မဲခေါင်၊ ဇူလိုင် ၃
လက်ရှိအမေရိကန်သမ္မတ ဂျိုးဘိုင်ဒန်ဟာ အသက် ၈၁ နှစ်ရှိပြီဖြစ်ပြီး ပြီးခဲ့တဲ့တစ်ပတ် ကြာသပတေးနေ့ ဇွန် ၂၇ ရက်မှာ အဓိကပြိုင်ဘက် ဒေါ်နယ်ထရမ့်နဲ့ သမ္မတလောင်းအချင်းချင်း စကားစစ်ထိုးပွဲ ရုပ်သံထုတ်လွှင့်မှုမှာ စင်ပေါ် အိပ်ပျော်လုနီးနီးဖြစ်ခဲ့ကြောင်း ဝန်ခံသွားတဲ့အတွက် ဒုတိယအကြိမ်မြောက် သမ္မတအဖြစ် ဆက်အရွေးခံဖို့ သူ့ပါတီဖြစ်တဲ့ ဒီမိုကရက်တစ်အမတ်တွေကိုယ်တိုင် မယုံမရဲဖြစ်ကုန်ကြပြီလို့ သိရှိရပါတယ်။
လာမယ့် နိုဝင်ဘာ ၅ ရက်နေ့ရောက်ရင် အမေရိကန်သမ္မတ ရွေးကောက်ပွဲကြီး ကျင်းပမှာဖြစ်ပြီး သမ္မတဟောင်း ဒေါ်နယ်ထရမ့် (၇၈ နှစ်) နဲ့ မိနစ် ၉၀ ကြာ ပထမဆုံး မဲဆွယ် စကားလုံးစစ်ပွဲကို ရုပ်သံအစီအစဉ် တင်ဆက်ခဲ့ရာမှာ အိပ်ပျော်လုအနေအထား ဖြစ်ခဲ့ရခြင်းအကြောင်းက ခရီးစဉ်တွေ များလွန်းခဲ့လို့ ရုပ်ပိုင်းဆိုင်ရာ အားနည်းချက်ကို ဖြစ်ပေါ်စေတာဖြစ်တယ်လို့ ဂျိုးဘိုင်ဒန်က ဝန်ခံပြောကြားသွားတာဖြစ်ပါတယ်။
ဒေါ်နယ်ထရမ့်ရဲ့ အတိုက်အခံ ရီပါဘလစ်ကန်အမတ်တွေဟာ အသက်ကြီးလွန်းလာလို့ ရုပ်ပိုင်းဆိုင်ရာ စွမ်းဆောင်ရည် ကျဆင်းတာမြင်သာလွန်းတဲ့ ဂျိုးဘိုင်ဒန်အနေနဲ့ အမေရိကန်နိုင်ငံရဲ့ စီးပွားရေး၊ နိုင်ငံတကာ ဆက်ဆံရေးနဲ့ ရွှေ့ပြောင်းဝင်ရောက်လာမယ့် အလုပ်သမားအရေးတွေကိုယ်တွယ်နိုင်ဖို့ မဖြစ်နိုင်တော့လို့ သမ္မတအဖြစ် ထပ်ရွေးကောက်မခံသင့်ကြောင်း ဖိအားပေး ဝေဖန်နေခဲ့ကြတာဖြစ်ပါတယ်။
စကားလုံးစစ်ထိုးပွဲမှာ အိပ်ပျော်လုဖြစ်ခဲ့ရတဲ့အခြေအနေနဲ့ ရီပက်ဘလစ်ကန်အမတ်တွေရဲ့ တိုက်ခိုက်မှုတွေနဲ့ ပတ်သက်လို့ ဂျိုးဘိုင်ဒန်က ဝါရှင်တန်ဒီစီမှာ အလှုရှင်နဲ့ မတည်သူများရန်ပုံငွေရှာဖွေရေးပွဲတက်ပြီး ပြောကြားရာမှာ ဒီမတိုင်ခင် ကမ္ဘာပတ်ပြီး သွားခဲ့ရတဲ့ ခရီးစဉ်တွေများခဲ့လို့ စမတ်တော့ မကျနိုင်တော့တာဖြစ်ကြောင်း၊ အမေရိကန်နိုင်ငံအတွက် စိန်ခေါ်မှုတွေကို သူကိုင်တွယ်ဖြေရှင်းသွားနိုင်လို့ သမ္မတရွေးကောက်ပွဲ ဝင်မှာဖြစ်ပြီး အတိုက်အခံတွေဘက်က ဒါကို အသုံးချပြီး ဖိအားပေးနေကြတာသာဖြစ်တယ်လို့ ရှင်းလင်းပြောကြားသွားပါတယ်။
ဘိုင်ဒန်က “စကားလုံးစစ်ထိုးပွဲမှာ ကောင်းကောင်းမပြောနိုင်ခဲ့တာ တောင်းပန်ပါတယ်။ ဆင်ခြေမဟုတ်ပါဘူး။ ရှင်းလင်းတင်ပြချက်ပါ။ ခရီးစဉ်တွေများသွားလို့ စင်ပေါ်မှာကို အိပ်ပျော်လုဖြစ်သွားရတာလည်း အမှန်ပါပဲ။ ဒါပေမယ့် သမ္မတသက်တမ်း ၃ နှစ်ခွဲအတွင်း အမေရိကန်ပြည်သူပြည်သားတွေအတွက် ဘယ်လို အကောင်းဆုံး စီမံခန့်ခွဲနိုင် ခဲ့သလဲဆိုတာ အားလုံး သိမြင်ကြပါလိမ့်မယ်” လို့ ပြောသွားခဲ့တာဖြစ်ပါတယ်။
Ref: telegraphindia
MKF-001
