အာစီယံဒေသတွင်း

စစ်တပ်ကို အာဆီယံ ကာကွယ်ရေးဝန်ကြီးများအစည်းအဝေး ဖိတ်ကြားမှု အာဆီယံဆုံးဖြတ်ချက်လို့ ပင်တဂွန် ရှင်းလင်း

မဲခေါင် 31 Jan - 2023
မဲခေါင်၊ ဇန်နဝါရီ ၃၁ အမေရိကန် - ထိုင်း ဦးဆောင်တဲ့ အာဆီယံ ကာကွယ်ရေးဝန်ကြီးများအစည်းအဝေး(ADMM-Plus) တက်ရောက်ဖို့ မြန်မာစစ်တပ်ကို ဖိတ်ကြားမှုက အာဆီယံနိုင်ငံတွေရဲ့ ဆုံးဖြတ်ချက်ကြောင့်ဖြစ်တယ်လို့ အမေရိကန်စစ်ဌာနချုပ်ပြောရေးဆိုခွင့်ရှိသူက ရှင်းလင်းပြောကြားခဲ့ပါတယ်။

မဲခေါင်၊ ဇန်နဝါရီ ၃၁

အမေရိကန် – ထိုင်း ဦးဆောင်တဲ့ အာဆီယံ ကာကွယ်ရေးဝန်ကြီးများအစည်းအဝေး(ADMM-Plus) တက်ရောက်ဖို့ မြန်မာစစ်တပ်ကို ဖိတ်ကြားမှုက အာဆီယံနိုင်ငံတွေရဲ့ ဆုံးဖြတ်ချက်ကြောင့်ဖြစ်တယ်လို့ အမေရိကန်စစ်ဌာနချုပ်ပြောရေးဆိုခွင့်ရှိသူက ရှင်းလင်းပြောကြားခဲ့ပါတယ်။

အာဆီယံ ကာကွယ်ရေးဝန်ကြီးများအစည်းအဝေး(ADMM-Plus) ကို ထိုင်းနိုင်ငံ ဘန်ကောက်မှာ ဖေဖော်ဝါရီ ၂၀ ရက်နေ့ကနေစပြီး ၅ ရက်တာကျင်းပသွားမှာဖြစ်ပါတယ်။ဒီအစည်းအဝေးတက်ရောက်ဖို့ မြန်မာစစ်ကောင်စီခန့် ကာကွယ်ရေးဝန်ကြီး မြထွန်းဦးကို ဖိတ်ကြားခဲ့တာဖြစ်တယ်လို့ သိရပါတယ်။

အာဆီယံ ကာကွယ်ရေး ဝန်ကြီးများအစည်းအဝေးဟာ ဒေသတွင်းရေကြောင်းလုံခြုံရေး အစီအစဉ်တွေအတွက် အမေရိကန်အပြင် ဆွေးနွေးမှု မိတ်ဖက်တွေအဖြစ် ဩစတြေးလျ၊ တရုတ်၊ အိန္ဒိယ၊ ဂျပန်၊ နယူးဇီလန်၊ ရုရှား၊ တောင်ကိုရီးယားနိုင်ငံတွေက ကိုယ်စားလှယ်တွေလည်း ပါဝင်တက်ရောက်ကြမှာဖြစ်ပါတယ်။

နိုင်ငံတကာ လူ့အခွင့်အရေးအဖွဲ့အစည်းတွေကတော့ အနည်းဆုံးရိုဟင်ဂျာ ၇၃၀၀၀၀ ကို နေအိမ်စွန့်ခွာထွက်ပြေးရအောင် ၂၀၁၇ ခုနှစ်က အစုလိုက်အပြုံလိုက်သတ်ဖြတ်နှိပ်ကွပ်ခဲ့သလို အာဏာသိမ်းပြီး ပြည်သူတွေကို နိုင်ငံအနှံ့ ဗုံးကျဲ၊ တိုက်ခိုက်သတ်ဖြတ်လုပ်နေတဲ့ စစ်ကောင်စီကို ဖိတ်ကြားမှုအတွက် ပြင်းပြင်းထန်ထန် ဝေဖန်နေကြပါတယ်။

မနှစ်ကပဲ အမေရိကန်သမ္မတ ဂျိုးဘိုင်ဒန်က မြန်မာစစ်တပ်ဟာ ရိုဟင်ဂျာတွေကိုလူမျိုးတုန်းသတ်ဖြတ်တယ်လို့ ဆုံးဖြတ်ကြောင်း ထုတ်ပြန်ခဲ့ပြီး အခု သူတို့ဦးဆောင်တဲ့ စစ်ရေး၊ မူးယစ်ကာကွယ်မှု၊ လက်နက်မှောင်ခိုမှု စတဲ့အရေးတွေအတွက် ပူးပေါင်းဆွေးနွေးပွဲမှာ စစ်ကောင်စီကိုဖိတ်ကြားခဲ့လို့ ပိုပြီး ဝေဖန်မှုတွေရှိနေပါတယ်။

