မဲခေါင်၊ ဇွန် ၁၉
ရုရှားတိုက်သင်္ဘော Admiral Gorshkov၊ ကယ်ဆင်ရေး အရန်သင်္ဘော၊ ဆီတင်သင်္ဘောနဲ့ နျူကလီးယား တင်ဆောင်နိုင်တဲ့ Kazan တို့ ကျူးဘားကို ၅ ရက်ကြာ ရောက်ရှိလာအပြီး ဇွန် ၁၇ ရက်မှာ ပြန်လည်ထွက်ခွာ သွားခဲ့ပြီဖြစ်ပါတယ်။
ရုရှားနဲ့ ဒုတိယ ကမ္ဘာစစ်ကတည်းက မဟာမိတ်ဖြစ်ခဲ့တဲ့ ကျူးဘားနိုင်ငံ ဟာဗားနားဆိပ်ကမ်းကို ဒီသင်္ဘောတွေ ရောက်ရှိလာပြီး စစ်အင်အားပြခြင်းဟာ နှစ်နိုင်ငံအကြား သမိုင်းဝင်တဲ့ ချစ်ကြည်ရင်းနှီးမှု၊ ညီအစ်ကိုတော်စပ်မှု၊ ပူးပေါင်းဆောင်ရွက်မှုကို ပြသခြင်းအဖြစ် လာရောက်တာလို့ နှစ်နိုင်ငံစလုံးက ထုတ်ပြန်ခဲ့ပါတယ်။ဩ
အမေရိကန် ကမ်းခြေနဲ့ ၂၅ မိုင်အထိနီးတဲ့ ဟာဗားနားဆိပ်ကမ်းကို ရုရှား စစ်သင်္ဘောအုပ်စု ဆိုက်ရောက် လာခြင်းဟာ ခြိမ်းခြောက်မှု တစုံတရာရှိပုံမရဘူးလို့ အမေရိကန်ဘက်က ထုတ်ပြန်ခဲ့ပေမယ့် အမြန်ဆုံး တိုက်ခိုက်နိုင်စွမ်းရှိသလို နျူးကလီးယား လက်နက်လည်း တင်ဆောင် ပစ်ခတ်နိုင်တဲ့ ရေငုပ်သင်္ဘောတစ်စီးကို ဂွါတာနာမို ပင်လယ်အော်ဆီ အမေရိကန်ဘက်က ပြန်လည်စေလွှတ်လို့ အနီးကပ် စောင့်ကြည့်စေခဲ့ပါတယ်။
ဒီ ရေငုပ်သင်္ဘောဟာ ရုရှားသင်္ဘောတွေနဲ့ မိုင် ၅၀၀ အနီးအထိ ချဉ်းကပ်စောင့်ကြည့် ခဲ့တာကြောင့် ဇွန် ၁၇ ရက်မှာ ရုရှားစစ်သင်္ဘောတွေ ကျူးဘားက ပြန်လည်ထွက်ခွာသွားအပြီး ကျူးဘား ဒုတိယနိုင်ငံခြားရေးဝန်ကြီး ကားလို့စ် ဖာနန်ဒက်စ်ဒီကော့စီယိုက သူတို့ရေပိုင်နက်ထဲ မဖိတ်ခေါ်ဘဲ အမေရိကန်ရေငုပ်သင်္ဘော ဝင်ရောက်လာခြင်းဟာ ကျူးဘားနိုင်ငံမူဝါဒကို ချိုးဖောက် ထိပါးတာဖြစ်တယ်လို့ ဝေဖန်သွားခဲ့ပါတယ်။
ရုရှားရဲ့ မိုင် ၆၀၀၀ ကျော်အထိ ပစ်ခတ်နိုင်တဲ့ အသံထက်မြန်တဲ့ ဒုံးကျည်တွေ တင်ဆောင်လာတဲ့ သင်္ဘောအုပ်စု ကျူးဘားရောက်လာခြင်းဟာ ယူကရိန်းကို အမေရိကန်ကပေးတဲ့ လက်နက်တွေနဲ့ ရုရှားပြည်တွင်းထဲအထိ ပစ်ခွင့်ရှိကြောင်း အမေရိကန်သမ္မတ ဂျိုးဘိုင်ဒန်က ခွင့်ပြုပေးခဲ့အပြီး ရုရှားနဲ့ အမေရိကန်အကြား တင်းမာမှုကို ပိုပြီးတင်းမာစေခဲ့ပါတယ်။
Ref:aa
MKF-001
