မဲခေါင်၊ စက်တင်ဘာ ၈

ထိုင်းနိုင်ငံ၊ ချင်းရိုင်ခရိုင်၊ မယ်စလုံနိုင်ခရိုင်ခွဲ ပေါင်ဟိုင်း ကမ်းရွာတောစပ်မှာ စက်တင်ဘာ ၇ ရက်နေ့က ဆိုင်ကယ် ၄ စီးနဲ့ လူ ၄ ယောက်ကို ထိုင်းအာဏာပိုင်တွေက တွေ့ရှိပြီး စစ်ဆေးဖို့လုပ်ရာမှာ ဆိုင်ကယ်တွေအားလုံးထားပြီး ထွက်ပြေးလွတ်မြောက်သွားကြောင်း မယ်ဆိုင်သတင်းဌာနက ဖော်ပြပါတယ်။

ထိုင်းနယ်ခြားစောင့်တပ်၊ အထူးစစ်ဆေးရေးတပ်ဖွဲ့နဲ့ ရဲတပ်ဖွဲ့တာဝန်ရှိသူတွေဟာ လူ ၄ ယောက်နဲ့ ဆိုင်ကယ် ၄ စီးကို တွေ့လို့ စစ်ဆေးဖို့ လုပ်ရာမှာ မောင်းနှင်လာသူ ၄ ယောက်စလုံး ထွက်ပြေးသွားလို့ Honda အမျိုးအစား PCX models ဆိုင်ကယ် ၂ စီး၊ Wave အမျိုးအစား ၁၁၀ နဲ့ ၁၂၅ အမျိုးအစား ၂ စီးကို သိမ်းဆည်းရမိခဲ့ပါတယ်။

အဲ့ဒီ့ သိမ်းမိတဲ့ ဆိုင်ကယ် ၄ စီးစလုံးဟာ နံပါတ်ပြားမပါဘဲ မြန်မာနိုင်ငံဘက်ကို ခိုးကူဖို့ စီစဉ်နေကြတာဖြစ်မယ်လို့ မဲ့ဖလုံ ရဲစခန်းက ထုတ်ပြန်ပါတယ်။

MKF-001

#MeKongNews

#ချင်းရိုင်

#မယ်ဖလုံ

#မြန်မာ

#ထိုင်း

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)