မဲခေါင်၊ ဇူလိုင် ၂
နိုင်ငံတကာဆုရ ကမ္ဘောဒီးယား သမ္ဘာ၀ပတ်ဝန်းကျင် ထိန်းသိမ်းရေး တက်ကြွလှုပ်ရှားသူများအဖွဲ့က ၁၀ ယောက် ကို အာဏာရှင်စနစ်နဲ့အုပ်စိုးတဲ့ ကမ္ဘောဒီးယားနိုင်ငံတရားရုံးက ဇူလိုင် ၂ ရက်နေ့မှာပဲ မတရားသဖြင့် ထောင်ဒဏ် တွေ အသီးသီးချမှတ်ခဲ့ကြပါတယ်။
တော်ဝင်နန်းတော်ရာအနီ ဖနောင်ပင် တွန်လီဆပ် မြစ်ထဲမှာ အစိုးရရဲ့ သဲတူး၊ သစ်ခုတ်ခြင်းတွေကြောင့် မြစ်ရေ ညစ်ညမ်းမှုဆိုးရွားစွာဖြစ်ပေါ်နေခြင်းနဲ့ မဲခေါင်းမြစ်တစ်လျှောက် တရုတ်ကိုအပ်ထားတဲ့ ရေအားလျှပ်စစ်ထုတ် ဆည်တွေကြောင့် အောက်ဘက်ရေလမ်းကြောင်းနေ တိုင်းရင်းသားတွေ အသက်စိုးရိမ်ရမှုတွေအတွက် Mother Nature ဆိုတဲ့ အဖွဲ့ဟာ ဆန့်ကျင်ဆန္ဒပြမှုတွေ၊ ရုပ်သံအထောက်အထားအချက်အလက်တွေကို တင်ပြဆန့်ကျင် ခဲ့ကြတာဖြစ်ပါတယ်။
ဒါကို အရင် ကမ္ဘောဒီးယားဝန်ကြီးချုပ်အဖြစ် နှစ်ပေါင်းများစွာ အုပ်ချုပ်လာတဲ့ ဟွမ်ဆန်ဟာ ၂၀၁၈ မှာ ထိုင်းမှာလို ဘုရင်တော်ဝင်မိသားစုကိုသာမက အစိုးရအဖွဲ့ကိုပါ ဝေဖန်စော်ကားရင် ရာဇဝတ်မှုမြောက်ကြောင်း ဥပဒေသစ် ထုတ်ပြန်ပြီး သဘာ၀ပတ်ဝန်းကျင်တက်ကြွလှုပ်ရှားသူတွေကိုပါ ထောင်ထဲ ဖမ်းထည့်နေခဲ့တာဖြစ်ပါတယ်။
၂၀၂၁ ခုနှစ်ကတည်းက Mother Nature အဖွဲ့ ပူးပေါင်းထူထောင်သူ စပိန်သား အလီဂျန်ဒရိုဂွန်ဇာလက်ဒါဗီဆင်နဲ့ အဖွဲ့ဝင် ၁၀ ဦးကို ကမ္ဘောဒီးယား တရားရုံးက စွဲချက်တင်ခဲ့ပြီး ဇူလိုင် ၂ ရက်မှာ ရုံးတော်က စီရင်ချက်လိုက်တာပဲ ဖြစ်ပါတယ်။
ဂွန်ဇာလက်ကို ထောင်ဒဏ် ၈ နှစ်အပြင် ဒဏ်ငွေဒေါ်လာ ၂၅၀၀၊ တခြား ၇ ယောက်ကို ထောင်ဒဏ် ၆ နှစ်နဲ့ ကျန်နှစ်ယောက်ကိုဆိုရင် ရုံးတော်ကနေ ဂုတ်ကဆွဲပြီး ဖမ်းဆီးထောင်ချလိုက်တာဖြစ်ပါတယ်။
ဒါကြောင့် စက်တင်ဘာလက ဆွီဒင်အခြေစိုက် သဘာ၀ပတ်ဝန်းကျင် ထိန်းသိမ်းရေး အဖွဲ့အစည်းကြီးတစ်ခုက အကြောက်တရားမရှိတဲ့ တက်ကြွလှုပ်ရှားသူများဆုဖြစ်တဲ့ Right Livelihood Award ဆု ပေးအပ်ခဲ့တဲ့ Mother Nature အဖွဲ့ဝင်တွေနဲ့ ထောက်ခံသူတွေဟာ အမှုတရားစီရင်ရာ ရုံးကို ‘လွတ်လပ်မှုလိုချင်တယ်’ ‘အခွင့်အရေး လိုချင်တယ်’ ဆိုတဲ့ စာသားတွေကို ခေါင်းစည်းတွေ၊ အင်္ကျီတွေမှာ ရိုက်နှိပ်ဝတ်ဆင်ပြီး ဆန္ဒပြခဲ့ပါတယ်။
တရားစီရင်မှုမှာ အစိုးရအပေါ် စော်ကားမှုလို့ဆိုပေမယ့် ဘယ်အရေးက စော်ကားမှုမြောက်သလဲဆိုတာကို ရှေ့နေတွေ၊ တရားသူကြီးတွေက တစ်လုံးမှ ထည့်သွင်းပြောဆိုခြင်းမပြုဘဲ နှစ်ရှည်ထောင်ဒဏ်တွေ ချမှတ်လိုက် တာဖြစ်ပါတယ်။
ကမ္ဘောဒီးယားနိုင်ငံမှာ ဟွမ်ဆန်ဟာ နှစ်ပေါင်းများစွာ အုပ်ချုပ်နေခဲ့ပြီး ဒီနှစ်ထဲမှာ သားဖြစ်သူ ဟွမ်မာနတ်ကို သူ့ဝန်ကြီးချုပ်နေရာ အရိုက်အရာလွှဲပေးလို့ နိုင်ငံရေးအရသာမက သူ့အပေါ် ဆန့်ကျင်သမျှ တက်ကြွလှုပ်ရှားသူအများအပြားကို ထောင်သွင်းအကျဉ်းချထားတာဖြစ်ပါတယ်။
Ref:BBC
MKF-001