မှုခင်းသတင်း

လူမှုကွန်ရက်မှာ “လိပ်ပြာ” လို့ နာမည်ကြီးတဲ့ အလှပြင်ဆိုင်ပိုင်ရှင်ကို ခေါ်ယူစစ်ဆေးပြီး ပြန်လွှတ်

မဲခေါင် 21 Jan - 2023
မဲခေါင်၊ ဇန်နဝါရီ ၂၁ ရန်ကုန်တိုင်း၊ ဒေါပုံမြို့နယ်၊ ဗမာအေးရပ်ကွက်၊ စက်ရုံလမ်းမှာ ဖွင့်လှစ်ထားတဲ့ Bright Star အလှပြင်ဆိုင် ပိုင်ရှင် ဖြစ်သူကို အလှပြင် ခွဲစိတ်မှုတွေ လုပ်နေတဲ့ အတွက် သက်ဆိုင်ရာက ခေါ်ယူ စစ်ဆေး ခဲ့တယ်လို့ ရပ်ကွက်နေ ပြည်သူတွေက ပြောပါတယ်။

မဲခေါင်၊ ဇန်နဝါရီ ၂၁

ရန်ကုန်တိုင်း၊ ဒေါပုံမြို့နယ်၊ ဗမာအေးရပ်ကွက်၊ စက်ရုံလမ်းမှာ ဖွင့်လှစ်ထားတဲ့ Bright Star အလှပြင်ဆိုင် ပိုင်ရှင် ဖြစ်သူကို အလှပြင် ခွဲစိတ်မှုတွေ လုပ်နေတဲ့ အတွက် သက်ဆိုင်ရာက ခေါ်ယူ စစ်ဆေး ခဲ့တယ်လို့ ရပ်ကွက်နေ ပြည်သူတွေက ပြောပါတယ်။

အမျိုးသမီး လိင်အင်္ဂါ ခွဲစိပ် ဖြတ်တောက်မှုနဲ့ ပတ်သက်ပြီး လူမှုကွန်ရက်မှာ “လိပ်ပြာ” အဖြစ် နာမည်ကြီးနေတဲ့ အဲဒီ ဆိုင်မှာ ရင်သားတွဲနေတာ၊ နှာခေါင်း ဆီလီကွန် ထည့်ပေးတာနဲ့ အခြား ခွဲစိတ်မှုတွေကို တရားဝင် လိုင်စင် မရှိဘဲ အလှပြင်ဆိုင် အတွင်းမှာ ခွဲစိတ်နေတဲ့ အတွက် ဒီကနေ့ ဇန်နဝါရီ ၂၁ ရက် နေ့လယ်ပိုင်းက တာဝန်ရှိသူတွေ ဝင်ရောက် စစ်ဆေးပြီးနောက် ဆိုင်ရှင် အမျိုးသမီးကို ခေါ်ယူစစ်ဆေးခဲ့တာ ဖြစ်တယ်လို့ မျက်မြင်တွေ့သူ တစ်ဦးက ပြောပါတယ်။

ဒါပေမယ့် အလှပြင်ဆိုင် လူမှုကွန်ရက် စာမျက်နှာမှာတော့ သက်ဆိုင်ရာက စစ်ဆေးမှုတွေကို လွန်ခဲ့တဲ့ ၂ ရက် ၃ ရက်က လုပ်ခဲ့တာ ဖြစ်ပြီး အဖမ်းခံရတာမျိုး မရှိဘူးလို့ လွန်ခဲ့တဲ့ နာရီပိုင်းက ရေးသား ဖြေရှင်းထားပါတယ်။

“ ညီမလည်း သူ့ဆီမှာ ခွဲဖူးတယ်။ မိန်းမ ခန္ဓာကိုယ်တွေကို လက်ရဲဇက်ရဲ လုပ်တာ။ ပြီးတော့ သူ့ဆီမှာ ဆေးလက်မှတ်လည်း ရှိတာ မဟုတ်ဘူး။ ညီမလည်း ပိုးဝင်ဖူးတယ်။ အသိ သူနာပြုက အဲ့လိုတွေ မလုပ်နဲ့ပြောလို့ ဆရာဝန်နဲ့ ပြန်ပြရတာ။ အဲ့တုန်းက ၁၅ သိန်းလောက် ကုန်သွားတယ်။ ပိုးဝင်လို့ သူကို ပြောတော့ ဘာမှ မလုပ်ပေးဘူး။ ပိုက်ဆံ တောင်းချက်ကတော့ လက်လန်တယ်” လို့ သွားရောက်ခွဲစိတ်ဖူးသူ အမျိုးသမီး တစ်ဦးက ပြောပါတယ်။

