မဲခေါင်၊ ဖေဖော်ဝါရီ ၁၀
၂၀၁၄ ခုနှစ် ဇွန် ၁၇ ရက်နေ့က ယူကရိန်းနိုင်ငံအရောက် ဒုံးကျည်နဲ့ပစ်ချခံလိုက်ရတဲ့ မလေးရှားလေကြောင်းလိုင်း MH 17 ပျက်ကျမှုမှာ ဒုံးကျည်ထောက်ပံ့ပေးသူဟာ ရုရှားသမ္မတ ပူတင်ဖြစ်ကြောင်း သက်သေတွေ အများအပြားရှိတယ်လို့ နယ်သာလန်အစိုးရရှေ့နေတွေက ပြောဆိုနေကြပါတယ်။
နယ်သာလန်နိုင်ငံ အမ်စတာဒမ်လေဆိပ်ကနေ ကွာလာလမ်ပူကိုသွားတဲ့ Boeing 777 လေယာဉ်ပစ်ချခံရမှုကြောင့် နယ်သာလန်သား ၁၉၃ ဦး၊ မလေးရှားသား ၄၃ ဦး၊ ဩစတြေးလျသား ၂၇ ဦး၊ အင်ဒိုနီးရှားသား ၁၂ ဦး၊ ဗြိတိန်သား ၁၀ ဦး၊ ဂျာမနီသား ၄ဦး၊ ဘယ်လ်ဂျီယံသား ၄ဦး၊ ဖိလစ်ပိုင်သား ၃ဦး၊ ကနေဒါနဲ့ နယူးဇီလန်သားတစ်ဦး စုစုပေါင်း ၂၈၉ ဦးစလုံး သေဆုံးခဲ့ရပါတယ်။
နယ်သာလန်တရားရုံးက ဒီပစ်ချမှုမှာ ရုရှားနိုင်ငံသား ၂ဦးနဲ့ ယူကရိန်းသူပုန်တစ်ဦးတို့ကို တရားခံတွေအဖြစ် စီရင်ချက်ချမှတ်ပြီး နောက်ထပ် ရုရှားနိုင်ငံသားတစ်ဦးကို အမှုက တရားသေလွှတ်ပေးခဲ့ပါတယ်။
နယ်သာလန် အစိုးရ ရှေ့နေတွေဟာ ယူကရိန်းခွဲထွက်ရေးသမားတွေကို ရုရှားသမ္မတပူတင်က MH 17 Buk ဒုံးကျည်စနစ် ကို ထောက်ပံ့ပေးခဲ့တာဖြစ်ကြောင်း၊ ဒီစွပ်စွဲချက်အတွက် သတင်းအချက်အလက်ပေါင်းများစွာကိုလည်း ရထားပြီး ဖြစ်တယ်လို့ Mirror သတင်းဌာနက ဖော်ပြသွားပါတယ်။
ရုရှားဘက်က ဒီစွပ်စွဲချက်ကို ငြင်းဆိုထားပြီး နယ်သာလန် အစိုးရရှေ့နေ ဒစ်ဂနာဗန်ဘီအက်ဇီလျာကတော့ “ပါဝင်ပတ်သက်တဲ့လူပေါင်းများစွာဆီက စုံစမ်းမှုကနေ သတင်းအချက်အလက်တွေအများကြီး ရထားတာမှန်ပါ တယ်။ ဒါပေမဲ့ ဒီစွဲချက်အသစ်ကို ရုံးတင်ဖို့အရေးကတော့ သက်သေတွေ ခိုင်ခိုင်မာမာ မရနိုင်သေးပါဘူး” လို့ပြောသွားခဲ့ပါတယ်။
MKF-001
#MH-17
#မလေးရှား
#ယူကရိန်း
#ပူတင်
#MeKongNews
Ref:Mirror
