မဲခေါင်၊ သြဂုတ် ၂၂
အရှေ့အလယ်ပိုင်းဒေသမှာ မဟာမိတ်အစ္စရေးအပေါ် အီရန်၊ ဟားမက်စ်၊ ဟစ်ဇ်ဘိုလာနဲ့ ဟူသီအဖွဲ့တွေက ပစ်မှတ်ထားပြီး ပူးပေါင်းတိုက်ခိုက်လာဖွယ်ရှိတဲ့ အတင်းမာဆုံးအခြေအနေမှာ အမေရိကန်ဟာ မဟာဗျူဟာ အရ အင်အားအကောင်းဆုံးဖြစ်တဲ့ USS Abraham Lincoln လေယာဉ်တင်သင်္ဘောကြီးနဲ့ တိုက်သင်္ဘော အုပ်စု ကို စေလွှတ်ရောက်ရှိစေခဲ့ပြီဖြစ်ပါတယ်။
အရှေ့အလယ်ပိုင်းဒေသ အမေရိကန်ဗဟိုစစ်ဌာနချုပ်မှာ အရင် တာဝန်ထမ်းဆောင်နေတဲ့ USS Theodore Roosevelt လေယာဉ်တင်သင်္ဘောနေရာမှာ USS Abraham Lincoln လေယာဉ်တင်သင်္ဘောနဲ့ အစားထိုး တာဖြစ်ပြီး အင်အားကို ဒေသတွင်း ယာယီ နှစ်ဆချထားခြင်းအဖြစ် အမေရိကန် ကာကွယ်ရေးဝန်ကြီး လွိုက် အော်စတင်အမိန့်နဲ့ ရောက်ရှိလာတာဖြစ်ပါတယ်။
အခုရောက်ရှိလာတဲ့ USS Abraham Lincoln လေယာဉ်တင်သင်္ဘောပေါ်မှာ F-35C နဲ့ F/A-18 Block III ဖိုက် တာဂျက်လေယာဉ်များစွာ ပါရှိပြီး အခြံအရန် တိုက်သင်္ဘောတွေအဖြစ် Destroyer Squadron (DESRON) 21 နဲ့ Carrier Air Wing (CVW) 9 တို့ပါ လိုက်ပါလာတာဖြစ်ပါတယ်။
ပြီးခဲ့တဲ့ ရက်ပိုင်းတွေအတွင်း အီရန်နိုင်ငံထဲ မှာပဲ ဟားမက်စ်ခေါင်းဆောင်ဟာနီယက်ချ် လုပ်ကြံခံရသလို ဟစ်ဇ်ဘိုလာခေါင်းဆောင်ဖက်ဒ်ရှူကာလည်း လက်ဘနွန်နိုင်ငံ ဘေရွတ်မြို့မှာ လုပ်ကြံခံရမှုမှာ အစ္စရေးလက်ချက်ဖြစ်တယ်ဆိုပြီး အီရန်နဲ့ သူ့အထောက်အပံ့ ယူထားကြတဲ့ ဟစ်ဇ်ဘိုလာ၊ ဟူသီအဖွဲ့တွေက အစ္စရေးကို အလုံးအရင်းတိုက်ခိုက်ဖို့ စီစဉ်နေလို့ အမေရိကန်က စစ်အင်အားများစွာ ဖြည့်တင်းနေခဲ့တာဖြစ်ပါတယ်။
Ref: thearabweekly
MKF-001
