မဲခေါင်၊ ဇူလိုင် ၁
မြောက်ကိုရီးယားအာဏာရှင်ခေါင်းဆောင် ကင်ဂျုံအန်ဟာ နိုင်ငံအတွင်း စိုက်ပျိုးရေးကဏ္ဍအတွက် ဓာတ်မြေ ဩဇာ ရှားပါးမှုအခြေအနေကြောင့် နိုင်ငံသားတိုင်း ကိုယ့်မစင်ကိုယ် ပြန်စုဆောင်း အခြောက်ခံထားရှိဖို့ အမိန့် ထုတ်ပြန်လိုက်ပါတယ်။
ပုံမှန်အားဖြင့် ဆောင်းရာသီမှာ လူတွေရဲ့ အညစ်အကြေးစွန့်မှုတွေကို ဓာတ်မြေဩဇာအဖြစ် အသုံးပြုနိုင်ရေး စုဆောင်းဖို့ နှိုးဆော်တတ်ပေမယ့် ပြည်ပက တင်သွင်းရတဲ့ ဓာတ်မြေဩဇာတွေ ရှားပါးပြီး မလုံလောက်မှု ဖြစ်နေလို့ ကင်ဂျုံအန်ဟာ အခု နွေရာသီကာလမှာပဲ လူတစ်ယောက် မစင် ၂၂ ပေါင်နှုန်း အခြောက်ခံ စုဆောင်း ထားရှိဖို့ အမိန့်ထုတ်ပြန်တာလိုက်တာပါ။
အမိန့်ကို မလိုက်နာနိုင်ရင် ဒဏ်ကြေးအဖြစ် ဝမ်ငွေ ၅၀၀ (၄ . ၄၀ ပေါင်) ပေးဆောင်ရမယ်လို့ ပြုံရမ်းမြို့နေ ပြည်သူတွေကို သတိပေးစာ ထုတ်ပြန်ခဲ့တာပါ။
ဒီလို မစင်စုဆောင်းရာမှာ ကိုယ့်ခြံဝန်းပန်းခြံတွေထဲ နေရာသီအပူချိန်နဲ့ အခြောက်ခံစေမှာဖြစ်ပြီး လိုက်နာခြင်း ရှိ၊မရှိကို အိမ်နီးချင်းများစောင့်ကြည့် သတင်းပို့မှုနဲ့ ကြီးကြပ်သွားမယ်လို့လည်း ဆိုပါတယ်။
မလိုက်နာနိုင်ရင် ပေးဆောင်ရမယ့် ဝမ် ၅၀၀ ဟာ ငွေကြေးတတ်နိုင်သူတွေအတွက်သာ ပေးနိုင်စွမ်းရှိပြီး လူလတ်တန်းစားတွေ အတွက် များပြားတဲ့ ပမာဏဖြစ်လို့ တိုးတိုးတိတ်တိတ်ဝေဖန်နေကြပါတယ်။
ကင်ဂျုံအန်ဟာ လူမစင်ကို ဓာတ်မြေဩဇာအဖြစ် အသုံးချရေးစီမံချက်ကို တောင်ကိုရီးယားဘက် လူမစင်အညစ် အကြေးတွေကို မိုးပျံပူပေါင်းနဲ့ထည့်ပြီး လွှတ်တင်တဲ့ လုပ်ရပ်အပြီး တစ်လအကြာမှာ စတင် အကောင်အထည် ဖော်ခဲ့တာလည်းဖြစ်ပါတယ်။
Ref:Thesun
MKF-001
