မဲခေါင်၊ စက်တင်ဘာ ၁၄
ပြည်ပခရီးသွားရာသီရောက်တော့မှာမို့ ထိုင်းဝန်ကြီးချုပ်သစ် ဆရတ်သာသာဗီဆင်းက တရုတ်နဲ့ ကာဇက်စတန်နိုင်ငံသူ၊ နိုင်ငံသားတွေကို ၅ လတာ ဗီဇာမလိုဘဲ ထိုင်းနိုင်ငံကို လာရောက်လည်ပတ်ခွင့်ပြုတယ်လို့ စက်တင်ဘာ ၁၃ ရက်နေ့မှာ ထုတ်ပြန်ကြေညာလိုက်ပါတယ်။
၂၀၂၃ ခုနှစ် စက်တင်ဘာ ၂၅ ရက်နေ့ကနေ ၂၀၂၄ ခုနှစ် ဖေဖော်ဝါရီ လကုန်အထိ ဒီနှစ်နိုင်ငံက လူတွေကို ဗီဇာမလိုဘဲ လာရောက်လည်ပတ်ခွင့်ပြုတာဖြစ်တယ်လို့ ထိုင်းဝန်ကြီးချုပ်သစ်က ဆိုပါတယ်။
တရုတ်ပြည်သူတွေဟာ ထိုင်းခရီးသွားလည်ပတ်မှုဟာ နိုင်ငံအကျိုးစီးပွားဖြစ်ထွန်းစေလို့ ဒီလိုစီစဉ်တာဖြစ်ပြီး တရုတ်နိုင်ငံ မြို့ကြီးတွေတင်မဟုတ်ဘဲ အခြားမြို့တွေကပါ တိုက်ရိုက်လေကြောင်းလိုင်းတွေ ပြေးဆွဲမှာဖြစ်ပြီး လုံခြုံရေးအာမခံချက်ပေးနိုင်ဖို့ပါ ဝန်ဆောင်မှုပေးသွားမယ်လို့ ဆရတ်သာက ပြောကြားသွားပါတယ်။
ဒီမူဝါဒအသစ်ကြောင့် ၂၀၂၃ ခုနှစ်အတွက် လာရောက်လည်ပတ်သူ နိုင်ငံခြားသား ၂၈ သန်းအထိ မြင့်တက်လာဖို့ ရည်မှန်းထားကြောင်း၊ ဒီအရေအတွက်အရဆိုရင် ဘတ် ၁ . ၄ ထရီလီယံ ရနိုင်မှာဖြစ်ကြောင်း၊ ၂၀၂၄ ခုနှစ်မှာ သန်း ၄၀ အထိလာရောက်လည်ပတ်ပြီး ဘတ် ၃ . ၁ ထရီလီယံအထိ ရဖို့ ရည်မှန်းထားကြောင်းလည်း ဆရတ်သာက ရှင်းလင်းတင်ပြပါတယ်။
၂၀၁၉ ခုနှစ်က ကိုဗစ်ကပ်ဘေးမတိုင်ခင် ထိုင်းနိုင်ငံကို ပြည်ပခရီးသွား သန်း ၄၀ လာရောက်လည်ပတ်ရာမှာ ၂၈ ရာခိုင်နှုန်းက တရုတ်တွေဖြစ်လို့ ထိုင်းအစိုးရသစ်ဟာ တရုတ်ကို ဦးတည်ပစ်မှတ်ထားပြီး ဗီဇာ ၅ လ ကင်းလွတ် ခွင့်ပေးခဲ့တာပါ။
ထိုင်းနိုင်ငံရဲ့ စုစုပေါင်းပြည်တွင်းထုတ်ကုန်တန်ဖို့ GDP မှာ ပြည်ပခရီးသွားလုပ်ငန်းက ၁၂ ရာခိုင် နှုန်းအထိ ဝင်ငွေရှာပေးနိုင်ကြောင်း သိရှိရပါတယ်။
Ref: china.org
MKF-001
#MeKongNews
#ထိုင်း
#တရုတ်
#ကာဇက်စတန်
#ခရီးသွား
#ဗီဇာ
