မဲခေါင်၊ ဇန်နဝါရီ ၁၆
ပြီးခဲ့တဲ့ရက်ပိုင်းကပဲ ဘီလာရုစ်ဟာလည်း ယူကရိန်းကျူးကျော်စစ်ပွဲထဲပါဝင်လာမယ်လို့ ကြေညာအပြီး ဇန်နဝါရီ ၁၆ ရက်နေ့မှာပဲ ဘီလာရုစ်နိုင်ငံထဲမှာ ရုရှား-ဘီလာရုစ်စစ်တပ်တွေ ပူးပေါင်းစစ်ရေးလေ့ကျင့်မှုလုပ်လာပါတယ်။
ဒီအခြေအနေကြောင့် ယူကရိန်းနဲ့ အနောက်မဟာမိတ်တွေက ဘီလာရုစ်ဟာ ယူကရိန်းကျူးကျော်စစ်မှာ ပါဝင်လာမှာကို စိုးရိမ်ရေမြင့်တက်လာခဲ့ရပါတယ်။
စစ်လက်နက်တပ်ခွဲပူးပေါင်းမှု သဘောတူညီချက်အရ ရုရှားနဲ့ဘီလာရုစ်ဟာ ဇန်နဝါရီ ၁၆ ရက်ကနေ ဖေဖော်ဝါရီ ၁ ရက်နေ့အထိ ဘီလာရုစ်နိုင်ငံအတွင်းက လေကြောင်းပိုင်နက်အားလုံး၊ လေယာဉ်ကွင်းအားလုံးမှာ ပူးပေါင်း စစ်ရေးလေ့ကျင့်မှုတွေကို လုပ်သွားမှာဖြစ်တယ်လို့ ဘီလာရုစ် ကာကွယ်ရေးဝန်ကြီးဌာနက ထုတ်ပြန်ကြေညာခဲ့တယ်။
ဒီအခြေအနေဟာ ခံစစ်အတွက်ပြင်ဆင်တာသာဖြစ်ကြောင်းနဲ့ ထိုးစစ်အတွက် ရည်ရွယ်မှု မရှိဘူးလို့လည်း ဘီလာရုစ်ဘက်က ဆိုတယ်။
ဘီလာရုစ် လုံခြုံရေးကောင်စီလက်ထောက်နိုင်ငံခြားရေးဝန်ကြီး မူရာဗေကိုက “ယူကရိန်းနဲ့ တောင်ပိုင်းနယ်စပ်ဒေသတွေဟာ တည်ငြိမ်အေးချမ်းတဲ့အနေအထားမဟုတ်သလို ယူကရိန်းဘက်က ရန်စမှုတွေရှိနေတယ်။ ဒီရန်စမှုတွေကို တုံ့ပြန်ဖို့ ကျွန်တော်တို့ဘက်က အသင့်ဖြစ်နေပါပြီ” လို့ ထုတ်ပြန်ခဲ့ပါတယ်။
Ref: indiatoday
MKF – 001