အာစီယံဒေသတွင်း

ဒစ်ဂျစ်တယ်ငွေကြေးစနစ်နဲ့ စွန့်စားမဲဆွယ်လိုက်တဲ့ ဖွေထိုင်းပါတီ (သို့မဟုတ်) သက်ဆင်ရဲ့ ပိုင်ဆိုင်မှုအကုန်ရင်းလိုက်တဲ့ ထိုင်းရွေးကောက်ပွဲ (ဘာသာပြန်)

မဲခေါင် 15 Apr - 2023
လာမယ့်မေလလယ်ပိုင်းမှာ ထိုင်းနိုင်ငံရဲ့ ရွေးကောက်ပွဲကြီးကျင်းပပါတော့မယ်။ အိမ်နီးချင်းထိုင်းရဲ့ ရွေးကောက်ပွဲ နဲ့ အာဏာအခင်းအကျင်းပြောင်းလဲမှုဟာ မြန်မာနိုင်ငံအတွက် အများကြီးသက်ရောက်မှုတွေရှိစေမှာဖြစ်သလို ထိုင်းမှာ အခြေချနေရတဲ့ မြန်မာရွှေ့ပြောင်းလုပ်သားသန်းချီရဲ့ အနာဂတ်နဲ့လည်း သက်ဆိုင်နေလို့ မဖြစ်မနေ စိတ်ဝင်စားရမယ့်အနေအထားပါ။ 

MKF – 001

လာမယ့်မေလလယ်ပိုင်းမှာ ထိုင်းနိုင်ငံရဲ့ ရွေးကောက်ပွဲကြီးကျင်းပပါတော့မယ်။ အိမ်နီးချင်းထိုင်းရဲ့ ရွေးကောက်ပွဲ နဲ့ အာဏာအခင်းအကျင်းပြောင်းလဲမှုဟာ မြန်မာနိုင်ငံအတွက် အများကြီးသက်ရောက်မှုတွေရှိစေမှာဖြစ်သလို ထိုင်းမှာ အခြေချနေရတဲ့ မြန်မာရွှေ့ပြောင်းလုပ်သားသန်းချီရဲ့ အနာဂတ်နဲ့လည်း သက်ဆိုင်နေလို့ မဖြစ်မနေ စိတ်ဝင်စားရမယ့်အနေအထားပါ။ 

ထိုင်းမှာ စစ်အာဏာသိမ်းပြီး အိမ်စောင့်အစိုးရလုပ်ထားတဲ့ ဗိုလ်ချုပ်ပရာယွတ်(ဝန်ကြီးချုပ်ရာထူးယူထားသူ)က ပါတီသစ်တောင်ပြီး အရင်သူ့ပါတီကို လက်ရှိစစ်တပ်အကြီးအကဲ ပရာဝပ်က ဦးဆောင်လို့ ယှဉ်ပြိုင်သွားကြပါလိမ့် မယ်။ စစ်တပ်ထောက်ခံပါတီတွေက လိုရာဖွဲ့စည်းပုံအခြေခံဥပဒေကို ပြင်ဆင်ရေးဆွဲထားပြီး သူတို့ချင်း ညွှန်ပေါင်း ပါတီတွေအဖြစ် ပူးပေါင်းလို့ အာဏာတည်မြဲရေးကြိုးစားကြမယ့်အနေအထားမှာ ဒီမိုကရက်တစ်ဦးဆောင်ပါတီ ဖြစ်တဲ့ ဖွေထိုင်းပါတီဟာ မဟာအတိုက်အခံပါတီကြီးအဖြစ် အစိုးရအာဏာရဖို့ ရေပန်းအစားဆုံးဖြစ်နေပါတယ်။ 

အခုက မဲဆွယ်ကာလဖြစ်တာကြောင့် ပါတီကြီးတွေ ဘယ်လိုမဲဆွယ်နေကြလဲ၊ ရွေးကောက်ပွဲအောင်နိုင်ရေးဗျူဟာ တွေဘယ်လိုခင်းကြသလဲ၊ ဘယ်လို အာမခံချက်တွေ မက်လုံးပေးပြီး တိုင်းပြည်တိုးတက်အောင် လုပ်ပေးဖို့ ကတိပြုနေကြသလဲဆိုတာက စိတ်ဝင်စားဖို့ ကောင်းပါတယ်။ 

