မဲခေါင်၊ မတ် ၆
အပြည်ပြည်ဆိုင်ရာ ရာဇဝတ်တရားရုံး (ICC) က ယူကရိန်းကျူးကျော်စစ်မှာ ရုရှားတပ်မှူးနှစ်ယောက် စစ်ရာဇဝတ်မှုမြောက်တဲ့ အမိန့်ပေးမှုတွေကို ထုတ်ပြန်ခဲ့လို့ ဖမ်း၀ရမ်းထုတ်ခဲ့တာကို ရုရှားဘက်က အသိအမှတ် မပြုနိုင်ကြောင်း ကရင်မလင်အစိုးရက ထုတ်ပြန်သွားပါတယ်။
ဆာဂျီကိုဘီလက်ချ်နဲ့ ဗစ်တာဆိုကိုလော့ဗ်အမည်ရ ရုရှားတပ်မှူး နှစ်ယောက်ဟာ ၂၀၂၀ အောက်တိုဘာ ၁၀ ရက် ကနေ ၂၀၂၃ မတ်လ ၉ ရက်နေ့အတွင်း ယူကရိန်းနိုင်ငံအတွင်းက လျှပ်စစ်အခြေခံ အဆောက်အအုံတွေကို ပစ်မှတ်ထားပြီး ဒုံးကျည်တွေနဲ့ ပစ်ခတ်ဖို့ အမိန့်ပေးစေခိုင်းမှုမှာ တာဝန်အရှိဆုံးသူတွေဖြစ်လို့ ICC က ဖမ်း၀ရမ်း ထုတ်ပြန်ခဲ့တာဖြစ်ပါတယ်။
ဒါပေမဲ့ ကရင်မလင်အစိုးရဘက်က သူတို့ဟာ ICC ရဲ့ Rome Statute ဥပဒေမှာ သဘောတူလက်မှတ်ရေးထိုးထား တဲ့ နိုင်ငံမဟုတ်တာကြောင့် ဖမ်း၀ရမ်းကို အသိအမှတ်မပြုနိုင်ကြောင်း မတ် ၆ ရက်နေ့မှာ ပြန်လည် ထုတ်ပြန် သွားခဲ့ပါတယ်။
ICC ဟာ ၂၀၂၃ ခုနှစ် မတ်လတုန်းကလည်း ယူကရိန်းကလေးငယ် ရာချီကို ရုရှားနိုင်ငံဆီ ခေါ်ဆောင်ပြန်ပေးဆွဲမှုကြောင့် ရုရှားသမ္မတ ပူတင်နဲ့ ရုရှား ကလေးသူငယ်အခွင့်အရေးဆိုင်ရာ ကော်မရှင်နာ မစ္စ အယ်လ်ဗိုဗာဘီလိုဗာတို့ကိုလည်း ဖမ်း၀ရမ်းထုတ်ခဲ့သေးပေမယ့် အခုပုံစံအတိုင်း Rome Statute ဥပဒေမှာ လက်မှတ်ထိုးထားတဲ့ နိုင်ငံမဟုတ်လို့ အသိအမှတ်မပြုဘူးလို့ တုံ့ပြန်ခဲ့ပါသေးတယ်။
Ref: straitstimes
MKF-001