အဆိုပါဆိုင်မှာ အမျိုးသမီး အင်္ဂါနဲ့ ပတ်သက်လို့ လာရောက် ပြုပြင်မှုတွေ ရှိကြပြီး အချို့မှာ အဆင်မပြေတဲ့ အတွက် ရောဂါပိုးဝင်ကာ တရားဝင် ဆရာဝန်များနဲ့ ပြန်လည် ပြသနေရတာတွေ ရှိတယ်လို့ သူကပြောပါတယ်။

အဆိုပါ ဆိုင်ပိုင်ရှင် ဖြစ်သူ အမျိုးသမီးကို ဒေါပုံ ရဲစခန်းမှာ ခေါ်ယူ စစ်ဆေးခဲ့ပြီး ဘာမှ ပြောပိုင်ခွင့် မရှိသေးဘူးလို့ ရဲအရာရှိ တစ်ဦးကပြောပါတယ်။

အဆိုပါ ဆိုင်ပိုင်ရှင် အမျိုးသမီးဟာ ဆုကြေးငွေ သိန်းပေါင်းများစွာ လိမ်လည်မှုနဲ့ ဆက်စပ်နေတယ်လို့ အဆိုပါ ရဲအရာရှိက ပြောဆိုပေမယ့် အသေးစိတ်ကို ဖြေကြားတာတော့ မရှိသေးပါဘူး။

MK-005
#MeKongNews

(လွတ်လပ်သည့် မီဒီယာအဖြစ် ရေရှည်ရပ်တည်နိုင်ရေး သင်တို့အကူအညီလိုအပ်နေပါသည်။ ဤနေရာတွင် www.mekongnewsmm.com/donation နှိပ်၍ လှူဒါန်းနိုင်ပါသည်)

Mekong News

Mekong News

About Author

မဲခေါင်သတင်းဌာနမှ အကြီးတန်းတာဝန်ခံ အွန်လိုင်းအယ်ဒီတာတစ်ယောက် ဖြစ်သည်။ သတင်းမီဒီယာကျင့်ဝတ်၊ လူသားကျင့်ဝတ်တို့ကို လိုက်နာပြီး သတင်းများကို တင်ဆက်သွားမည် ဖြစ်သည်။

Related News

မှုခင်းသတင်း

ကျောက်မဲ ဗဟိုဈေးမှာ ခါးပိုက်နှိုက် သောင်းကျန်းနေ

မဲခေါင်၊ ဇန်နဝါရီ ၂၈ ရှမ်းပြည်နယ် မြောက်ပိုင်း၊ ကျောက်မဲမြို့ရှိ ဗဟိုဈေးကြီးမှာ အခု ဇန်နဝါရီလ နောက်ဆုံးပတ် အတွင်း ခါးပိုက်နှိုက်တွေ
မှုခင်းသတင်း

ပူနားကိုမှာ စိတ်ကြွဆေးပြား ၆ သန်းကျော်နဲ့ လက်နက်ခဲယမ်းတွေ ဖမ်းမိ

မဲခေါင်၊ ဇန်နဝါရီ ၂၇ ရှမ်းပြည်နယ်အရှေ့ပိုင်း၊ မိုင်းဆတ်မြို့နယ်မှာ ၄ ဒသမ ၁၃ ဘီလီယံကျော်တန်ဖိုးရှိ မူးယစ်ဆေးဝါးနဲ့ လက်နက်ခဲယမ်းတွေ ဖမ်းဆီးရမိခဲ့တယ်လို့
မှုခင်းသတင်း

တောင်ကြီးမှာ အမျိုးသမီးငယ်ကို အမျိုးသား ၂ ဦးက ရိုက်နှက်ပြီး i-Phone လုသွား

မဲခေါင်၊ ဇန်နဝါရီ ၂၅ ရှမ်းပြည်နယ် တောင်ပိုင်း၊ တောင်ကြီးမြို့မှာ ဇန်နဝါရီလ ၂၄ ရက်၊ ညပိုင်းက အမျိုးသမီးငယ် တစ်ဦးကို အမျိုးသား ၂ ဦးက ရိုက်နှက်ပြီး i-Phone လုယူမှု ဖြစ်ပွားခဲ့တယ်လို့ ဒေသခံတွေထံကနေ
မှုခင်းသတင်း

