မဲခေါင်၊ ဇန်နဝါရီ ၁၇

ဇန်နဝါရီ ၁၄ ရက် တနင်္ဂနွေနေ့က အဇော့ပင်လယ်ပေါ်က ရုရှားရဲ့ စပိုင်လေယာဉ်တစ်စီးနဲ့ ဗုံးကျဲလေယာဉ် တစ်စီး ပစ်ချခံလိုက်ရမှုမှာ ယူကရိန်းလက်နက်ထက် နေတိုးရဲ့ အံ့ဖွယ်လက်နက်နဲ့ပစ်ချခံရတာဖြစ်ဖို့များကြောင်း ပူတင်ထောက်ခံသူတွေက သုံးသပ်နေကြပါတယ်။

ရုရှားမှာ ၉ စီးသာပိုင်တဲ့ ဆိုဗီယက်ခေတ်ထုတ် A-50 စပိုင်လေယာဉ်ဟာ တစ်စီး ပေါင်သန်း ၂၆၀ တန်ကြေးရှိပြီး အစီး ၃၀ ပိုင်ဆိုင်ထားတဲ့ထဲက ဗုံးကျဲလေယာဉ် IL-22M တန်ကြေးဟာ ပေါင်သန်း ၃၀ တန်ကြောင်း၊ ပစ်ခတ် တိုက်ခိုက်တာက ယူကရိန်းတပ်ကဖြစ်ပေမယ့် လက်နက်ကတော့ အမည်တောင်မဖော်ပြနိုင်တဲ့ နေတိုးပိုင် လက်နက်ဆန်းကြောင့်ဖြစ်မယ်လို့ ရုရှားတယ်လီဂရန်ချန်နယ် Military Informant မှာ သုံးသပ်ရေးသား ဖော်ပြခဲ့ပါတယ်။

ဒီဖော်ပြမှုမှာ လေယာဉ် ၂ စင်းပစ်ခတ်ခံရမှုဟာ ၂၀၂၂ ခုနှစ် ယူကရိန်းကျူးကျော်စစ်စပြီးနောက် အဆိုးရွားဆုံး နေ့စွဲဖြစ်တယ်လို့လည်း ဖော်ပြခဲ့ပါတယ်။ ကရင်မလင်ထောက်ခံ နိုင်ငံရေးသုတေသီ ဆာဂျီမားကော့ဗ်က ယူကရိန်းတပ်ပစ်ခတ်ခဲ့တဲ့လက်နက်ဟာ အသစ်ဖြစ်တယ်။ စစ်တာဝန်ထမ်းဆောင်ဖို့ သုံးခဲတဲ့ တန်ဖိုးကြီး လေယာဉ်ဆုံးရှုံးမှုဖြစ်လို့ အဆိုးရွားဆုံးနေ့ဖြစ်ခဲ့ရကြောင်း ရေးသားဖော်ပြခဲ့ပါတယ်။

ယူကရိန်းဘက်က ထုတ်ပြန်ချက်မှာတော့ ခရိုင်းမီးယား တံတားအနီးမှာ ရုရှားလေယာဉ် ၂ စီးကို ပစ်ချခဲ့တာ ဖြစ်တယ်လို့ ထုတ်ပြန်ခဲ့ပြီး ဒီဒေသဟာ ရုရှားလေကြောင်းရန်ကာကွယ်ရေးစနစ် အမြင့်ဆုံးတပ်ဆင်ထားတဲ့ ကြားက ပစ်ချခံရတာဖြစ်လို့ ရုရှား လေကြောင်းရန်ကာကွယ်ရေး စနစ်တွေဟာ ခေတ်မမီတော့ကြောင်း သုံးသပ်မှုတွေလည်း ရှိနေခဲ့ပါတယ်။

Ref: thesun
MKF-001

#MeKongNews

#ရုရှား

#ပူတင်

#လေယာဉ်

#ပစ်ချ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)