မဲခေါင်၊ ဧပြီ ၂၇
ဥရောပသမဂ္ဂ (EU) ဟာ ဧပြီ ၂၆ ရက်နေ့မှာပဲ စစ်ကောင်စီနဲ့ပတ်သက်လို့ ဒဏ်ခတ်ပိတ်ဆို့အရေးယူထားမှုတွေ ကို နောက်တစ်နှစ် သက်တမ်းထပ်တိုးလိုက်ကြောင်း အတည်ပြုကြေညာသွားပါတယ်။
ဥရောပသမဂ္ဂဟာ ၂၀၁၃ ခုနှစ် ဧပြီလကစလို့ မြန်မာ စစ်ကောင်စီနဲ့ပတ်သက်သူတွေကို ပိတ်ဆို့အရေးယူမှုတွေ စတင်လုပ်ဆောင်ခဲ့တာဖြစ်ပြီး ၂၀၂၁ ဖေဖော်ဝါရီလမှာ စစ်အာဏာသိမ်းပြီးနောက် ပိုမိုတင်းကျပ်တဲ့ ပိတ်ဆို့အရေး ယူမှုတွေကို ထပ်တိုးလုပ်ဆောင်ခဲ့တာဖြစ်ပါတယ်။
လက်ရှိမှာ စစ်ကောင်စီနဲ့ပတ်သက်ပြီး လူ့အခွင့်အရေးချိုးဖောက်မှု၊ ပြည်သူအပေါ် ရက်စက်မှု၊ တရားမျှတမှုမရှိ ခြင်းတွေအတွက် လူပုဂ္ဂိုလ် ၁၀၃ ယောက်နဲ့ အသင်းအဖွဲ့ ၂၁ ခုကို ဥရောပသမဂ္ဂပိုင်နက်အတွင်း ပိုင်ဆိုင်ပစ္စည်း တွေကို သိမ်းယူခြင်း၊ ခရီးသွားမှု ပိတ်ပင်ထားခြင်း၊ စီးပွားရေးနဲ့ပတ်သက်ပြီး လုပ်ပိုင်ခွင့်တွေ ပိတ်ထားခြင်း၊ လက်နက် တင်သွင်းမှု ပိတ်ထားခြင်းတွေလုပ်ပြီး ဒဏ်ခတ်ပိတ်ဆို့ထားတာဖြစ်ပါတယ်။
အခုအထိလည်း ဒီစစ်ကောင်စီပတ်သက်တဲ့ လူနဲ့လုပ်ငန်းတွေဟာ လူ့အခွင့်အရေးချိုးဖောက်မှုတွေ ဆက်ကျူးလွန် နေဆဲဖြစ်သလို ပြည်သူအပေါ် ပြန်သတ်ဖြတ်နေဆဲဖြစ်လို့ ၂၀၂၅ ဧပြီ ၃၀ ရက်နေ့အထိ ပိတ်ဆို့အရေးယူမှုတွေကို တစ်နှစ် သက်တမ်းထပ်တိုးကြောင်း ဧပြီ ၂၆ ရက်မှာ ထုတ်ပြန်သွားတာဖြစ်ပါတယ်။
Ref: aa
MKF-001
