မဲခေါင်၊ စက်တင်ဘာ ၁၅
ရုရှားဟာ ယူကရိန်းကို ကျူးကျော်တိုက်ခိုက်နေတာ တတိယမြောက်နှစ်ထဲ ဝင်လာချိန် စစ်အောင်နိုင်ခြင်းမရှိ သေးပေမယ့် တစ်ရက် စစ်အသုံးစားရိတ် ဒေါ်လာ ၃၂၂ . ၆ သန်း၊ တစ်နာရီ ဒေါ်လာ ၁၃ . ၃ သန်း သုံးစွဲနေရ ကြောင်း ဂျာမန်နိုင်ငံတကာ လုံခြုံရေးအင်စတီကျုရဲ့ ၂၀၂၄ ခုနှစ် နှစ်ဝက် အစီရင်ခံစာမှာ ဖော်ပြပါရှိလာခဲ့ပါ တယ်။
e-budget system data အချက်အလက်အရ ရုရှားဟာ ဒီနှစ်ထဲ စစ်ရေးဘတ်ဂျက်အဖြစ် အံ့မခန်း ဒေါ်လာ ၅၅ . ၆၅ ဘီလီယံ အသုံးပြုခွင့်ပေးထားပြီး မနှစ်က ဘတ်ဂျက်ထက် ၃၆ ရာခိုင်နှုန်း (ငွေအားဖြင့် ဒေါ်လာ ၁၆ . ၇၇ ဘီလီယံ) ပိုမိုသုံးစွဲခဲ့ကြောင်း၊ ဒါကြောင့် ရုရှားပြည်သူတွေဟာ မြင့်မားလွန်းတဲ့ အခွန်တွေကို စစ်ရေးအတွက် မနိုင်မနင်းထမ်းနေရကြောင်း ဂျာမန်နိုင်ငံတကာလုံခြုံရေးအင်စတီကျု သုတေသီ ဂျာနစ်ကလုဂျ်က ရှင်းလင်း ပြောကြားသွားပါတယ်။
ဒီငွေပမာဏကို တွက်ကြည့်ရင် ၂၀၂၄ ခုနှစ်ထဲ ရုရှားဟာ ယူကရိန်းစစ်ပွဲအတွက် တစ်ပတ် ဒေါ်လာ ၂ . ၂၅ ဘီလီယံ၊ တစ်ရက်တာအတွက် ဒေါ်လာ ၃၂၂ . ၆ သန်း၊ တစ်နာရီ ဒေါ်လာ ၁၃ . ၃ သန်း သုံးစွဲနေရတာဖြစ် ကြောင်း သိရှိရပါတယ်။
၂၀၂၄ ခုနှစ် ပထမ ၆ လ အစီရင်ခံစားမှာတင် ရုရှားဟာ စစ်ရေးဘတ်ဂျက်ကို နိုင်ငံစီးပွားရေးထောက်ကူ အစီ အစဉ်အတွက် ထုတ်ပေးတဲ့ဘတ်ဂျက်ထက် တစ်ဆခွဲ ပိုထုတ်ပေးထားရပြီး နိုင်ငံ ပညာရေးဘတ်ဂျက်ထက် ၃ ဆ ကျော် ပိုမို ထုတ်ပေးထားကြောင်းလည်း သိရှိရပါတယ်။
ကျန်းမာရေးကဏ္ဍအတွက် ၁၈ နှစ်တာ ပေးခဲ့တဲ့ ဘတ်ဂျက်နဲ့ ညီမျှတဲ့ ပမာဏထက် ၁၈ ဆ ပိုပြီး စစ်အသုံးစားရိတ်ဘတ်ဂျက်ပေးထားလို့ ရုရှားစီးပွားရေးနဲ့ နိုင်ငံရေးအနေအထားဟာ ဆိုးရွားစွာ ကျန်ရှိနေခဲ့ပြီလို့လည်း ဂျာနစ်ကလုဂျ်က သုံးသပ်သွားပါတယ်။
Ref: bulgarianmilitary
MKF-001
