မဲခေါင်၊ အောက်တိုဘာ ၃၀
ရုရှားသမ္မတပူတင်ဟာ အောက်တိုဘာ ၂၉ ရက်နေ့မှာ ကြိုတင်ကြေညာထားခြင်းမရှိတဲ့ နျူကလီးယားလက်နက် တွေကို ရုရှားနိုင်ငံတစ်ဝန်း စမ်းသပ် ပစ်လွှတ်မှုတွေလုပ်ဆောင်ခဲ့ပြီး ကမ္ဘာနောက်ဆုံးနေ့ စစ်ပွဲအတွက် အသင့်ရှိနေကြောင်း သက်သေပြခဲ့ပါတယ်။
လက်ရှိမှာ ရုရှားဟာ ယူကရိန်းကျူးကျော်စစ်ကြောင့် အမေရိကန်၊ နေတိုး၊ အနောက်မဟာမိတ်အုပ်စုနဲ့ တင်းမာမှု အပြင်းထန်ဆုံးအချိန်ရောက်ရှိနေပြီး နျူကလီးယားလက်နက်တွေကို ပစ်ခတ်တိုက်ခိုက်ဖို့ အသင့်ဖြစ်ရေး စမ်သပ်လေ့ကျင့်ပစ်ခတ်မှုတွေ လုပ်ဆောင်ခဲ့တာဖြစ်ပါတယ်။
Irkutsk နဲ့ Ivanovo ဒေသတွေက အာကာသ လွှတ် တင်ရာ စခန်းတွေကနေ နျူကလီးယားထိပ်ဖူးများစွာ တင်ဆောင်နိုင်တဲ့ Yars တိုက်ချင်းပစ် ဒုံးကျည်တွေကို စမ်းသပ်ပစ်ခတ်ခဲ့တာဖြစ်ပါတယ်။ ဒီ နျူကလီးယားလက်နက်တွေ စမ်းသပ်ပစ်ခတ်မှုနဲ့ပတ်သက်ပြီး ပူတင်က “ဒီကနေ့ ကျွန်တော်တို့ဟာ ဗျူဟာ မြောက် အဟန့်အတားတပ်ဖွဲ့တွေကို နောက်ထပ်လေ့ကျင့်ပစ်ခတ်မှုတွေ ပြုလုပ်စေခဲ့ပါတယ်။
နျူကလီးယားပါ တိုက်ချင်းပစ်နဲ့ ခရုဇ်ဒုံးကျည်တွေကို လက်တွေ့ပစ်ခတ်စမ်းသပ်ခြင်းနဲ့ တာဝန်ရှိအရာရှိတွေဟာ တကယ်အသုံးပြုခဲ့ရင် အသင့်ဖြစ်နေစေဖို့ လေ့ကျင်နေတာဖြစ်တယ်။ ဒီအရာတွေအားလုံးက ရုရှားနိုင်ငံနဲ့ ပြည်သူအားလုံးကို ကာကွယ်ဖို့အရေး မဖြစ်မနေ လုပ်ဆောင်ရတဲ့ အကျိုးရှိသော ကာကွယ်မှုလည်းဖြစ်တယ်။ ဒါကြောင့် အလုပ် ဆက်လုပ်ကြစို့ “ လို့ ကမ္ဘာကို ခြိမ်းခြောက်စကားပါ ဆိုသွားခဲ့ပါတယ်။
ပူတင်က ဆက်လက်ပြီး နျူကလီးယားလက်နက် ပိုင်ဆိုင်ထားခြင်းနဲ့ ပစ်ခတ်ဖို့ အသင့်ပြင်ထားခြင်းဟာ နိုင်ငံ အချုပ်အခြာနဲ့ လုံခြုံရေးအတွက် ယုံကြည်စိတ်ချရတဲ့ အာမခံချက်တစ်ခုလည်းဖြစ်ကြောင်း၊ လက်ရှိ ပထဝီ နိုင်ငံရေး တင်းမာမှုတွေဟာ ကြီးထွားသထက် ကြီးထွားလာနေလို့ နျူကလီးယားတန်းတူညီမျှမှုနဲ့ ပါဝါချိန်ခွင့်လျှာ အား ပြိုင်မှုမှာ အရေးအကြီးဆုံးအရာဖြစ်ပြီး မဟာဗျူဟာ ဒုံးကျည်တပ်ဖွဲ့ဟာ ဒုံးကျည်စနစ်သစ်တွေကိုလည်း ဆက်လက်အားဖြည့် အင်အားတိုးမြှင့်နေကြတယ်လို့ ပြောသွားခဲ့ပါတယ်။
Ref:Thesun
MKF-001
