အာစီယံဒေသတွင်း

သေဒဏ်ချမှတ်မှု အမြစ်ပြတ်ဖို့ ချင်းမိုင်တက္ကသိုလ်ကျောင်းသားအဖွဲ့ တောင်းဆို

မဲခေါင် 6 Dec - 2022
သေဒဏ်ချမှတ်တာဟာ လူသားတွေရဲ့တန်ဖိုးနဲ့ ဂုဏ်သိက္ခာပိုင်းဆိုင်ရာ အခွင့်အရေး ချိုးဖောက်မှု ဖြစ်တာကြောင့် နိုင်ငံတွေမှာ သေဒဏ်ချမှတ်တာ အမြစ်ပြတ်စေဖို့ ချင်းမိုင် တက္ကသိုလ်ကျောင်းသား/သူများအဖွဲ့က မနေ့က တောင်းဆိုလိုက်ပါတယ်။

တောင်းဆိုချက် (၆) ချက် ပါဝင်တဲ့ အိတ်ဖွင့်ပေးစာကို ချင်းမိုင်တက္ကသိုလ်ကျောင်းသား/သူများအဖွဲ့က အမေရိကန်သံရုံး အပါအဝင် နိုင်ငံတကာ အဖွဲ့အစည်းတွေထံသို့ ဒီကနေ့ ပေးပို့ တောင်းဆိုလိုက်တာပါ။

စစ်ကောင်စီလက်အောက်ခံ စစ်ခုံရုံးက ဒဂုံတက္ကသိုလ် ကျောင်းသား ၇ ဦးကို နိုဝင်ဘာ ၃၀ ရက်နေ့က သေဒဏ် ချမှတ်ထားတဲ့အပေါ် သူတို့ရဲ့ အမြင်ကို ထုတ်ပြန် ပြောဆိုလိုက်တာပါ။

နိုင်ငံတကာ ဥပဒေတွေ အနေနဲ့ သေဒဏ်ချမှတ်တာကို အတိအပ တားမြစ်မထားပေမယ့် ကမ္ဘာ့ရေစီးကြောင်း အရ လူသားတွေရဲ့ အသက်ရှင်သန်ခွင့်က အရေးပါတာကြောင့် သေဒဏ်ကို ကမာ့္ဘနိုင်ငံတွေက ရှောင်ရှားလေ့ ရှိတယ်လို့ ထုတ်ပြန်ချက်မှာ ဖော်ပြထားပါတယ်။

သေဒဏ်ကို ပယ်ဖျက်သင့်ပြီး နိုင်ငံရေး သဘောထား ကွဲလွဲမှုတွေကြောင့် မစတေးသင့်ဘူးလို့လည်း ချင်းမိုင်တက္ကသိုလ် ကျောင်းသား/သူများအဖွဲ့က ပြောဆိုထားပါတယ်။

ဒါ့အပြင် စစ်ကောင်စီ လက်အောက်ခံ တရားရုံးက တက္ကသိုလ် ကျောင်းသား ၇ ဦးနဲ့ နိုင်ငံရေး တက်ကြွ လှုပ်ရှားမှုကြောင့် သေဒဏ်ချမှတ်ခံရသူတွေကို သေဒဏ်က ကင်းဝေးစေဖို့ နိုင်ငံတကာ အဖွဲ့အစည်းတွေ အနေနဲ့ ဖိအားပေးဖို့ သူတို့က တောင်းဆိုထားပါတယ်။

နိုင်ငံရေး အကျဉ်းသားအားလုံးကို လွှတ်ပေးဖို့၊ တရားစီရင်ရေး ကိစ္စရပ်တွေမှာ ပွင့်လင်းမြင်သာစေဖို့၊ မြန်မာ စစ်အစိုးရကို စစ်ရေး၊ စီးပွားရေး ထောက်ပံ့မှုတွေ ရပ်တန့်ဖို့နဲ့ နိုင်ငံတကာ အဖွဲ့အစည်းတွေ အနေနဲ့ လူသားခြင်း စာနာထောက်ထားမှု ဆိုင်ရာ အကူအညီတွေ ပေးပို့ရာမှာ စစ်ကောင်စီက တဆင့် မဟုတ်ဘဲ မြန်မာပြည်သူတွေ လက်ထဲ တိုက်ရိုက် ရောက်ရန် သေချာစေဖို့ စတဲ့ အချက်တွေကိုလည်း ထုတ်ပြန်ချက်မှာ ဖော်ပြထားပါတယ်။

