မဲခေါင်၊ ဇွန် ၂၅

အမေရိကန်အစိုးရကိုယ်တိုင်က သမိုင်းမှာ အဆိုးရွားဆုံး သီးခြားလျှို့ဝှက် နိုင်ငံတော်မှတ်တမ်းပေါက်ကြားမှုလို့ ဝန်ခံခဲ့ရတဲ့အထိ အမေရိကန်ရဲ့ လျှို့ဝှက်မှတ်တမ်း ၁၀ သန်းကျော်ကို ခိုးယူခဲ့တဲ့ Wikileaks ထူထောင်သူ ဂျူလီယန်အဆန်ဂီဟာ ဇွန် ၂၄ ရက်နေ့က ၅ နှစ်လုံးလုံးနေထိုင်ခဲ့ရဲ့ ဗြိတိန်အကျဉ်းထောင်ကနေ လွတ်မြောက်သွားခဲ့ပြီး ဩစတြေးလျနိုင်ငံကို လေယာဉ်နဲ့ထွက်ခွာသွားခဲ့ပြီဖြစ်ပါတယ်။

အသက် ၅၂ နှစ်ရှိပြီဖြစ်တဲ့ အဆန်ဂီကို အမေရိကန်အစိုးရက စွဲချက် ၁၈ ချက်တင်ခဲ့လို့ အဆန်ဂီဟာ ဗြိတိန်ထောင်ထဲမရောက်မီ အီကွေဒေါနိုင်ငံက အင်္ဂလန်သံရုံးမှာ ၇နှစ်ကြာ ပုန်းအောင်းခိုလှုံခဲ့ရပါတယ်။

Wikileaks မှာ အဆန်ဂီ ဖော်ပြခဲ့တဲ့ အမေရိကန်ရဲ့ အီရတ်နဲ့အာဖဂန် စစ်ပွဲမှတ်တမ်းတွေထဲမှာ အမေရိကန်က ပြသတဲ့ ရုပ်သံမှတ်တမ်းထဲ အီရတ်အရပ်သား တစ်ဒါဇင်ကျော်သေဆုံးမှုထဲ ရိုက်တာ သတင်းဌာနက သတင်းထောက်နှစ်ယောက်ပါဝင်တာကိုပါ ဝက်ဘ်ဆိုက်ပေါ် တင်ခဲ့ခြင်းလည်းပါဝင်ပါတယ်။

ဒါကြောင့် အမေရိကန်က အဆန်ဂီကို ဗြိတိန်ဘက်က ပြန်လွှဲအပ်ဖို့ ဖိအားပေးခဲ့ပေမယ့် အဆန်ဂီဟာ ဇွန် ၂၆ ရက်နေ့က အမေရိကန်ရဲ့ ဓနသဟာရပိုင်နက်ထဲက ဂူအမ်ရဲ့ မြောက်ပိုင်းမာရီယာနာကျွန်း တရားရုံးကိုသာသွားပြီး အမေရိကန်တရားသူကြီးတစ်ဦးရှေ့မှာ အမေရိကန်အပေါ် သူလျှိုလုပ်မိခဲ့ပါတယ်ဆိုတဲ့ ပြစ်မှုဝန်ခံချက်ပေးရုံနဲ့ ထောင်ထပ်မကျ၊ အမေရိကန်လည်းမသွားရတော့ဘဲ အပြီးလွတ်မြောက်မယ်လို့ ဇနီးဖြစ်သူရဲ့ ထုတ်ပြန်မှုအရ သိရှိရပါတယ်။

အမှန်တရားကို လွတ်လပ်စွာ ထုတ်ဖော်ခွင့်ရှိတယ်ဆိုတဲ့ ကမ္ဘာ့နိုင်ငံအသီးသီးက နိုင်ငံခေါင်းဆောင်တချို့နဲ့ တက်ကြွလှုပ်ရှားသူ၊ အဖွဲ့အစည်းပေါင်းများစွာဟာ အမေရိကန်အနေနဲ့ အဆန်ဂီကို မတရားစွပ်စွဲပြီး ဖမ်းဆီးဖို့ စွဲချက်တင်နေခြင်းအပေါ် ရှက်စရာလုပ်ရပ်လို့ နှစ်ပေါင်းများစွာ ဆန္ဒပြနေကြသလို အဆန်ဂီဘက်ကလည်း အမေရိကန်ကို လွှဲမခံရရေး၊ ဆွီဒင်မှာ မုဒိမ်းမှုကျူးလွန်တယ်ဆိုပြီး စွဲချက်တင်လို့ တရားစွဲမှုကို စနစ်တကျ ခုခံချေပခဲ့တာဖြစ်ပြီး အခုနောက်ဆုံးမှာ အမေရိကန်ဘက်က သူလျှိုလုပ်မှုစွဲချက် တစ်ခုတည်းအတွက် အပြစ်ဝန်ခံရင် မြောက်ပိုင်းမာရီယာနာကျွန်းမှာ ရုံးတော်တက်၊ ဝန်ခံပြီးတာနဲ့ အပြစ်ဟာ ဗြိတိန်ထောင်မှာ ကျခံပြီးတဲ့သဘောနဲ့ အပြီးလွှတ်ပေးလိုက်တော့မှာဖြစ်ပါတယ်။

ဒီအပေးအယူဟာ ထောက်ခံလှုပ်ရှားသူတွေအပြင် သမ္မတအိုဘားမား လက်ထက်ကလည်း စွဲချက်ရုပ်သိမ်းပေးဖို့ ထောက်ခံခဲ့မှု၊ အခု သမ္မတဂျိုးဘိုင်ဒန်ကလည်း အပြစ်တစ်ခု ဝန်ခံရုံနဲ့ အမှုပြီးပြတ်စေဖို့ လက်ခံပေးခဲ့မှု တွေကြောင့်ဖြစ်ကြောင်း နိုင်ငံတကာ မီဒီယာအသီးသီးက ဖော်ပြနေကြပါတယ်။

အဆန်ဂီဟာ Wikileaks ဝက်ဘ်ဆိုက်ကို ၂၀၀၆ ခုနှစ်မှာ စတင်ထူထောင်ခဲ့ပြီး အမေရိကန်အစိုးရနဲ့ စစ်ရေး အထူးလျှို့ဝှက်မှတ်တမ်းပေါင်း ၁၀ သန်းကျော်ကို ရယူနိုင်ကာ ဝက်ဘ်ဆိုက်မှာ ဆက်တိုက် ကမ္ဘာသိဖော်ထုတ်ခဲ့လို့ အမေရိကန်သမိုင်းမှာ ထိတ်လန့်စရာအကောင်းဆုံး ပေါက်ကြားမှုကြီး သမိုင်းတွင် ဖြစ်ပွားခဲ့တာဖြစ်ပါတယ်။

Ref:BBC
MKF-001

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)