မဲခေါင်၊ မတ် ၁၆
ဇမ်ဘီယာနိုင်ငံမှ ပြည်သူများ၏ အသက်သွေးကြောဖြစ်သော မိုင် ၉၃၀ ရှည်သော Kafue မြစ်ကြီးသည် တရုတ်အစိုးရပိုင် ကြေးနီစီမံကိန်းမိုင်းတွင်းမှ စွန့်ပစ် အက်ဆစ်များကြောင့် တစ်မုဟုတ်ချင်း ကော (ပျက်သုဉ်း) သွားခဲ့ပြီ ဖြစ်သည်။
တောင်အာဖရိက နိုင်ငံတစ်ခုဖြစ်သော ဇမ်ဘီယာသည် တရုတ်အား ကြွေးမြီဒေါ်လာ ၄ ဘီလီယံ တင်ရှိနေသော နိုင်ငံဖြစ်သည်။
ထို့ကြောင့် စမတ်ဖုန်းနှင့် တခြားသော နည်းပညာထုတ်ကုန်များအတွက် ကမ္ဘာ့စျေးကွက်တွင် အဓိကတင်ပို့ရာ တရုတ်အစိုးရသည် ဇမ်ဘီယာ၌ ကြေးနီ စီမံကိန်းမိုင်းတွင်းများ လုပ်ဆောင်နေရာမှ ဇမ်ဘီယာသည် ကမ္ဘာပေါ်တွင် ကြေးနီထုတ်လုပ်မှုအများဆုံး ၁၀ နိုင်ငံထဲ စာရင်းပေါက် ခဲ့ပြီး တရုတ်အစိုးရပိုင် Sino-Metals ကုမ္ပဏီမှ ကြေးနီမိုင်းတွင်းလုပ်ကွက်မှ အက်ဆစ်နှင့် အဆိပ်အတောက်ဖြစ်စေနိုင်သော ဓာတ်သတ္တု လီတာ သန်း ၅၀ ကို ဖေဖော်ဝါရီ ၁၈ ရက်နေ့က Kafue မြစ်အတွင်း စွန့်ပစ်ခဲ့သည့်အတွက် အချိန်တိုအတွင်းမှာပင် မြစ်မှာ မြစ်ညှာမှ မိုင် ၆၀ အတွင်း ရေးစီးဆင်းမှု မရှိတော့ဘဲ ကောသွားခြင်းဖြစ်သည်။
အဆိုပါမြစ်သည် မိုင်အားဖြင့် ၉၃၀ ရှည်လျှားပြီး ဇမ်ဘီယာနိုင်ငံမှ လူဦးရေ သန်း ၂၀ အနက် ၆၀ ရာခိုင် နှုန်း မှီခိုအားထားနေရသော မြစ်ဖြစ်ကာ မြို့တော် လူဆာကာတွင် နေထိုင်သူများအပါ လူဦးရေ ၅ သန်း ၏ သောက်သုံးရေး မှီခိုအားထားရာလည်း ဖြစ်သည်။
အက်ဆစ်များစွန့်ပစ်ခြင်းကြောင့် လူဦးရေ ၇ သိန်း နေထိုင်သော Kitwe မြို့ တစ်မြို့လုံး ရေပေးဝေမှု ရပ်တန့်လိုက်ရသည့်အတွက် ဇမ်ဘီယာအစိုးရသည် လုပ်ငန်းခွင်မှ တရုတ်မန်နေဂျာ နှစ်ဦးအား ဖမ်းဆီးလိုက်ပြီး မြစ်တစ်လျှောက် ရေပြန်စီးဆင်းနိုင်ရေး ရည်ရွယ်ကာ ထုံးတန်ချိန်ရာချီပြီး မြစ်အတွင်း လိုက်လံ ကျဲဖြန့်မှုများ ပြုလုပ်ခဲ့သည်။
Ref: independent
ကိုကလင်း
#MeKongNews
#ဇမ်ဘီယာ
#မြစ်ကြီးကော
#တရုတ်စီမံကိန်း
#ကြေးနီ
#ပျက်သုဥ်း