ထင်ရှားတဲ့ နိုင်ငံရေးတက်ကြွ လှုပ်ရှားသူ ၈၈ မျိုးဆက် ခေါင်းဆောင် ဦးကျော်မင်းယု (ခ) ဦးဂျင်မီ၊ NLD လွှတ်တော်ကိုယ်စားလှယ် ဦးဖြိုးဇေယျာသော် အပါအဝင် အရပ်သား ၂ ဦးဖြစ်တဲ့ ဦးလှမျိုးအောင်နဲ့ ဦးအောင်သူရဇော်တို့ ၄ ဦး စစ်ခုံရုံးက သေဒဏ် အမိန့်ချမှတ်ပြီးနောက် ကြိုးမိန့်ပြစ်ဒဏ်ပေး သတ်ဖြတ် ခဲ့တယ်လို့ ဇူလိုင် ၂၅ ရက်နေ့ထုတ် စစ်တပ်အာဘော် သတင်းစာတွေမှာ ဖော်ပြခဲ့ပါတယ်။

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

အာစီယံဒေသတွင်း

နိုင်ငံရေးကိုယ်စားမပြုတဲ့ ပုဂ္ဂိုလ်သာ အာဆီယံအစည်းအဝေးတက်ရောက်ဖို့ ကမ်းလှမ်း

မဲခေါင်၊ ဖေဖော်ဝါရီ ၂ ၂၀၂၃ ခုနှစ် အာဆီယံအလှည့်ကျဥက္ကဌနေရာ ရထားတဲ့ အင်ဒိုနီးရှားနိုင်ငံဟာ သူတို့ဥက္ကဌ သက်တမ်းအတွင်း ပြုလုပ်တဲ့ ပထမဆုံး
အာစီယံဒေသတွင်း

ဖိအားပေး၊ ကြေညာချက်ထုတ် ဒီပလိုမေစီနဲ့ မြန်မာ့အရေး မဖြေရှင်းနိုင်ဘူးလို့ အင်ဒိုနီးရှားဆို

မဲခေါင်၊ ဇန်နဝါရီ ၃၁ မြန်မာ့ အကျပ်အတည်းပြဿနာကို အာဆီယံဥက္ကဋ္ဌ လုပ်ရတဲ့ တစ်နှစ်အတွင်း ဖြေရှင်းပေးသွားနိုင်ဖို့ မဖြစ်နိုင်ကြောင်း အင်ဒိုနီးရှား နိုင်ငံခြားရေးဝန်ကြီး
အာစီယံဒေသတွင်း

စစ်တပ်ကို အာဆီယံ ကာကွယ်ရေးဝန်ကြီးများအစည်းအဝေး ဖိတ်ကြားမှု အာဆီယံဆုံးဖြတ်ချက်လို့ ပင်တဂွန် ရှင်းလင်း

မဲခေါင်၊ ဇန်နဝါရီ ၃၁ အမေရိကန် - ထိုင်း ဦးဆောင်တဲ့ အာဆီယံ ကာကွယ်ရေးဝန်ကြီးများအစည်းအဝေး(ADMM-Plus) တက်ရောက်ဖို့ မြန်မာစစ်တပ်ကို ဖိတ်ကြားမှုက အာဆီယံနိုင်ငံတွေရဲ့ ဆုံးဖြတ်ချက်ကြောင့်ဖြစ်တယ်လို့ အမေရိကန်စစ်ဌာနချုပ်ပြောရေးဆိုခွင့်ရှိသူက ရှင်းလင်းပြောကြားခဲ့ပါတယ်။
အာစီယံဒေသတွင်း

အခန်းခမပေးဘဲ တည်းမယ်ဆိုတာကို ငြင်းလို့ တည်းခိုခန်းပိုင်ရှင်ကို လာတည်းသူက သေနတ်နဲ့ပစ်