ရွေးကောက်ပွဲနဲ့ပတ်သက်တဲ့ ဥပဒေအရ မဲဆွယ်ကာလမှာ ပြည်သူကို ငွေနဲ့လက်ဆောင်ပေးတာမပြောနဲ့ ချစ်သူများနေ့မှာ ပန်းပေးတာတောင် တားမြစ်ထားတယ်ဆိုပေမယ့် လက်ရှိမဲဆွယ်မှုတွေမှာ ပေးတဲ့မက်လုံးတွေ က ကြောက်စရာကောင်းလောက်အောင်ကို ငွေသား ဒေါ်လာဘီလီယံ ချီရှိနေကြတာတွေ့ရပါတယ်။ လက်ရှိထိုင်းမှာ ရွေးကောက်ပွဲအောင်နိုင်ခြေရှိတဲ့ ပါတီကြီး လက် ၅ ချောင်းမပြည့်ပါဘူး။ 

ကြိုတင်မဲပေးမှုတွေ မှာတော့ ဝန်ကြီးချုပ်ဟောင်း သက်ဆင်ရဲ့ သမီး ပေထောင်တန်ဦးဆောင်တဲ့ ဖွေထိုင်းပါတီက လူကြိုက်အများဆုံး အဖြစ် ကြိုတင်ရေပန်းစားနေပါတယ်။ ဧပြီ ၁၂ ရက်နေ့က ဖွေထိုင်းပါတီရဲ့ ဝန်ကြီးချုပ်လောင်း သုံးဦးစာရင်းတင် တော့ ပေထောင်တန်အပြင် အိမ်ခြံမြေလုပ်ငန်း ဘီလီယံနာဆရတ်သာနဲ့ ဝန်ကြီးဟောင်း ချိုက်ကာဆမ်တို့ကို အဆိုတင်သွင်းခဲ့ကြတယ်။ 

ဘာပဲဖြစ်ဖြစ် သက်ဆင်ရဲ့ စီမံမှုနဲ့ဩဇာကြီးမားမှု၊ ငွေကြေးပြည့်စုံမှုတွေအရ ပေထောင် တန်ဟာ ၃၆ နှစ်သာရှိသေးပေမယ့် သောင်ပြိုကမ်းပြိုမဲနိုင်ရင် နိုင်ငံဝန်ကြီးချုပ်ဟောင်းဖြစ်လာဖို့ အများဆုံးပါ။ ဒီလို အစိုးရသစ်ဖွဲ့နိုင်ဖို့က အောက်လွှတ်တော်အမတ်နေရာ ၅၀၀ မှာ ၃၁၀ အနိုင်ရမှဖြစ်လာနိုင်အောင်လည်း ပရာယွတ်ဦးဆောင်တဲ့အဖွဲ့က အခြေခံဥပဒေပြင်ဆင်ရေးဆွဲထားလို့ တော်ရုံအောင်မြင်ရုံနဲ့တော့ ဖွေထိုင်းပါတီရဲ့ မျှော်လင့်ချက်ဖြစ်လာဖို့မလွယ်သေးပါဘူး။

ဒီအချိန်မဲဆွယ်လာမှုမှာတော့ ဖွေထိုင်းပါတီက ကြောက်ခမန်းလိလိများပြားတဲ့ငွေကြေးဘတ်ဂျက်တွေကို ခင်းကျင်းပြလိုက်တယ်။ လာမယ့် မေ ၁၄ ရက်ရွေးကောက်ပွဲမှာ လိုချင်တဲ့အစိုးရဖွဲ့ခွင့်အတိုင်းအတာအထိ မဲအနိုင် ရခဲ့ရင် နိုင်ငံတွင်းရှိရှိသမျှသော ၁၆ နှစ်နဲ့အထက် ပြည်သူပြည်သားအားလုံးကို အမေရိကန်ဒေါ်လာ ၃၀၀ စီ ပေးသွားဖို့ ဘတ်ဂျက် ဒေါ်လာ ၁၅ ဘီလီယံ သုံးမယ်လို့ ဖွေထိုင်းက ကြေညာမဲဆွယ်သွားတယ်။ 