ကျိုင်းတုံမှာ ဆိုင်ကယ်မှောက်လို့ ရဲတပ်ကြပ် ပွဲချင်းပြီး သေဆုံး

မဲခေါင်၊ ဇန်နဝါရီ ၂၄ ရှမ်းပြည်နယ် အရှေ့ပိုင်း၊ ကျိုင်းတုံမြို့မှာ ဒီကနေ့ ဇန်နဝါရီ ၂၄ ရက်၊ မနက်ပိုင်းက ဆိုင်ကယ်မှောက်လို့ ရဲတပ်ကြပ် တစ်ဦး ပွဲချင်းပြီး သေဆုံးသွားတယ်လို့ တိုင်းနေ နာရေးကူညီမှုအသင်းထံက သိရပါတယ်။
မှုခင်းသတင်း

ရွှေညောင်မြို့က အမျိုးသမီးငယ်တစ်ဦး ၈ ရက်ကြာအထိ အဆက်အသွယ်မရဘဲ ပျောက်ဆုံးနေ

မဲခေါင်၊ ဇန်နဝါရီ ၂၁ ရှမ်းပြည်နယ် တောင်ပိုင်း၊ တောင်ကြီးမြို့နယ်၊ ရွှေညောင်မြို့က အသက် ၁၇ နှစ်အရွယ် အမျိုးသမီးငယ် တစ်ဦး ၈ ရက်ကြာအထိ အဆက်အသွယ် မရဘဲ ပျောက်ဆုံးနေတယ်လို့ နီးစပ်သူတွေထံက သိရပါတယ်။
မှုခင်းသတင်း

အသုတ်မြို့က ဓာတ်ဆီဆိုင် မီးလောင်မှု ဆိုင်ဝန်ထမ်း ၃ ဦးသေဆုံးပြီး ၂ ဦးဒဏ်ရာရ

မဲခေါင်၊ ဇန်နဝါရီ ၂၀ ဧရာဝတီတိုင်း၊ ရေကြည်မြို့နယ်၊ အသုတ်မြို့၊ အမှတ် (၅) ရပ်ကွက် ပုသိမ်-မုံရွာ လမ်းမဘေးမှာ ဖွင့်လှစ် ရောင်းချနေတဲ့ ဓာတ်ဆီဆိုင် မီးလောင်မှု ဖြစ်ပွားခဲ့ပြီး ဆိုင်ဝန်ထမ်း ၅ ဦးအနက် ၃
မှုခင်းသတင်း

တောင်ကြီးဒေသခံ ရွှေ့ပြောင်းအလုပ်သမား ၁ ‌ဦး ထိုင်းနိုင်ငံမှာ ဓားထိုးခံရပြီး သေဆုံး

မဲခေါင်၊ ဇန်နဝါရီ ၁၇ ရှမ်းပြည်နယ် တောင်ပိုင်း၊ တောင်ကြီးမြို့နယ်က ရွှေ့ပြောင်း အလုပ်သမား တစ်‌ဦး ထိုင်းနိုင်ငံမှာ ဇန်နဝါရီလ ၁၅ ရက်၊ ညနေပိုင်းက ဓားထိုးခံရပြီး သေဆုံးခဲ့တယ်လို့ နီးစပ်သူတွေထံက သိရပါတယ်။
မှုခင်းသတင်း

ဟိန္ဒူရေချိုးပွဲတော်က ပြန်လာတဲ့ကားမှောက်လို့ ၄ဦးသေ၂ဦးဒဏ်ရာပြင်းထန်

ဖြူးချောင်းဆည်မှာ ပြုလုပ်တဲ့ ဟိန္ဒူနှစ်သစ်ကူး ရေချိုးပွဲတော်ကနေ ပြန်လာတဲ့ ကားတစ်စီး ပဲခူးတိုင်း၊ ကျောက်တံခါးမြို့နယ် နတ်စဥ်ကျောင်းရှေ့မှာ တိမ်းမှောက်ခဲ့တယ်လို့ စုံစမ်းသိရပါတယ်။