မဲခေါင်၊ စက်တင်ဘာ ၁

ပြည်သူရွေးကောက်တင်မြှောက်တဲ့ ပါတီနဲ့ ခေါင်းဆောင်ကို ပယ်ချခဲ့တာကြောင့် ထိုင်းပြည်သူတွေ ဒေါသထွက်ပေါက်ကွဲပြီး ဖွဲ့စည်းပုံအခြေခံဥပဒေပြင်ဆင်ရေးအတွက် လူထုဆန္ဒခံယူပွဲတစ်ခု ပြုလုပ်ခဲ့ကြပါတယ်။

ထိုင်းနိုင်ငံမှာ စစ်တပ်အာဏာသိမ်းထားချိန် ၂၀၁၇ ခုနှစ်က လွှတ်တော်ထဲမှာ စစ်တပ်ခန့် အထက်လွှတ်တော်အမတ် ၂၅၀ ထားရှိပြီး ပြီးခဲ့တဲ့လက ဝန်ကြီးချုပ်ရွေးချယ်ပွဲမှာ ပြည်သူ့ဆန္ဒကို ဆန့်ကျင်ခဲ့တာကြောင့် အခြေခံဥပဒေပြင်ဆင်ရေး လူငယ်တွေက ဦးဆောင်ပြီး ထောက်ခံလက်မှတ်တွေ ကောက်ခံခဲ့တာပါ။

ဩဂုတ်လ ၁၃ ရက်နေ့ကတည်း အွန်လိုင်းပေါ်က ထောက်ခံလက်မှတ်ရော၊ ပြင်ပက စာရွက်ပေါ်ရေးထိုးတဲ့ လက်မှတ် ၅၀၀၀၀ ရရှိခဲ့ပေမယ့် ရွေးကောက်ပွဲကော်မရှင်က အွန်လိုင်းထောက်ခံလက်မှတ်တွေကို အသိအမှတ်မပြုနိုင်ဘူးလို့ ထုတ်ပြန်ခဲ့ပါတယ်။

ဒါကြောင့် မဲ ၄၀၀၀၀ ရရင် အကောင်အထည်ဖော်ခွင့်ရမယ့် Campaign အတွက် သမ်မာဆတ်၊ ချူလာလောင်ကွန်း၊ ကာဆတ်ဆက်၊ ရမ်ခမ်းဟန်း၊ မာဟီဒိုး တက္ကသိုလ်ကျောင်းသားတွေ၊ အာရှနည်းပညာတက္ကသိုလ်ကျောင်းသားတွေ ဦးဆောင်ပြီး Move Forward ပါတီ ရုံးခန်းတွေ၊ ဘန်ကောက်အနုပညာနဲ့ ယဉ်ကျေးမှုစင်တာ၊ ဥပဒေ စောင့်ကြည့်ရေး NGO အဖွဲ့ iLaw ရုံးတွေမှာ စာရွက်ပေါ် လက်မှတ်ထိုးဆောင်ရွက်ပေးဖို့ စုပေါင်းလှုပ်ရှားခဲ့ကြတာ ဖြစ်ပါတယ်။

ရွေးကောက်ပွဲမှာ မဲအများဆုံးအနိုင်ရ MFP ပါတီကို ဝိုင်းကျဉ်ထုတ်ခဲ့မှုအပေါ် မကျေနပ်တာကြောင့် လက်မှတ်ရောက်ဖို့ ဝေးတဲ့နေရာတွေကို ဒလီဗာရီသမားတွေက အခမဲ့သယ်ဆောင်ပြီး အိမ်တိုင်ရာရောက် ပေးပို့ခဲ့ကြပါတယ်။

အဲ့ဒီလို လက်မှတ်တွေ အိမ်တိုင်ရာရောက် ပို့ပေးခဲ့တဲ့အတွက် ၃ ရက်အတွင်း လက်မှတ်ပေါင်း ၂၁၂၁၃၉ စောင်အထိ ရရှိပြီး လိုအပ်နေတဲ့ အရေအတွက်ထက် ၄ ဆ ကျော်ပိုမိုရရှိခဲ့ပါတယ်။

ဒါကြောင့် ဖွေထိုင်းပါတီ ဦးဆောင်ပြီး စစ်တပ်ပါတီတွေနဲ့ပေါင်းလို့ အစိုးရသစ်ဖွဲ့ပြီးတဲ့ ပထမဆုံး လွှတ်တော်အစည်းအဝေးပွဲမှာ ပြည်သူတွေ တောင်းဆိုတဲ့ ဖွဲ့စည်းပုံအခြေခံဥပဒေပြင်ဆင်ရေး အဆိုကို လက်ခံ ဆုံးဖြတ်ပေးရတော့မှာဖြစ်ပါတယ်။

Ref: prachatai
MKF-001

#MeKongNews

#ထိုင်းလူငယ်

#အခြေခံဥပဒေ

#လူထုဆန္ဒခံယူ

#လက်မှတ်

#ဒလီဗာရီ

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)