မဲခေါင်၊ ဒီဇင်ဘာ ၁၉
ယူကရိန်းကို အင်အားအလုံးအရင်းနဲ့ ရုရှား စတင်ကျူးကျော်စဉ်က ယူကရိန်းအစိုးရဟာ လန်ဒန်ကိုပြောင်းရွှေ့ပြီး ရုံးထိုင်ဖို့ လျှို့ဝှက်အစီအစဉ်ရေးဆွဲခဲ့ပေမယ့် သမ္မတ ဇီလန်းစကီးခေါင်းဆောင်တဲ့ အစိုးရဟာ နိုင်ငံအတွင်းကရှောင်မပြေးဘဲ ရွပ်ရွပ်ချွံချွံ ပြန်တိုက်ဖို့ ဆုံးဖြတ်ခဲ့ကြောင်း ယူကရိန်းရဲ့ ဗြိတိန်ဆိုင်ရာ သံအမတ်ဟောင်းက ဖွင့်ဟ ပြောဆိုပါတယ်။
ဒီလို ရွပ်ရွပ်ချွံချွံပြန်တိုက်ခဲ့တာကြောင့် ၃ နှစ်နီးပါး စစ်ပွဲကာလအတွင်း ရုရှားတပ်တွေ စစ်ရေးရည်မှန်းချက် ကျရှုံးခဲ့တာဖြစ်တယ်လို့ သံအမတ်ဟောင်း ဗက်ဒင်းပရက်စ်ကိုက ပြောပါတယ်။
ဒီအစီအစဉ်ဟာ ဇီလန်းစကီးနဲ့ ယူကရိန်းအစိုးရအဖွဲ့ဝင်တွေ ရေးဆွဲတာမဟုတ်ဘဲ သူကိုယ်တိုင်က အဲဒီအချိန် ဗြိတိန်ဝန်ကြီးချုပ် ဘောရစ်ဂျွန်ဆင်နဲ့ တိုင်ပင်ပြီး ယူကရိန်းအစိုးရအဖွဲ့ရဲ့ အရေးအပါဆုံး စာရွက်စာတမ်းတွေ၊ တန်ဖိုးကြီး နိုင်ငံ့ရတနာတွေနဲ့ ငွေကြေးတွေကို လန်ဒန်မှာ ပြောင်းရွှေ့ ရုံးထိုင်ပြီး တွန်းလှန်စစ်အတွက် စီစဉ်ဖို့ ရေးဆွဲတင်ပြခဲ့တာလို့ ဗက်ဒင်းပရက်စ်တိုင်ကိုက ရှင်းလင်းပြောကြားခဲ့ပါတယ်။
“ အဲဒီအချိန်တုန်းက ကျွန်တော်တင်ပြတဲ့ အဆိုပါ။ ဘောရစ်ဂျွန်ဆင်လည်း ယူကရိန်းကို သွားပြီး ဇီလန်းစကီးနဲ့ တွေ့ဆုံခဲ့အပြီး အစိုးရအဖွဲ့ဟာ လန်ဒန်မှာထိုင်ပြီး တော်လှန်ရေးအတွက် စီစဉ်ညွှန်ကြားနိုင်ဖို့သဘောနဲ့ ဒီအဆို တင်ပြခဲ့တာပါ။ ဒါပေမဲ့ တကယ်တမ်း ကျူးကျော်မှု ခံရချိန် သမ္မတ ဇီလန်းစကီးရော အစိုးရအဖွဲ့ဝင်အားလုံးဟာ ပြည်ပြေးဘ၀အကြောင်း တစ်ခွန်းမှ မဟကြဘဲ အနောက် မဟာမိတ်တွေဆီက လက်နက်ခဲယမ်းအထောက်အပံ့ ရယူဖို့နဲ့ တစ်တိုင်းပြည်လုံး ခုခံတွန်းလှန်ကြဖို့ကိုပဲ ဆုံးဖြတ်ပြီး ရုရှားကို သူရဲကောင်းပီသစွာ တိုက်ပွဲဝင်ခဲ့ကြတာ ပါ” လို့ ပြောပြသွားခဲ့ပါတယ်။
ရုရှားရဲ့ စစ်သည် သိန်းချီပြီး ယူကရိန်းနိုင်ငံထဲ စစ်ကြောင်း ၃ ကြောင်းနဲ့ စဝင်တဲ့ ၂၀၂၂ ဖေဖော်ဝါရီလက ဇီလန်းစကီးပြည်သူကို မိန့်ကြားတဲ့ မိန့်ခွန်းမှာ “ ငါ ကိုယ့်မြေပေါ်မှာပဲ ရှိမယ်။ ငါတို့ ဘယ်တော့မှ လက်မမြှောက်ဘူး။ ငါတို့ ကိုယ့်နိုင်ငံတော်ကို ကိုယ်ကာကွယ်ကြမယ်။ ငါတို့ရဲ့ လက်နက်က ယုံကြည်မှုပဲ။ ဒီမြေဟာ ငါတို့မြေ၊ ငါတို့ နိုင်ငံ၊ ငါတို့ ကလေးတွေ မှီတင်းနေထိုင်ရာ မြေမို့ ငါတို့အားလုံး ကာကွယ်ကြဖို့ပဲ ရှိတယ်။ အားလုံးကိုပြောချင် တာကတော့ ဘုန်းကျက်သရေတန်ခိုးနဲ့ ယူကရိန်းဆိုတဲ့စကားပဲ” လို့ ရဲရဲတောက် ပြောကြားသွားခဲ့တာဖြစ်ပါတယ်။
ပူတင်ရဲ့ ရုရှားဟာ ယူကရိန်းကို စတင်ကျူးကျော်စဉ်က ရက်ပိုင်းအတွင်း မြို့တော် ကိဗ်အပါအဝင် တစ်နိုင်ငံလုံးကို သိမ်းပိုက်ထိန်းချုပ်နိုင်မယ်လို့ တွက်ဆခဲ့ပေမယ့် အခု ၃ နှစ်နီးပါးကာလအတွင်း ယူကရိန်း နယ်မြေ ၁၀ ရာခိုင်နှုန်းလောက်သာ ထိန်းချုပ်သိမ်းပိုက်နိုင်ပြီး စစ်သည်အင်အားပေါင်း သိန်းချီ သေကြေပျက်စီး နေခဲ့ရပြီပဲဖြစ်ပါတယ်။
Ref:Thesun
MKF-001
#MeKongNews
#ရုရှား
#ယူကရိန်း
#ဇလန်းစကီး
#ဗြိတိန်
#ထွက်ပြေး
#ရုံးထိုင်
#တော်လှန်ရေး
