မဲခေါင်၊ ဇူလိုင် ၁
ပြင်သစ်နိုင်ငံ၊ သီယွန်ဗီလီမြို့မှာ မင်္ဂလာအခမ်းအနားပွဲကျင်းပနေစဉ် စက်သေနတ်တွေ ကိုင်ဆောင်ထားတဲ့ မျက်နှာဖုံးစွပ် ဂိုဏ်းသားတွေ ဝင်ရောက်ပစ်ခတ်လို့ ၁ ယောက်သေဆုံးပြီး ၅ ယောက် ဒဏ်ရာ ရခဲ့ပါတယ်။
ဖြစ်စဉ်ဟာ ဇွန် ၃၀ ရက် ဒေသစံတော်ချိန် မနက် ၁ နာရီလောက်မှာ BMW ကားနဲ့ မျက်နှာဖုံးစွပ် သေနတ်သမား ၃ ယောက် မင်္ဂလာပွဲကျင်းပရာဆီ ရောက်လာခဲ့ပြီး ခန်းမအပြင်ဘက် ဆေးလိပ်ထွက်သောက်နေတဲ့ လူတစ်စုနားကို စတင်ပစ်ခတ်ရာက ၀ရုန်းသုန်းကားဖြစ်ခဲ့ပြီး မင်္ဂလာပွဲတက်ရောက်လာသူ ၁၀၀ ကျော် အထိတ်တလန့် ထွက်ပြေးခဲ့ကြရပါတယ်။
ပစ်ခတ်ပြီး ကားမောင်းထွက်သွားလို့ ရဲတပ်ဖွဲ့က လိုက်လံစုံစမ်းနေဆဲဖြစ်ကြောင်းနဲ့ အသက် ၃၀ ဝန်းကျင် အမျိုးသားတစ်ဦး ဆေးရုံပို့ဆောင်စဉ် သေဆုံးခဲ့ရပါတယ်။
![](https://mekongnewsmm.com/wp-content/uploads/2024/07/signal-2024-07-01-201235_004.jpeg)
![](https://mekongnewsmm.com/wp-content/uploads/2024/07/signal-2024-07-01-201235_003.jpeg)
တခြား ကျည်ထိမှန်သူ ၃ ယောက် ဒဏ်ရာ စိုးရိမ်ရတဲ့အခြေအနေမှာရှိပြီး တခြားအမျိုးသားတစ်ဦးက မှန်ကွဲရှဒဏ်ရာရသလို ကိုယ်ဝန်ဆောင်အမျိုးသမီးတစ်ဦးလည်း ဒဏ်ရာ ရရှိခဲ့ပါတယ်။
နီးစပ်သတင်းရင်းမြစ်တွေအရ ဒီပစ်ခတ်မှုဟာ အစ္စလာမ္မစ် အစွန်းရောက်တွေရဲ့ အကြမ်းဖက်မှုမျိုးမဟုတ်သလို မင်္ဂလာပွဲကိုလည်း ပစ်မှတ်ထားတာမဟုတ်ဘဲ ဒီမင်္ဂလာပွဲမှာရှိတဲ့ မူးယစ်မှောင်ခိုဂိုဏ်းသားအချင်းချင်း မကျေနပ် မှုကို သေနတ်နဲ့လာရောက်ဖြေရှင်းတာမျိုးဖြစ်နိုင်တယ်လို့ ဆိုပါတယ်။
သီယွန်ဗီလီမြို့ဟာပြင်သစ်နိုင်ငံမြောက်ပိုင်း လူဇင်ဘတ်နဲ့ ဂျာမနီနိုင်ငံတွေနဲ့ နယ်စပ်ချင်းထိစပ်နေတဲ့ မြို့ဖြစ်ပါတယ်။
Ref:Thesun
MKF-001