ပြည်သူပြည်သား တွေရဲ့ တစ်ရက်လုပ်ခအနိမ့်ဆုံး ဘတ် ၆၀၀ (လက်ရှိရနေတဲ့ အနိမ့်ဆုံးတစ်ရက်လုပ်ခ ၁၀ ဒေါ်လာကနေ ၁၈ ဒေါ်လာ တိုးပေးတဲ့သဘော) ပေးမယ်၊ မိသားစုတစ်စုရဲ့ တစ်လဝင်ငွေကို အနည်းဆုံးဘတ် ၂၀၀၀၀ ရရှိစေဖို့ အာမခံတယ်၊ တောင်သူစိုက်ပျိုးသီးနှံတွေ စျေးကောင်းရဖို့နဲ့ ကမ္ဘာလုံးဆိုင်ရာမှာ ကျန်းမာရေးစောင့် ရှောက်မှုအာမခံချက်ပိုမိုရရှိစေရမယ်ဆိုတာတွေက သိပ်မဆန်းလှတဲ့ မဲဆွယ်ကတိတွေဖြစ်ပေမယ့် ၁၆ နှစ်အထက်ပြည်သူပြည်သားတိုင်းကို တစ်ယောက် ဒေါ်လာ ၃၀၀ ပေးသွားမယ်ဆိုတဲ့ မက်လုံးနောက်ကွယ်က ဒစ်ဂျစ်တယ်ငွေကြေးစနစ် မိတ်ဆက်လာခြင်းကတော့ ကမ္ဘာက စောင့်ကြည့်ရစေတဲ့အထိ လှုပ်ခတ်သွားတယ်။ 

ဒေါ်လာ ၁၅ ဘီလီယံဆိုတာ ထိုင်းဘတ်ငွေနဲ့ဆို ဘတ် ၅၀၀ ဘီလီယံရှိတယ်။ နိုင်ငံအတွင်း ၁၆ နှစ်နဲ့အထက် ပြည်သူပြည်သားပေါင်းက ၅၅ သန်းရှိတယ်။ ဒေါ်လာ ၃၀၀ ကို ပေးမယ့်ပုံစံက ငွေသားနဲ့မဟုတ်ဘဲ ဒစ်ဂျစ်တယ် တုံကင်ငွေသားကို e-Wallet လို ဒစ်ဂျစ်တယ်ငွေကြေးစနစ်ကနေ ပေးသွားမှာဖြစ်တယ်လို့ ဖွေထိုင်းပါတီ စီးပွားရေးမူဝါဒကော်မတီအကြီးအကဲ ပရွမ်မင်းလတ်ဆူဝီဒက်ဂျ်က အတည်ပြုထုတ်ပြန်ခဲ့တာဖြစ်ပါတယ်။ ဒါဟာ ထိုင်းပါတီတွေမဲဆွယ်မှုမှာ စွန့်ဦးတီထွင်မဲဆွယ်ကတိဖြစ်လာတယ်။ နောက်ကွယ်မှာ အကြောင်းတရားတွေ အများအပြားလည်းရှိနေမှာပါ။ 

