မဲခေါင်၊ ဇူလိုင် ၁
ဗြိတိန်တော်ဝင်လေတပ် တပ်မှူးဟောင်း ဂရက်ဘာ့ဂ်ဝဲလ်က မနက်ဖြန် ပူတင်ရဲ့ ရုရှားဘက်က ဗြိတိန်ကို တိုက်ခိုက်လာရင် အားချင်းတုံပြန်ကာကွယ်နိုင်တဲ့ ဖိုက်တာဂျက်လေယာဉ်ဆိုလို့ ၄ စီးသာရှိကြောင်း The Sun နဲ့ စစ်ရေး အင်တာဗျူးအစီအစဉ်မှာ မကွယ်မဝှက်တမ်း ဖွင့်ပြောသွားပါတယ်။
ဗြိတိန်မှာ လက်ရှိ Eurofighter Typhoons ဖိုက်တာဂျက်လေယာဉ် အစီး ၁၃၀ ပိုင်ဆိုင်ထားပေမယ့် Typhoons တပ်ခွဲ ၆ ခုရှိတဲ့အထဲ အနည်းဆုံး ၃ ခုက ပြည်ပအခြေစိုက်နဲ့နေတိုးမဟာမိတ်တွေရဲ့ စစ်ရေးစီမံချက်မှာ ထည့်သွင်းထားလို့ ရုတ်တရက် ရုရှားဘက်က လေကြောင်းတိုက်ခိုက်မှုလုပ်လာခဲ့ရင် စကော့တလန်က လိုစီမောင့် တော်ဝင်လေတပ်မှာ Eurofighter Typhoons နှစ်စီး၊ လင်ကွန်းရှိုင်းယားရဲ့ ကွန်နင်းစဘီး လေတပ် အခြေစိုက်စခန်းမှာ နှစ်စီး စုစုပေါင်း ၄ စီးသာ နိုင်ငံကို အားချင်း ကာကွယ်နိုင်ဖို့အသင့်ရှိကြောင်း ဂရက်ဘာ့ဂ်ဝဲလ် က ထုတ်ပြန်ပြောဆိုသွားတာဖြစ်ပါတယ်။
ဗြိတိန်ရဲ့ လေတပ်တိုက်လေယာဉ်တွေဟာ အစီး ၁၃၀ ရှိတယ်လို့ စာရင်းပြနိုင်ပေမယ့် နောက်နှစ်ဆို အသုံးပြုနိုင် တဲ့အဆင့်က အစီး ၁၀၀ သာရှိမှာဖြစ်ပြီး ဒီ ၁၀၀ ထဲမှာလည်း အများစုက ဆယ်စုနှစ်ပေါင်း ၃ ခုအတွင်း စစ်အေး ကာလမှာ ကြီးမားတဲ့ ကမ္ဘာစစ်အသွင်ဖြစ်လာဖို့မရှိနိုင်ဘူးလို့ ပေါ့ဆတွက်ချက်တဲ့အတွက် အဆင့်မြှင့်တင်၊ ထိန်းသိမ်းပြင်ဆင်ခြင်းမရှိလို့ ထိရောက်စွာအသုံးပြုနိုင်တဲ့ ဖိုက်တာဂျက်လေယာဉ် နည်းပါးလွန်းတယ်လို့ ဆိုပါတယ်။
ကောင်း တဲ့ ဖိုက်တာဂျက်လေယာဉ်တွေဟာ အရှေ့အလယ်ပိုင်း၊ မြောက်ပိုင်းနဲ့ နေတိုးကာကွယ်ရေး အစီအစဉ်တွေ အတွက် သုံးထားတာဖြစ်လို့ ချက်ချင်း ဗြိတိန်ကို ပြန်လာနိုင်ဖို့ မဖြစ်နိုင်ဘူးလို့ ဆိုပါတယ်။
![](https://mekongnewsmm.com/wp-content/uploads/2024/07/signal-2024-07-01-201112_005.jpeg)
![](https://mekongnewsmm.com/wp-content/uploads/2024/07/signal-2024-07-01-201112_004.jpeg)
