မဲခေါင်၊ ဒီဇင်ဘာ ၁၄
ယူကရိန်းကျူးကျော်စစ်မှာ ရုရှားဘက်က ကျယ်ကျယ်ပြန့်ပြန့် အများဆုံး အသုံးပြုနေတဲ့ Kh-59 ခရုဇ်ဒုံးကျည် အဆင့်မြင့်တင်ထုတ်လုပ်နေသူ ရုရှားသိပ္ပံပညာရှင် မစ်ခေးရှတ်စကီးဟာ ပြီးခဲ့တဲ့ ဒီဇင်ဘာ ၁၀ ရက်နေ့က မော်စကိုမြို့ ကက်ဇမင်းစကီးသစ်တောဥယျာဉ်အတွင်း သေနတ်နဲ့ ပစ်ခတ်လုပ်ကြံခံခဲ့ ရပါတယ်။
အခင်းဖြစ်စဥ်မှာ အရေးပေါ် ကယ်ဆယ်ရေးဝန်ထမ်းတွေ ဥယျာဉ်ထဲက နှင်းပြင်ပေါ် လဲကျသေဆုံးနေတဲ့ လူတစ် ဦးဆီ ကယ်တင်နိုင်ဖို့ ရောက်လာတာသာသိရပြီး နောက်ပိုင်း သေဆုံးသူဟာ ပူတင်ရဲ့ စစ်တပ်အတွက် ယူကရိန်း စစ်ပွဲမှာ ဒုံးကျည်တွေကို အဆင့်မြှင်တင်တီထွင်ရာမှာ ဦးဆောင်လမ်းညွှန်သူ သိပ္ပံပညာရှင် မစ်ခေးဆလတ်စကီး ဖြစ်ကြောင်း ရုရှား အစိုးရပိုင် မီဒီယာတွေကပါ အတည်ပြု ထုတ်ပြန်ခဲ့ပါတယ်။
ပြည်ပြေးရုရှားဂျာနယ်လစ် အလက်ဇန္ဒားနက်ဗ်ဇိုရော့ဗ်က နှင်းပြင်ပေါ် လဲကျသေဆုံးနေတဲ့ ဆလတ်စကီး ဓာတ်ပုံနဲ့တကွတင်ပြခဲ့ပြီး ဒီလူဟာ ယူကရိန်းပြည်သူပေါင်းများစွာကို သေကြေပျက်စီးစေတဲ့ ဒုံးကျည်တွေ အထူးပြုထုတ်လုပ်သူဖြစ်ကြောင်းနဲ့ Kh-59 ခရုဇ်ဒုံးကျည်တွေကို Kh-69 အဆင့် မြှင်တင်ထုတ်လုပ်ရေးမှာ အဓိက တီထွင်သူ၊ ဦးဆောင်သူဖြစ်ကြောင်း၊ စစ်သုံး မောင်းသူမဲ့ယာဉ် (UAV) အသစ်တွေကိုလည်း တီထွင် ထုတ်လုပ်ပေးနေသူဖြစ်ကြောင်း ဖော်ပြသွားပါတယ်။
ပူတင်ထောက်ခံ ရုရှားမီဒီယာတွေကတော့ ဒီလောက် နိုင်ငံတော် ထိပ်တန်းအဆင့် လက်နက်ထုတ်လုပ်ရေး ပညာရှင်ကို အစောင့်အရှောက်မထားပေးဘဲ ဥယျာဉ်ထဲ သွားစေခြင်းဟာ မဖြစ်သင့်တဲ့ ဖြစ်ရပ်လို့ မကျေ မနပ်ဝေဖန်နေကြပြီး ဒါဟာ ယူကရိန်းစစ်ထောက်လှမ်းရေးလက်ချက်ဖြစ်ကြောင်း ရေးသားဖော်ပြနေကြပါ တယ်။
တရားခံကိုလည်း ဖမ်းဆီးရမိခြင်းမရှိဘူးလို့လည်း သိရပါတယ်။ အောက်တိုဘာလတုန်းကလည်း ရုရှားစကစ်ထောက်လှမ်းရေး (GRU) က အရာရှိ နီကီတာကလန်ကော့ဗ်ကို ယူကရိန်းထောက်လှမ်းရေးအဖွဲ့ကပဲ မော်စကိုမြို့အနီး နေအိမ်နား ဟွန်ဒိုင်းကားမောင်းနှင်လာစဉ် ပစ်ခတ်သတ်ဖြတ် လုပ်ကြံနိုင်ခဲ့ပါသေးတယ်။
Ref:Thesun
MKF-001
#MeKongNews
#ရုရှား
#ယူကရိန်း
#လုပ်ကြံ
#ဒုံးကျည်
#သတ်ဖြတ်