ဖွေထိုင်းဟာ ဒီမိုကရက်တစ်ပါတီဖြစ်ပြီး ဒိတ်ဒိတ်ကျဲစီးပွားရေးသမားကြီးတွေ ကျောထောက်နောက်ခံရှိတဲ့ပါတီမို့ ဒစ်ဂျစ်တယ်ငွေကြေးကို ရဲရဲဝင့်ဝင့် မိတ်ဆက်တာဖြစ်ပြီး ပရာယွတ်လက်ထက် မတိုးတက်ခဲ့တဲ့ နိုင်ငံစီးပွားရေး ပြန်ဦးမော့ဖို့ ဒစ်ဂျစ်တယ်စီးပွားရေးစနစ်၊ ဒစ်ဂျစ်တယ်ငွေကြေးစနစ်ကို အနာဂတ် မှာ မြှင့်တင်သုံးစွဲဖို့အတွက် ၁၆ နှစ်နဲ့အထက် ပြည်သူတိုင်းကို ဒစ်ဂျစ်တယ်ငွေ ဒေါ်လာ ၃၀၀ ပေးသွားရတာဖြစ် တယ်လို့ ဆိုတယ်။ လက်ရှိ ထိုင်းနိုင်ငံဟာ ဒစ်ဂျစ်တယ်စီးပွားစနစ်ကျင့်သုံးမှုမှာ ကမ္ဘာ့ အဆင့် (၈) နေရာမှာရှိတယ်။ လူငယ်ထုအများစုကသာ ဒစ်ဂျစ်တယ်ငွေကြေးကို အသုံးပြုတာများတယ်။ ထိုင်းဗဟိုဘဏ်အနေနဲ့ ဒစ်ဂျစ်တယ် ဘတ်ငွေ ထုတ်လုပ်ပေးဖို့ ဖွေထိုင်းက တောင်းဆိုထားပြီး ဗဟိုဘဏ်ကလည်း စတင် စီစဉ်နေတယ်လို့ သိရတယ်။ ဥပမာ နိုင်ဂျီးရီးယားလိုနိုင်ငံရဲ့ ဗဟိုဘဏ်က eNaira ဆိုတဲ့ဒစ်ဂျစ်တယ်ငွေကြေးကို စီစဉ်သုံးစွဲထားစေပြီး eNaira wallets အကောင့် ၄ သန်းကျော် ထုတ်ပေးထားတဲ့ပုံစံမျိုး ဖွေထိုင်းပါတီက တောင်းဆိုထားတာဖြစ်ပါတယ်။

ဖွေထိုင်းစီးပွားရေးမူဝါဒကော်မတီအကြီးအကဲ ပရွမ်မင်က သူတို့မဲနိုင်ပြီးအစိုးရဖွဲ့ခွင့်ရတာနဲ့ ၆ လအတွင်း ဒစ်ဂျစ်တယ်တုံကင် တဖြစ်လည်း ဒစ်ဂျစ်တယ်ငွေကြေးကို အိမ်နီးချင်းနိုင်ငံနယ်စပ် ၄ ကီလိုမီတာအတွင်း ကုန်စည်နဲ့ဝန်ဆောင်မှုအသုံးပြုမှုတွေမှာ သုံးစွဲနိုင်စေရမယ်လို့ပါ ကတိပေးခဲ့ပါတယ်။ ကိုဗစ်ကာလစကတည်းက အရှေ့တောင်အာရှနိုင်ငံတွေထဲမှာ စစ်အာဏာသိမ်းလို့ စုတ်ပြတ်သွားတဲ့ မြန်မာနိုင်ငံမပါဆိုရင် လက်ရှိ ကိုဗစ်အလွန် စီးပွားရေးပြန်တက်တဲ့ နိုင်ငံတွေချည်းပဲ။ ဒီအထဲ ထိုင်းစီးပွားရေးကတော့ ပရာယွတ်လက်ထက်မှာ လုံး၀ ပြန်မတက်လာနိုင်သေးလို့ အိမ်ထောင်စုကြွေးမြီမြင့်တက်မှုက ထိုင်းမှာ ကြောက်ခမန်းလိလိ ဆိုးရွားနေခဲ့ ပါတယ်။ ဒါဟာ အရင် မဲခေါင်းသတင်းတွေမှာ တင်ပြခဲ့သလို ထိုင်းထီဆုကြီးတွေပေါက်တဲ့သူတိုင်း အရင်ဆုံး အကြွေးဆပ်မယ်လို့ချည်းပြောခဲ့တဲ့သတင်းတွေမှာ ပါဝင်ဖော်ပြပြီးသားပါ။ 

ဒီတော့ ဖွေထိုင်းပါတီနောက်ကွယ်က ပါတီမိသားစုခေါင်းဆောင်ကြီး သက်ဆင်ဟာ ဒစ်ဂျစ်တယ်ငွေကြေးနဲ့ ထိုင်း နိုင်ငံအနာဂတ်တိုးတက်ဖို့ ထက်မြက်တယ်ပြောရမလား၊ ပါးနပ်တယ်ပြောရမလားမသိနိုင်တဲ့ မဲဆွယ်စွန့်စားမှုကို လုပ်လိုက်တာပါပဲ။ စစ်တပ်က ရွေးကောက်ခံမဟုတ်တဲ့ လွတ်တော်အမတ်နေရာ ၂၅၀ ကို ထည့်သွင်းထားတဲ့ မမျှ တတဲ့ရွေးကောက်ပွဲမှာ သက်ဆင်ဟာ ပြည်သူ့ယုံကြည်မှုကိုအလုံးစုံရဖို့ သူ့ပိုင်ဆိုင်မှုမှန်သမျှနဲ့ ချရင်းနှီးလိုက်တာ လို့ သုံးသပ်နေကြတယ်။ 

