မဲခေါင်၊ နိုဝင်ဘာ ၇
ထိုင်းနိုင်ငံ ဘန်ကောက်၊ ဝမ်သောင်လန်းခရိုင်မှာရှိတဲ့ တရုတ်စားသောက်ဆိုင်မှာ ရဲတပ်ဖွဲ့ က နိုဝင်ဘာ ၅ ရက်မှာ ဝင်ရောက်ဖမ်းဆီးလို့ တရားမဝင် လောင်းကစားလုပ်နေတဲ့ တရုတ်နဲ့ ထိုင်ဝမ်နိုင်ငံသား ၁၅ ယောက်ကို ဖမ်းဆီးရမိခဲ့ကြောင်း သိရှိရပါတယ်။
Soi Saha Karn Pramool လမ်းက ဒီဆိုင်ကို ည ၁၁ နာရီခွဲမှာ ဝင်ရောက်ဖမ်းဆီးရာမှာ လောင်းကစားခုံရှည် ၂ ခုံ၊ လောင်းကစားတုံကင်ပြား ၁၀၀၀ သိမ်းဆည်းရမိသလို ၂၈ နှစ်နဲ့ ၄၇ နှစ်ကြား တရုတ်နိုင်ငံသား ၁၁ ယောက်နဲ့ ၂၆ နှစ်နဲ့ ၄၄ နှစ်ကြား ထိုင်ဝမ်သား ၄ ယောက်၊ အသက် ၂၂ နှစ်နဲ့ ၄၀ ကြား ဆိုင်လုပ်သား ထိုင်းလူမျိုး ၄ ယောက်ကို ဖမ်းဆီးခဲ့တာဖြစ်ပါတယ်။
ဒီတရုတ်ဆိုင်ဟာ ကိုဗစ်ကာလမှာ ပိတ်ထားခဲ့ပြီး မကြာသေးခင်က ပြန်ဖွင့်ခဲ့ရာမှာ ထိုင်းလူမျိုးတွေကို လောင်း ကစားခန်းထဲ ဝင်ခွင့်မပေးတဲ့အတွက် တိုင်ကြားမှုတွေ ပေါ်ပေါက်ပြီး သွားရောက် ဖမ်းဆီးခဲ့တာဖြစ်ပါတယ်။
ဖမ်းဆီးရမိသူတွေဖုန်းကို စစ်ဆေးရာမှာ ပိုင်ရှင်ဟာ တရုတ်နိုင်ငံသားတွေသီးသန့် လောင်းကစားလုပ်ဖို့ ဆိုင်ကို ငှားရမ်းခဲ့တာလို့ ဝန်ခံပြီး လူမှုကွန်ရက်တွေ၊ ဖုန်းတွေကနေ ချိန်းဆိုပြီး လောင်းကစားလုပ်ကြတာဖြစ်ကြောင်း သိရှိရပါတယ်။
Ref:Bangkokpost
MKF-001
