတယ်။
ဒါဟာ လိမ်ညာမှုသာဖြစ်ပြီး အမှန်တကယ်သေဆုံးနှုန်းရဲ့ ၇ ရာခိုင်နှုန်းတောင် မရှိတဲ့ ပမာဏကို ထုတ်ပြန်တာဖြစ်တယ်လို့ ကျန်းမာရေးသုတေသီတွေက ဝေဖန်တွက်ချက်ပြခဲ့ပါတယ်။
တရုတ်ပြည်မှာ ကိုဗစ်ဇီးရိုးပေါ်လစီကို ပယ်ဖျက်လိုက်ပြီးနောက် ကိုဗစ်ကူးစက်နှုန်းဟာ ချက်ချင်း အမြင့်ဆုံးရောက်လာခဲ့ပြီး မနိုင်မနင်းတွေဖြစ်နေတာကို တရုတ်အစိုးရက ဖုံးဖိမရတော့တဲ့အချိန်မှ ငါးပတ်အတွင်း ၆၀၀၀၀ နီးပါး သေဆုံးတယ်လို့ ဝန်ခံခဲ့တာဖြစ်ပါတယ်။
လော့စ်အိန်ဂျလိစ်ရဲ့ ပြည်သူ့ကျန်းမာရေးတက္ကသိုလ် ကူးစက်ရောဂါဗေဒဌာန အကြီးအကဲဖြစ်တဲ့ ဇူးဖန်ဇန်းက တရုတ်အစိုးရကြေညာတဲ့ ၆၀၀၀၀ ခန့် သေဆုံးတယ်ဆိုတာ ဆေးရုံပေါ်မှာ သေဆုံးမှုသီးသန့်ကိုသာ ကြေညာတာဖြစ်ပြီး တကယ်သေဆုံးနှုန်းရဲ့ ၇ ရာခိုင်နှုန်းသာ မရှိတဲ့ ပမာဏကို တင်ပြတာဖြစ်တယ်လို့ သုံးသပ်သွားပါတယ်။
ပီကင်းတက္ကသိုလ် အမျိုးသားဖွံ့ဖြိုးရေးကျောင်းရဲ့ စစ်တပ်မှာ ဒီငါးပတ်အတွင်း တရုတ်နိုင်ငံရဲ့ လူဦး ရေ ၆၄ ရာခိုင်နှုန်း ကိုဗစ်ကူးစက်ခံရတယ်ဆိုတဲ့ အခြေခံယူဆချက်အရ ဒီငါးပတ်အတွင်း ကိုဗစ်စံဖြစ်တဲ့
၀.၁ ရာခိုင်နှုန်း သေဆုံးတဲ့မူအရ သေဆုံးသူပေါင်း ၉ သိန်းအထိ ရှိမယ်လို့ ကောက်ချက်ချခဲ့ပါတယ်။
လက်ရှိ တောင်ကိုရီးယားနိုင်ငံမှာလည်း ကိုဗစ်ကူးစက်နှုန်းမြင့်တက်လာသလို သေဆုံးမှုနှုန်းကလည်း ချက်ချင်းမြင့်တက်လာပြီး လူ ၁ သန်းမှာ ခုနစ်ယောက်နှုန်းသေဆုံးတဲ့အထိ မြင့်တက်ခဲ့ပါတယ်။
ဩစတြေးလျနဲ့ နယူးဇီလန်မှာလည်း ပထမဆုံးကိုဗစ်ကာလအတွင်း သေဆုံးနှုန်းက တစ်သန်းမှာ လေးယောက်နှုန်း အထိမြင့်တက်လာခဲ့ပါတယ်။
စင်ကာပူမှာလည်း ဇီးရိုးကိုဗစ်ပေါ်လစီ ရုတ်သိမ်းတာမကြာသေးချိန်အတွင်း သေဆုံးနှုန်းက တစ်သန်းမှာ နှစ်ယောက်နှုန်းမြင့်တက်သွားတယ်။
ပီကင်းတက္ကသိုလ်ရဲ့ သုံးသပ်ချက်မှာ တရုတ်နှစ်သစ်ကူးကာလ ခရီးသွားတွေပြန်ဖွင့်ပေးခြင်းကနေ ကိုဗစ်ကူးစက်နှုန်း ကြောက်စရာထပ်မံမြင့်တက်ဖို့ သေချာနေပြီး ၂၀၂၃ ခုနှစ်အတွင်း ၁.၂ သန်းကနေ ၁.၆ သန်းအထိ ရှိလိမ့်မှာဖြစ်ကြောင်း၊ ပြီးခဲ့တဲ့ ၅ ပတ်အတွင်း သေဆုံးနှုန်းဟာလည်း ပျမ်းမျှတွက်ရင် ၉ သိန်းကျော် ရှိမယ်လို့ သုံးသပ်တွက်ချက်ခဲ့ပါတယ်။
Ref: alarabiya
MKF – 001