၁၀ နှစ်ကျော်နိုင်ငံအာဏာလုထားပြီး သန်းပေါင်းများစွာသော ဆင်းရဲမွဲတေမှုကို ဖြစ်စေခဲ့ တဲ့ အာဏာရှင်ပရာယွတ်ကို ဖြုတ်ချချင်နေတဲ့ ပြည်သူတွေကလည်း ဒီမိုကရေစီစနစ်သစ်မှာ ဖွေထိုင်းပါတီကို အားကိုးယုံကြည်နေချိန် ဒီလို ဒစ်ဂျစ်တယ်ငွေကြေးစနစ်သစ်ကို မိတ်ဆက်လာခြင်းက စီးပွားရေးနဲ့ နိုင်ငံရေးနယ် ပယ်နှစ်ခုမှာ သိပ်သဟာဇာတမဖြစ်လှတဲ့ စွန့်ဦးတီထွင် စမ်းသပ်မှုလို့လည်း စိုးရိမ်မှုတွေရှိနေပြန်တယ်။ စွန့်စားမှု တစ်ရပ်ဖြစ်တယ်ဆိုတာကိုလည်း ပရွမ်မင်ကိုယ်တိုင်က ဝန်ခံထားပြီးသားပါ။ 


အကြောင်းကတော့ ဒစ်ဂျစ်တယ်ငွေကြေးဆိုတာ လက်ရှိ လောင်းကစား၊ မူးယစ်ဆေးဝါးနဲ့ မှောင်ခိုလုပ်ငန်းတွေက ငွေမည်းကို ငွေဖြူ ပြောင်းရာမှာ ပုံမှန် နိုင်ငံတကာ ဘဏ်စနစ်နဲ့ လမ်းစလိုက်မရအောင် လုပ်ထားတဲ့ ငွေကြေးစနစ်ဖြစ်နေလို့ပါပဲ။ ပြီးတော့ ထိုင်းဆိုတာ ရွှေတြိဂံ မူးယစ်လောင်းကစားမှောင်ခိုရပ်ဝန်းကြီးရဲ့ ကမ္ဘာ့ထွက်လမ်း၊ တရုတ် ဒုစရိုက်ဂိုဏ်း ကြီးတွေရဲ့ စားကျက်ဖြစ်နေလို့ နိုင်ငံစီးပွားရေးပြန်တက်မှုမှာ သမာအာဇီ၀နဲ့ မဟုတ်တဲ့လမ်းတွေကနေ စီးပွားတက်လာတာမျိုးဆိုရင် ပိုအန္တရာယ်များနိုင်တာကိုလည်း ထောက်ပြမှုတွေ ရှိနေပြန်ပါတယ်။ 

ဖွေထိုင်းပါတီ ထောက်ခံသူ တက္ကဆီသမား ပီဆန်ဂျန်ပရန်ဆိုသူကတော့ Òသက်ဆင်က ထိုင်းပြည်သူတွေ ဒီမိုကရေစီအနှစ်သာရကို နားလည်လာစေဖို့ စွမ်းဆောင်ပေးခဲ့သူပါ။ လူတန်းစားမျိုးစုံအတွက် နိုင်ငံမူဝါဒအားလုံး က သူချမှတ်သလိုဖြစ်လာခဲ့မယ်လို့ ယုံကြည်ခဲ့ပေမယ့် အာဏာအလီလီ အသိမ်းခံရပြီး အကောင်အထည်မပေါ် နိုင်ခဲ့ဘူး။ လူတွေက အများကြီးမျှော်လင့်ခဲ့ကြပြီးပြီ။ လူတွေရဲ့ ဆန္ဒတွေကို ခေါင်းဆောင်သူတွေက ကတိ အတိုင်း ဖြည့်ဆည်းပေးရမှာပါ။ လူတွေ ငတ်ကုန်ရင် အားလုံးက ဖြစ်တည်လာနိုင်တယ်Ó လို့ ပြောသွားခဲ့ပါတယ်။ 