အခန်းခ မပေးဘဲတည်းခိုမယ်လို့ ပြောတာကိုငြင်းလို့ တည်းခိုခန်းပိုင်ရှင်ကို ဧည့်သည်က သေနတ်နဲ့ပစ်ခတ်မှု မနေ့ ဇန်နဝါရီ ၂၈ ရက် စနေနေ့မနက်ပိုင်းက ထိုင်းနိုင်ငံ၊ ရယောင်းမြို့မှာဖြစ်ပွားခဲ့ပါတယ်။
အာစီယံဒေသတွင်း

၅၀၀၀ စားဆိုသူတွေ ညီလာခံတက်နိုင်ဖို့ ကားစီစဉ်ပေးခဲ့တယ်လို့ဆိုပြီး ပရာရွတ်ပါတီကို စုံစမ်းစစ်ဆေးပေးဖို့ ရွေးကောက်ပွဲကော်မရှင်ထံ တောင်းဆို

ပြီးခဲ့တဲ့ရက်ပိုင်းကပြုလုပ်ခဲ့တဲ့ ယူတီအန်ပါတီရဲ့အထွေထွေညီလာခံဟာ ရွေးကောက်ပွဲဥပဒေကိုချိုးဖောက်ခဲ့ခြင်းရှိ၊ မရှိ စုံစမ်းစစ်ဆေးပေးဖို့ ဆရီရမ်ထိုင်းပါတီဝင် ၂ ယောက်က ထိုင်းရွေးကောက်ပွဲကော်မရှင်ကို လက်မှတ်ထိုးတောင်းဆိုထားပါတယ်။ 
အာစီယံဒေသတွင်း

အီးယူ-အာဆီယံ ထိပ်သီးဆွေးနွေးပွဲ ၃ ရက်ကြာ ကျင်းပမယ်

ဘယ်လ်ဂျီယံနိုင်ငံ မြို့တော် ဘရပ်ဆဲလ်မှာ ပြုလုပ်မယ့် ဥရောပသမဂ္ဂ- အာဆီယံ ထိပ်သီး ဆွေးနွေးပွဲကို ဒီဇင်ဘာလ ၁၄ ရက်ကနေ ၁၆ ရက်အထိ ၃ ရက်ကြာ ကျင်းပသွားမယ်လို့ သိရပါတယ်။
အာစီယံဒေသတွင်း

မိုင်းဆတ်ကထုတ်တဲ့ ယာဘစိတ်ကြွဆေးနမူနာသစ် အလုံး ၁၄ သိန်း မယ်အိုက်နယ်စပ်မှာ ထိုင်းရဲ ဖမ်းဆီးရမိ

ရှမ်းပြည်နယ်အရှေ့ပိုင်း၊ မိုင်းဆတ်က Red Mouser Group စက်ရုံကနေထုတ်လုပ်တဲ့ အနီရောင် ယာဘ နမူနာသစ် ဆေးပြားအလုံး ၁၄ သိန်းကို ထိုင်းနိုင်ငံ ချင်းမိုင်နဲ့ ချင်းရိုင်နယ်နှစ်ခုကြား ဆက်သွယ်ထားတဲ့ မယ်အိုက်နယ်စပ်မှာ ထိုင်းရဲတပ်ဖွဲ့က ဖမ်းဆီး ရမိနိုင်ခဲ့ပါတယ်။
အာစီယံဒေသတွင်း

တာချီလိတ်ကနေ ထိုင်းနိုင်ငံကို တရားမဝင်သွားတဲ့ ကျောက်မဲမြို့က ၁၇ ဦး ဖမ်းဆီးခံရ

မြန်မာနိုင်ငံ တာချီလိတ်မြို့ကနေ ထိုင်းနိုင်ငံ မယ်ဆိုင်ဘက်ကို တရားမဝင်လမ်းကြောင်းကနေ သွားရောက်တဲ့သူ ၁၇ ဦးကို ပြီးခဲ့တဲ့ ဒီဇင်ဘာ ၂ ရက်က ဖမ်းဆီးရမိခဲ့တယ်လို့ ထိုင်းမီဒီယာတွေက ဖော်ပြပါတယ်။