မဲခေါင်၊ မတ် ၅
ထိုင်းနိုင်ငံ၊ ဘန်ကောက်မြို့အနီး ဆာမတ်ပရာကန်ခရိုင်က အမျိုးသမီးတစ်ယောက်ဟာ သူ့အိမ်ဘေးနားက ဇိမ်ခံ အိမ်ရာဆောက်နေတဲ့ ဆောက်လုပ်ရေးကုမ္ပဏီကြောင့် သူ့ခြံဝန်းထဲ အဆိပ်ရေးဆိုးတွေ ဝင်နေတာကို ဒေါသထွက် ပြီး ဒီဆိုက်အဝင်လမ်းမှာ အတွင်းခံဘောင်းဘီတွေကို ဝါယာကြိုးနဲ့သီပြီး လှန်းလို့ ဆန္ဒပြခဲ့ပါတယ်။
TikTok အကောင့် @songthaow မှာ ဒီအမျိုးသမီးဟာ သူ့အတွင်းခံဘောင်းဘီ အထည် ၃၀ ကို ဝါယာကြိုးနဲ့ သီပြီး ၅ မီတာလောက်မြင့်တဲ့နေရာမှာ ကြိုးတန်းဆန္ဒပြထားတာကို တင်ခဲ့ရာက ထိုင်းပြည်တွင်းမီဒီယာတွေ ကြားမှာ ဒီဗီဒီယို ပေါက်သွားခဲ့တာဖြစ်ပါတယ်။
ဒီဗီဒီယိုမှာ “ဒီအတွင်းခံတွေကြိုးတန်းလှမ်းရတဲ့ အဓိပ္ပါယ်ကို သိတဲ့သူတွေပြောကြပါဦး။ အယူသီးမှုတွေက အလုပ်ဖြစ်ပါသလား” လို့လည်း ပြောဆိုထားပါတယ်။ ဆိုလိုတဲ့အဓိပ္ပါယ်က အယူသီးတဲ့လူတွေဟာ သူတို့ ကိုယ် မကောင်းဆိုးဝါးတွေရန်က အကာအကွယ်ပေးနိုင်အောင် အတွင်းခံတွေကို ချိတ်ဆွဲလေ့ရှိတာကိုပါ။
ဒီ TikTok ဗီဒီယိုပေါက်သွားတော့ အင်တာနက်ပေါ်မှာ ဒီအကြောင်း မှတ်ချက်ရေးသူတွေလည်း အများအပြားရှိလာပါတယ်။ တစ်ယောက်က ဒီ အတွင်းခံတွေနဲ့ ဖိနပ်တွေကို မိုးပေါ် ကြိုးနဲ့သီထားတာ နှစ်ချီကြာ နေပြီဖြစ်ကြောင်း၊ ဘာရည်ရွယ်ချက်နဲ့လုပ်ထားမှန်းမသိပေမယ့် လုပ်သူဟာ ၆၃ နှစ်အရွယ် ဆွန်ပေါင်းဆိုတဲ့ အမျိုး သမီးကြီးဖြစ်တယ်လို့ ရေးတင်ခဲ့တယ်။
ဒါကြောင့် မတ် ၃ ရက်နေ့မှာ ထိုင်း Channel 7 က အင်တာသွားဗျူးတော့မှ ဆောက်လုပ်ရေးစီမံကိန်းကို ဆန္ဒပြပြီးလုပ်ထားတာလို့ ဖြေကြားပြီး ဒီဆိုက်စကတည်းက ညဘက်အထိ ဆူညံသံတွေနဲ့ အိပ်မရကြောင်း၊ ရေးဆိုးတွေဝင်လာလို့ စိုက်ပျိုးမရတော့ကြောင်း၊ သူမွေးထားတဲ့ ငါးတွေလည်း သေကုန်ကြောင်း၊ ဒါကို မုန်းလို့ လုပ်ထားတာလို့ ဖြေကြားသွားပါတယ်။
ဆိုက်တာဝန်ခံကတော့ ဒီပြဿနာကို သူကိုယ်တိုင် နားလည်သိရှိခြင်းမရှိလို့ မဖြေရှင်းတတ်ဘူးလို့သာ တုံ့ပြန် ဖြေကြားခဲ့ပါတယ်။
MKF – 001
Ref: thethaiger