(VOA မှ Thailand’s Shinawatra Bets on Family Name, Cash Handouts to ‘Take Back Our Democracy’ နဲ့ coingeek.com မှ Thailand’s opposition party promises $15 billion in digital tokens if it wins တို့ကို ကိုးကား ရေးသားခြင်းဖြစ်ပါတယ်)

#MeKongNews 

#ThaiElection

#သက်ဆင်

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now

Related News

အာစီယံဒေသတွင်း

ထိုင်းကနေ ဆေးခြောက် ယူရိုတစ်သိန်းဖိုးခန့် လေကြောင်းနဲ့သယ်လာတဲ့ အမျိုးသား ဒဗ္ဗလင်လေဆိပ်မှာ ဖမ်းဆီးခံရ

ထိုင်းနိုင်ငံကနေ ပြန်လာတဲ့ လေကြောင်းခရီးစဉ်မှာ အသက် ၃၀ အရွယ် အမျိုးသားတစ်ယောက်ဟာ လက်ဆွဲအိတ်ထဲ herbal cannabis အမျိုးအစားဆေးခြောက် ၄၉.၅
အာစီယံဒေသတွင်း

အငှားကားသမားကိုသတ်၊ ကားလုပြီး ရွှေဆိုင်ဓားပြတိုက်ခဲ့သူ ချင်းမိုင်သားကို ဖမ်းဆီးရမိ

ဇူလိုင် ၈ ရက်နေ့က ထိုင်းနိုင်ငံ၊ ချင်းမိုင်မြို့မှာ အိမ်စီးကားတစ်စီးကို ငှားစီးဖို့ ခေါ်ယူခဲ့ပြီး ဒီကားသမားကို သတ်ဖြတ်၊ ကားယူပြီး ရွှေဆိုင်ဓားပြတိုက်ခဲ့တဲ့

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

CP Group ကိုကျော်တက်ပြီး Red Bull မိသားစု ထိုင်းနိုင်ငံရဲ့ အချမ်းသာဆုံး ဖြစ်လာ

အမေရိကန် ဘဏ္ဍာရေးသုတေသန Forbes မဂ္ဂဇင်းနောက်ဆုံး ထုတ်ပြန်လိုက်တဲ့ ကမ္ဘာ့အချမ်းသာဆုံး ပုဂ္ဂိုလ်များစာရင်းမှာ ထိုင်းနိုင်ငံရဲ့ အချမ်းသာဆုံးနေရာကို Red Bull အားဖြည့်အချိုရည် ပူးတွဲပိုင်ရှင်ဖြစ်တဲ့ ချာလမ်းယိုဗစ်ဒရာ မိသားစုက ရပ်တည်သွားနိုင်ပြီး အရင် အချမ်းသာဆုံးဖြစ်တဲ့ CP Group

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

ထိုင်းနိုင်ငံ၊ ချင်းမိုင်ခရိုင်မှာ ပိုင်ရှင်ရှိခွေးကိုပစ်သတ်ပြီး ငါးစာကျွေးတဲ့ မြန်မာနိုင်ငံသားကို ရဲဖမ်း

ထိုင်းနိုင်ငံ၊ ချင်းမိုင်ခရိုင်၊ မဲ့တင်ကစ်ချန့်နယ်က မယ်တမန်းရွာမှာ ဇွန် ၁၈ ရက်က ပိုင်ရှင်ရှိခွေး တစ်ကောင်ကို သေနတ်နဲ့ပစ်သတ်ပြီး ငါးစာကျွေးတဲ့ မြန်မာနိုင်ငံသား ၁ ဦးကို တိရိစ္ဆာန်ညှင်းပန်းနှိပ်စက်မှုနဲ့ ရဲက ဖမ်းဆီးခဲ့တယ်လို့ ထိုင်းသတင်းကိုအခြေပြုပြီး RCSS အာဘော်