အမေရိကန်စစ်ဌာနချုပ် ပြောရေးဆိုခွင့်ရှိသူ ဒုဗိုလ်မှူးကြီး မာတင်မိုင်နာက အာဆီယံဖိုရမ်ပရိုတိုကောအတိုင်း ဖိတ်ကြားခဲ့တာသာဖြစ်တယ်လို့ ရှင်းလင်းပြောကြားထားပါတယ်။

အခုတစ်ကြိမ်ပြုလုပ်တဲ့ ADMM-Plus အစည်းအဝေးမှာ စစ်ကောင်စီကို ပထမဆုံးအကြိမ် ဖိတ်ကြားတာမဟုတ်ဘဲ ၂၀၁၇ ခုနှစ်က ပင်တဂွန်ကိုယ်တိုင်က ကုလသမဂ္ဂနဲ့ထိုင်းဦးဆောင်စီစဉ်တဲ့ နိုင်ငံပေါင်းစုံ စစ်ရေးလေ့ကျင့်မှုအစီအစဉ်အတွက် လေ့လာသူအဖြစ် မြန်မာကို ဖိတ်ခဲ့ပါသေးတယ်။

အဲဒီအချိန်တုန်းကတော့ ဒေါ်အောင်ဆန်းစုကြည် ဦးဆောင်တဲ့ ဒီမိုကရေစီအစိုးရလက်ထက်ဖြစ်လို့ ဝေဖန်သံသိပ်မထွက်ခဲ့ပေမယ့် မနှစ်က စစ်ကောင်စီ ကာကွယ်ရေးဝန်ကြီးဟာ ဗီဒီယိုအစည်းအဝေးကနေ ဒီပွဲကို တက်ရောက်ခွင့်ရခဲ့လို့ ဝေဖန်မှုတွေလည်း ရှိခဲ့ပါတယ်။

MKF-001

#အာဆီယံကာကွယ်ရေးဝန်ကြီးများအစည်းအဝေး #ပင်တဂွန် #Military Coup

#Mekongnews

Ref:aljazeera

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

အာစီယံဒေသတွင်း

ဇနီးက ပစ်သတ်လို့ ထိုင်းဒုရဲမှူးချုပ် သေဆုံး

ထိုင်းတော်ဝင်ရဲတပ်ဖွဲ့ ဒုတိယရဲမှုးချုပ် ပန်ညာပင်ဆက်ကို နေအိမ်မှာပဲ ဇနီးသည် ဖြစ်သူက ၉ မမ ပစ္စတိုနဲ့ ဖေဖော်ဝါရီလ ၁၉ရက်က နေအိမ်မှာပဲ
အာစီယံဒေသတွင်း

လောင်းကစားစွဲပြီး အစိုးရငွေဘတ် ၄၄ သန်း အလွဲသုံးစားလုပ်တဲ့ ထိုင်းစာရင်းကိုင်အမျိုးသမီးကို ဖမ်းဆီး

ထိုင်းနိုင်ငံ၊ ဖစ်စနူလော့ခရိုင် အုပ်ချုပ်ရေးမှူးရုံးက လောင်းကစားစွဲနေတဲ့ အစိုးရစာရင်းကိုင်အမျိုးသမီးဟာ ဘတ် ၄၄ သန်းအလွဲသုံးစားလုပ်ခဲ့တာ‌ကြောင့် ဖမ်းဆီးခဲ့တယ်လို့ ဖေဖော်ဝါရီ ၁၄ ရက်မှာ
အာစီယံဒေသတွင်း

Pegasus Spyware သုံးလို့ ထိုင်းအစိုးရကို iLaw တရားစွဲဖို့ပြင်

ထိုင်းအစိုးရဟာ မိုးဘိုင်းဖုန်းတွေမှာ စောင့်ကြည့်စနစ်ဖြစ်တဲ့ Pegasus Spyware သုံးနေတယ်ဆိုပြီး တက်ကြွလှုပ်ရှားသူတွေနဲ့ အခမဲ့ဥပဒေအကျိုးဆောင်အဖွဲ့ iLaw က ဦးဆောင်ပြီးတရားစွဲသွားဖို့ ပြင်ဆင်နေပြီ ဖြစ်ပါတယ်။
အာစီယံဒေသတွင်း

