ရှမ်းပြည်နယ်မြောက်ပိုင်း၊ လားရှိုးမြို့မှာ ဒီနေ့ ဒီဇင်ဘာ ၁၆ ရက်၊ မွန်းလွဲပိုင်းက ကားစီးကားတစ်စီး အရှိန်လွန်ပြီး နေအိမ်ကို ဝင်တိုက်မိလို့ နေအိမ်ထဲရှိသူတစ်ဦး ထိခိုက်ဒဏ်ရာရရှိခဲ့တယ်လို့ ကနဦးသိရပါတယ်။
လားရှိုးမြို့၊ ရပ်ကွက် ၇၊ ခိုင်ရွှေဝါလမ်း၊ လမ်းသွယ် ၂၃ ထောင့်မှာ ကားတစ်စီးအရှိန်လွန်ကာ နေအိမ်ကို တိုက်မိခဲ့တယ်လို့ လားရှိုးလူငယ်များ လူမှုကူညီရေးအဖွဲ့ထံကနေ သိရပါတယ်။
ထိခိုက်ဒဏ်ရာရရှိသူ အမျိုးသားတစ်ဦးကို လားရှိုးလူငယ်များ လူမှုကူညီရေးအဖွဲ့က လားရှိုးဆေးရုံကို ပို့ဆောင်ပေးခဲ့ပြီး အသေးစိတ်အချက်အလက်ကိုတော့ မသိရှိရသေးပါဘူး။
လားရှိုးမြို့မှာ ဒီလပိုင်း ယာဉ်တိမ်းမှောက်မှုတွေ၊ ယာဥ◌်တိုက်မှုတွေ မကြာခဏ ဖြစ်ပွားနေပြီး ပိုင်ရှင်မဲ့အလောင်းတွေလည်း တွေ့ရှိနေတာပဲ ဖြစ်ပါတယ်။