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

တာ့ခ်ခရိုင်၊ ဖုပ်ဖမှာ အထောက်အထားမဲ့ မြန်မာ ၁၉ ယောက် ဖမ်းဆီးခံရ

ထိုင်းနိုင်ငံနယ်စပ် တာ့ခ်ခရိုင်၊ ဖုပ်ဖခရိုင်ခွဲမှာ ဇွန် ၁၇ ရက် ညပိုင်းက မြန်မာနိုင်ငံဘက်ကနေ အထောက်အထားမဲ့ ဝင်ရောက်လာတဲ့ မြန်မာ ၁၉ ယောက်ကို ထိုင်းစစ်တပ်က ကင်းလှည့်ရင်း ဖမ်းဆီးရမိခဲ့ကြောင်း ဒေသတွင်း သတင်းရင်းမြစ် တစ်ခုက ထုတ်ပြန်ခဲ့ပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

LGBTQIA သန်း ၂၀၀ ကျော်ကို လက်ထပ်ပေးပြီး အငြိမ်းစားဘ၀နဲ့ပါနေထိုင်နိုင်ရေး Pink Plus စီးပွားရေးစနစ်ကို ထိုင်းစတင်

ထိုင်းနိုင်ငံမှာ မကြာသေးခင်က လိင်တူလက်ထပ်ခွင့်ကို တရားဝင်ခွင့်ပြုလိုက်ပြီးနောက် ကမ္ဘာတစ်ဝန်းက မတူကွဲပြား LGBTQIA + အသိုင်းအဝိုင်းဝင် သန်း ၂၀၀ ကျော်ကို နိုင်ငံအတွင်း လာရောက်လက်ထပ်၊ သေတဖန် သက်တစ်ဆုံး နေထိုင်ခွင့်ပေးမယ့်အစီအစဉ်ကို ကနဦးအစပျိုးလိုက်ပြီဖြစ်ပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

ခိုလှုံခွင့်အတွက် ဘန်ကောက်က ကနေဒါသံရုံးကို အင်တာဗျူးဖို့သွားတဲ့ ဗီယက်နမ်တက်ကြွလှုပ်ရှားသူကို ထိုင်းရဲ ဖမ်းဆီး

ဗီယက်နမ် တပါတီအစိုးရက ဖမ်း၀ရမ်းထုတ်ထားပြီး ထိုင်းကိုဖမ်းဆီးဖို့နဲ့ ပြန်လွှဲပေးဖို့ တောင်းဆိုထားတဲ့ ဘာသာရေးတက်ကြွလှုပ်ရှားသူ ဝိုင်ကွိန့်ဘီဒပ်ဘ်ကို ဘန်ကောက် ကနေဒါသံရုံးနားမှာ ထိုင်းရဲတပ်ဖွဲ့က ဖမ်းဆီး သွားခဲ့လို့ လူ့အခွင့်အရေးအဖွဲ့တွေက ဗီယက်နမ်ပြန်မပို့ဖို့ တိုက်တွန်းတောင်းဆိုနေကြပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now
အာစီယံဒေသတွင်း

ဖန်ဇူပြည်နယ်က တရုတ်တိရစ္ဆာန်ရုံမှာ ဝက်ဝံလေးကို အသားမကျွေးနိုင်လို့ ဆယ်စုနှစ်ချီပြီး ပေါင်မုန့်နဲ့အသီးအရွက်ပဲ ကျွေးထား

တရုတ်နိုင်ငံ ဖန်ဇူးပြည်နယ်က ဂျူးလောင်တန်ဆန်းနစ်ဧရိယာ တိရစ္ဆာန်ရုံရဲ့ လှောင်အိမ်ထဲက ဝက်ဝံအမဲလေးဟာ တိရစ္ဆာန်ရုံပိုင်ရှင်က အသားမကျွေးနိုင်လို့ ဆယ်စုနှစ်ချီပြီး ပေါင်မုန့်နဲ့အသီးအရွက်တွေသာကျွေးထား ကြောင်း သွားရောက်လည်ပတ်သူတွေက သိရှိပြီးသနားခဲ့ကြပါတယ်။

Donate

လွတ်လပ်တဲ့ မီဒီယာအဖြစ် ရေရှည်ရပ်တည်နိုင်ရေးအတွက် ...

သင်တို့ အကူအညီကို လိုအပ်နေပါတယ်။

Donate Now