မဲခေါင်၊ ဧပြီ ၁၁
အမေရိကန်သမ္မတ ဒေါ်နယ်ထရမ့်သည် ကမ္ဘာတစ်ဝန်း နိုင်ငံအများစုအား သွင်းကုန် စည်းကြပ်ခွန်များ များစွာ မြှင့်တင်ခဲ့ခြင်းကြောင့် ကမ္ဘာတစ်ဝှမ်း စတော့ရှယ်ယာစျေးကွက်များ ကမောက်ကမကျဆင်းကုန်ပြီး ရင်းနှီးမြှုပ်နှံသူများဘက်မှ တန်ပြန်ရန် ကမ္ဘာတစ်ဝန်း စီစဉ်လာကြရာ ဧပြီ ၉ ရက်နေ့တွင် ထရမ့်က အခွန်စည်းကြပ်မှုအသစ်များကို ရက် ၉၀ ကြာ ရပ်ဆိုင်းကြောင်း ကြေညာသွားခဲ့သည်။
ထိုသို့ ရပ်ဆိုင်းပေးခြင်းတွင် အဓိကကုန်သွယ်စီးပွားပြိုင်ဘက်ကြီး တရုတ်ကိုမူ ကင်းလွတ်ခွင့်မပေးဘဲ တရုတ်ဘက်က ကုန်သွယ်ခွန် ၈၅ ရာခိုင်နှုန်း ပြန်လည်တိုးမြှင့်ခြင်းကို ထရမ့်ဘက်က ၁၂၅ ရာခိုင်နှုန်းအထိ ထပ်မံ မြှင့်တင်သတ်မှတ်ခဲ့ပြန်သည်။
ထိုအခြေအနေတွင် နောက်တစ်ပတ်အတွင်း ထရမ့်ကို တန်ပြန်အခွန်စည်းကြပ်တုံ့ပြန်ရန် အဖွဲ့ဝင်နိုင်ငံ အများအပြားက လက်ခံထားပြီးဖြစ်သည်ဟု ဆိုထားသော ဥရောပသမဂ္ဂကလည်း ထရမ့်၏ တစ်နိုင်ငံချင်းစီနှင့် အခွန်စည်းကြပ်မှုနှုန်းထား ပြန်လည်ဆွေးနွေးသတ်မှတ်ရန် သွင်းကုန်စည်းကြပ်ခွန် တိုးမြှင့်မှုကို ရက် ၉၀ ရပ်ဆိုင်းပေးခဲ့ခြင်းအား ကြိုဆိုကြောင်း၊ ထို့ကြောင့် တန်ပြန်အခွန်မြှင့်တင်စည်းကြပ်ခြင်းကို ရက် ၉၀ ပြန်လည်ရွှေ့ဆိုင်းပေးကြောင်း၊ သို့သော် ဆွေးနွေးမှုတွင် ကျေနပ်နိုင်မှုမရှိပါက တန်ပြန်တိုင်းတာတုံ့ပြန်မှုလုပ်ရန် အားလုံးတိုင်ပင်ဆွေးနွေး စီမံကိန်းချမှုများ ဆက်လက် လုပ်ဆောင်နေဦးမည်ဟု ဥရောပသမဂ္ဂ ကော်မရှင်ဥက္ကဌ ဗွန်ဒါလင်းက လူမှုကွန်ရက် X တွင် ဧပြီ ၁၀ ရက်၌ ရေးသား အသိပေးသွားခဲ့သည်။
ကိုကလင်း
Ref:aa[dot]com
#MeKongNews
#ဒေါ်နယ်ထရမ့်
#စည်းကြပ်ခွန်
#အီးယူ
#ဥရောပ
