အစ္စရေးလေကြောင်းတိုက်ခိုက်မှုကြောင့် ဟားမက်စ်ပြောရေးဆိုခွင့်ရှိသူအပါ ၈ ဦးသေဆုံး
မဲခေါင်၊ မတ် ၂၈
မတ် ၂၇ ရက် အစ္စရေး၏ လေကြောင်းတိုက်ခိုက်မှုကြောင့် ဟားမက်စ် ပြောရေးဆိုခွင့်ရှိသူ အဗ္ဗဒဲလ် လာတစ်ဖ်ကန်နိုနာအပါအဝင် ၈ ဦး သေဆုံးခဲ့ကြောင်း သိရသည်။
ဟားမက်စ်ထုတ်လွှင့်သည့် အယ်လ်အက္ကဆာ ရုပ်သံမှ မတ် ၂၇ ရက်မနက်ပိုင်း ထုတ်ပြန်ကြေညာမှုတွင် ဂျာဘာလီယာအရပ်ရှိ လာတစ်ဖ်ကန်နနိုနာ နေထိုင်သောတဲကို အစ္စရေးဘက်မှ ပစ်မှတ်ထား တိုက်ခိုက်ခဲ့ခြင်းဖြစ်ကာ တခြားဒဏ်ရာရသူများစွာရှိခဲ့ကြောင်း၊ တခြားသော တိုက်ခိုက်မှုများကိုလည်း ခွန်းယူနစ် အရပ်တွင်ရှိခဲ့ရာ အနည်းဆုံး ၆ ယောက်သေဆုံးခဲ့ကြောင်း ထုတ်ပြန်သွားခဲ့သည်။
ပြီးခဲ့သည့် တစ်ပတ်မှ စတင်ပြီး အစ္စရေးနှင့်ဟားမက်စ်တို့ကြား ၂ လကြာ အပစ်အခတ်ရပ်စဲမှု သဘော တူညီချက်ပြိုလဲပြီးနောက် ယခုတစ်ပတ်အစောပိုင်း အစ္စရေး၏တိုက်ခိုက်မှုကြောင့် ဟားမက်စ် နိုင်ငံရေးခေါင်းဆောင် အစ္စမေးလ်ဘာဟုမ်းနှင့် စစ်ဘက်ဆိုင်ရာခေါင်းဆောင် ဆာလက်ချ်အယ်လ်ဘာဒါဝီတို့ သေဆုံးခဲ့ပြီး ဖမ်းဆီးထားဆဲဖြစ်သော ဓားစာခံများချက်ချင်းပြန်မလွှတ်ပါက ဂါဇာကမ်းမြောင်ဒေသကို တိုက်ခိုက်သိမ်းပိုက်ရလိမ့်မည်ဟုလည်း အစ္စရေးဘက်က မတ်လ ၂၇ရက်တွင် ကြေညာကာ ဝေဟင်နှင့်မြေပြင်ထိုးစစ်ပါ အရှိန်မြှင့်တင်နေကြောင်းလည်း သိရသည်။
ကိုကလင်း
Ref: pajhwok
#MeKongNews
