မဲခေါင်၊ ဇွန် ၁၂
ရုရှားကာကွယ်ရေးဝန်ကြီးဌာနက ရုရှားနိုင်ငံထဲ မဟာမိတ်ဖြစ်တဲ့ ဘီလာရုစ်စစ်သားတွေနဲ့ ရုရှားစစ်သားတွေ ပူးပေါင်းပြီး ဒုတိယအဆင့် နျူးကလီးယား စစ်ရေးလေ့ကျင့်မှု စတင်နေပြီဖြစ်ကြောင်း ဇွန် ၁၁ ရက်မှာ ထုတ်ပြန်သွားပါတယ်။
ဒီ စစ်ရေးလေ့ကျင့်မှု လုပ်ဆောင်ရခြင်းဟာ အနောက်နိုင်ငံရေးသမားတွေနဲ့ နေတိုးအဖွဲ့ရဲ့ ထုတ်ပြန် ခြိမ်းခြောက်လာမှုတွေ၊ မတည်ငြိမ်မှုကို ပိုမိုဖန်တီးလာတဲ့ ခြိမ်းခြောက်မှုတွေကြောင့် လုပ်ဆောင်ရတာဖြစ်ပြီး မဟာဗျူဟာအဆင့် စစ်ရေးလေ့ကျင့်မှုတော့ မဟုတ်သေးဘူးလို့ ရုရှား ကာကွယ်ရေးဝန်ကြီးဌာနနဲ့ နိုင်ငံခြားရေးဝန်ကြီးဌာနတို့က တစ်ပြိုင်တည်း ထုတ်ပြန်သွားခဲ့ပါတယ်။
မဟာဗျူဟာအဆင့် မဟုတ်သေးတာကြောင့် ဒုတိယအဆင့် နှစ်နိုင်ငံ ပူးပေါင်းပြီး နျူကလီးယားလက်နက် လေ့ကျင့်မှုမှာ Iskander နဲ့ Kinzhal မဟာဗျူဟာ ဒုံးကျည်တွေမှာ နျူကလီးယားထိပ်ဖူးပေါင်းစုံ တပ်ဆင်တဲ့ လေ့ကျင့်မှု၊ ပစ်ခတ် သင့်မသင့်နဲ့ အကျိုးသက်ရောက် ထိခိုက်နိုင်စွမ်းအတွက် ချင့်တွက်မှုတွေကို အဓိက လုပ်ဆောင်တာဖြစ်ပြီး ပူတင်ရဲ့ အမိန့် ကြောင့် ဒီစစ်ရေးလေ့ကျင့်မှု ပြုလုပ်တာလို့ ရုရှားမီဒီယာ Sputnik က ဖော်ပြသွားပါတယ်။
Ref: Sputnik
MKF-001