တစ်လအတွင်း ဘတ်သန်း ၁၉၀ ကျော် ချစ်ဟန်ပြလိမ်လည်ကြလို့ ချစ်သူများနေ့မတိုင်ခင် ထိုင်းအစိုးရ သတိပေးချက်ထုတ်ပြန်

၂၀၂၃ ဇန်နဝါရီလအတွင်း ထိုင်းနိုင်ငံမှာ ချစ်ဟန်ပြပြီး လိမ်လည်မှုတိုင်ချက်ပေါင်း ၄၀၀ ကျော်ရှိခဲ့သလို ဘတ်သန်း ၁၉၀ အထိ လိမ်လည်မှုတွေဖြစ်ခဲ့လို့ ချစ်သူများနေ့မတိုင်ခင် အယုံမလွယ်ကြဖို့ ထိုင်းအစိုးရက သတိပေးချက် ထုတ်ပြန်ခဲ့ပါတယ်။ 
မြန်မာ့နွေဦး အာစီယံဒေသတွင်း

မြန်မာပဋိပက္ခ ဖြေရှင်းရေး ထိုင်းပိုကူညီသင့်ကြောင်း ပရာယွတ်ကို မလေးရှားဝန်ကြီးချုပ် တိုက်တွန်း

မလေးရှားဝန်ကြီးချုပ် အန်ဝါအီဘရာဟမ်က ထိုင်းဝန်ကြီးချုပ် ပရာယွတ်နဲ့ ဆွေးနွေးမှုမှာ အိမ်ချင်းကပ်နိုင်ငံ ဖြစ်တဲ့အလျှောက် ထိုင်းနိုင်ငံဟာ မြန်မာ ပဋိပက္ခမှာ ပိုမိုတက်ကြွစွာ ပါဝင်ကူညီပေးသင့်တယ်လို့ တိုက်တွန်း ပြောဆိုသွားပါတယ်။ 
အာစီယံဒေသတွင်း

နိုင်ငံရေးကိုယ်စားမပြုတဲ့ ပုဂ္ဂိုလ်သာ အာဆီယံအစည်းအဝေးတက်ရောက်ဖို့ ကမ်းလှမ်း

မဲခေါင်၊ ဖေဖော်ဝါရီ ၂ ၂၀၂၃ ခုနှစ် အာဆီယံအလှည့်ကျဥက္ကဌနေရာ ရထားတဲ့ အင်ဒိုနီးရှားနိုင်ငံဟာ သူတို့ဥက္ကဌ သက်တမ်းအတွင်း ပြုလုပ်တဲ့ ပထမဆုံး အစည်းအဝေးကို ဖော်ဖော်ဝါရီ ၃ ရက်နဲ့ ၄ ရက်နေ့တွေမှာ ဂျာကာတာမှာကျင်းပသွားမှာဖြစ်ပါတယ်။
အာစီယံဒေသတွင်း

ဖိအားပေး၊ ကြေညာချက်ထုတ် ဒီပလိုမေစီနဲ့ မြန်မာ့အရေး မဖြေရှင်းနိုင်ဘူးလို့ အင်ဒိုနီးရှားဆို

မဲခေါင်၊ ဇန်နဝါရီ ၃၁ မြန်မာ့ အကျပ်အတည်းပြဿနာကို အာဆီယံဥက္ကဋ္ဌ လုပ်ရတဲ့ တစ်နှစ်အတွင်း ဖြေရှင်းပေးသွားနိုင်ဖို့ မဖြစ်နိုင်ကြောင်း အင်ဒိုနီးရှား နိုင်ငံခြားရေးဝန်ကြီး ရတ်နိုမာဆူဒီ က လွှတ်တော်မှာ ပြောကြားသွားခဲ့ပါတယ်။
အာစီယံဒေသတွင်း

အခန်းခမပေးဘဲ တည်းမယ်ဆိုတာကို ငြင်းလို့ တည်းခိုခန်းပိုင်ရှင်ကို လာတည်းသူက သေနတ်နဲ့ပစ်

အခန်းခ မပေးဘဲတည်းခိုမယ်လို့ ပြောတာကိုငြင်းလို့ တည်းခိုခန်းပိုင်ရှင်ကို ဧည့်သည်က သေနတ်နဲ့ပစ်ခတ်မှု မနေ့ ဇန်နဝါရီ ၂၈ ရက် စနေနေ့မနက်ပိုင်းက ထိုင်းနိုင်ငံ၊ ရယောင်းမြို့မှာဖြစ်ပွားခဲ့ပါတယ်။