![](https://mekongnewsmm.com/wp-content/uploads/2024/07/signal-2024-07-01-201112_003.jpeg)
ရုရှားဟာ ယူကရိန်းကို အလုံး အရင်းနဲ့ ရုတ်တရက် တိုက်ခိုက်လာတာမျိုးလုပ်လာခဲ့ရင် ရှိထားတဲ့လေကြောင်းရန်ကာကွယ်ရေးစနစ် Type-45 missile air defence destroyers ၆ ခုမှာ အများစုက ပြင်ဆင်နေရဆဲရှိပြီး ကောင်းတာတွေက ပယ်လယ်ကွေ့ဒေသကို ပို့ထားလို့ထိရောက်တဲ့ ကာကွယ်နိုင်စွမ်းလည်းမရှိသလို ထုတ်လုပ်ထားတဲ့ ဒုံးကျည်တွေကလည်း ရေတိုစစ်ပွဲမျိုးအတွက် သာရည်ရွယ်ထုတ်လုပ်ထားလို့ ရုရှားဘက်က အသင့်အတင့်အင်အားနဲ့ လေကြောင်းတိုက်ခိုက်မှုလုပ်လာခဲ့ရင် တောင် ခဏတဖြုတ်သာ တောင့်ခံနိုင်တဲ့အဆင့်မှာသာ ရှိကြောင်း ဂရက်ဘာ့ဂ်ဝဲလ်က ဝန်ခံပြောဆိုသွားပါတယ်။
လက်ရှိ ဗြိတိန်ရဲ့ စစ်သည်အင်အားက ၂၀၀၆ မှာ ၁၀၂၀၀၀ ရှိခဲ့ရာကနေ ၇၄၀၀၀ သာရှိတော့လို့ အနံ့ခံကောင်းတဲ့ ပူတင်ဟာ အားအနည်းဆုံးအခြေအနေရှိတဲ့ ဗြိတိန်ကို ပစ်မှတ်ထားပြီး ရုတ်တရက်တိုက်ခိုက်လာဖို့ ပိုဖြစ်နိုင်ကြောင်း၊ ဗြိတိန်ဟာ နေတိုးအဖွဲ့ဝင်နိုင်ငံတွေထဲ နိုင်ငံစုစုပေါင်းထုတ်ကုန်တန်ဖိုး GDP ရဲ့ ၂ ရာခိုင်နှုန်း တောင်မပြည့်တဲ့ စစ်ရေးဘတ်ဂျက်ကို နေတိုးအဖွဲ့ထံ ထည့်ဝင်ထားလို့ အနည်းဆုံး GDP ရဲ့ ၄ ရာခိုင်နှုန်းအထိ တိုးမြှင့်ပြီးစစ်ရေးအင်အား အမြန်တိုးချဲ့ဖို့လိုပြီဖြစ်ပါတယ်။
နေတိုးအဖွဲ့မှာ ပြင်သစ်၊ ဂျာမနီ၊ အီတလီ၊ စပိန် စတဲ့ နိုင်ငံကြီးတွေတောင် စစ်ရေးဘတ်ဂျက်ထည့်ဝင်ငွေကို GDP ရဲ့ ၂ ရာခိုင်နှုန်းအောက်သာ ထည့်ဝင်နေကြလို့ ရုရှား ကို အားလုံးပေါင်းမှသာ ယှဉ်နိုင်မှာဖြစ်လို့ နိုင်ငံအားလုံး စစ်ကြိုကာလထဲရောက်လာချိန် စစ်ရေးအသုံးစားရိတ် ပိုသုံးကြဖို့လိုပြီဖြစ်ကြောင်း ဂရက်ဘာ့ဂ်ဝဲလ်က တိုက်တွန်းသွားခဲ့ပါတယ်။
Ref:Thesun
MKF-001
![](https://mekongnewsmm.com/wp-content/uploads/2024/07/signal-2024-07-01-201112_007.jpeg)
![](https://mekongnewsmm.com/wp-content/uploads/2024/07/signal-2024-07-01-201112_006.jpeg)