မဲခေါင်၊ ဇွန် ၂၈
၂၀၂၅ နေတိုးညီလာခံသို့ သွားရောက်ခဲ့စဉ် နေတိုးအကြီးအကဲ မာ့ခ်ရတ်တီက ဒေါ်နယ်ထရမ့်အား အီရန် အပေါ် နှိမ်နင်းနိုင်ခဲ့မှုနှင့် အစ္စရေးနှင့် အပစ်အခတ်ရပ်စဲနိုင်ခဲ့မှုကို ရည်စူးပြီး “ဟေး . . . ဒက်ဒီ” ဟု ခေါ်ဆိုခဲ့မှုအား သဘောကျသည့်အနေဖြင့် အိမ်ဖြူတော်သို့ ဒေါ်နယ်ထရမ့်ပြန်ရောက်လာစဉ် Daddy’s Home ဆိုသော စာတန်းဖြင့် ကြိုဆိုခဲ့ကြသည်။
ဇွန် ၂၅ ရက်နေ့က နေတိုးညီလာခံတွင် ထရမ့်က သတင်းသမားများနှင့် တွေ့ဆုံစဉ် အီရန်နှင့် အစ္စရေး အပစ်ရပ်စဲရန် ကြားဝင် ညှိနှိုင်း သဘောတူခဲ့ပြီးမှ အပြန်အလှန်ပစ်ခတ်ခဲ့မှုကိုပြောဆိုရာတွင် “They don’t know what the f*** they’re doing.” ဆိုသည့် အဆဲဖက်သော စကားပြောဆိုခဲ့ပြီးနောက် နေတိုး အထွေထွေအတွင်းရေးမှူးချုပ် မာ့ခ်ရတ်တီက “ဟေး . . . ဟေး . . . ဟေး . . . ဒက်ဒီ” ဟု ထရမ့်ကို လှမ်းခေါ်ပြောဆိုမှု ပြုလုပ်ခဲ့ခြင်းဖြစ်သည်။
ထို့ကြောင့် အိမ်ဖြူတော်က ထရမ့်ပြန်လာစဉ် အဆိုတော် Usher ၏ Daddy’s home, home for me ဆိုသည့် သီချင်းစာသားပင်ဖွင့်လှစ်ကာ ဒက်ဒီ၏ အိမ်မှ ကြိုဆိုပါသည်ဆိုသော စကားလုံးဖြင့်ဖြင့် ကြိုဆိုခဲ့သည့် ဗီဒီယို ထုတ်ပြန်ခဲ့သည်။
ထရမ်မှာ သူ့ကိုယ်သူ ဖခင်ကြီးအရာရောက်သွားမှုအပေါ် ဂုဏ်ယူနေဟန်ရှိသော်လည်း တခြားသော နေတိုးအဖွဲ့ဝင်နိုင်ငံများမှ ခေါင်းဆောင်များက ထရမ့်၏ သားများမဖြစ်စေရေး ထရမ့်အား ခေါ်ပင် မခေါ်ဝင့်တော့သည့်အခြေအနေမျိုး ဖြစ်ခဲ့သည်ဟု ဆိုသည်။
ထိုအခြေအနေများဖြစ်ပြီးနောက် မာ့ခ်ရတ်တီက ဒက်ဒီပြဿနာတွင် ထရမ့်အား မိမိက အဖေဟု ခေါ် ခြင်းမဟုတ်ကြောင်း၊ ဥရောပနိုင်ငံများသို့ ခရီးစဉ်ရောက်ရှိစဉ် နိုင်ငံများက “ဟေး . . . မာ့ခ်။ အမေရိကန်က ငါတို့နှင့်အတူရှိနေဦးမည်လား” ဟု မေးမြန်းလေ့ရှိကြကြောင်း၊ ထိုမေးခွန်းသံများသည် ကလေးငယ်လေးများမှ ၎င်းတို့ ဒက်ဒီကို မေးမြန်းသံနှင့်တူနေသဖြင့် “ဟေး . . . မင်းတို့ မိသားစုနဲ့ အတူနေတုန်းပဲ” လားဟု ပြန်နောက်ပြောင် ပြောဆိုလေ့ရှိကြောင်း၊ ထိုအတွေးဖြင့် ထရမ့်နှင့်တွေ့စဉ် “ဟေး . . . ဒက်ဒီ” ဟု ခေါ်မိခြင်းသာဖြစ်ကာ သမ္မတဒေါ်နယ်ထရမ့်ကို အဖေဟု ခေါ်ဆိုခြင်းမျိုးမဟုတ်ကြောင်း ရှင်းလင်း ပြောဆိုသွားခဲ့သည်။
ကိုကလင်း
Ref: Thesun
#MeKongNews
#ဒေါ်နယ်ထရမ့်
#အိမ်ဖြူတော်
#နေတိုးညီလာခံ
#မာ့ခ်ရက်တီ
