မဲခေါင်၊ ဇန်နဝါရီ ၂၁
ရှမ်းပြည်နယ် တောင်ပိုင်း၊ တောင်ကြီးမြို့နယ်၊ ရွှေညောင်မြို့က အသက် ၁၇ နှစ်အရွယ် အမျိုးသမီးငယ် တစ်ဦး ၈ ရက်ကြာအထိ အဆက်အသွယ် မရဘဲ ပျောက်ဆုံးနေတယ်လို့ နီးစပ်သူတွေထံက သိရပါတယ်။
ရွှေညောင်မြို့၊ လှိုင်ဘုံသာ (၁) ကုန်းလှိုင်ရပ်ကွက်မှာ နေထိုင်တဲ့ အသက် ၁၇ နှစ်အရွယ် မယွန်းယွန်းထက် ဟာ ဇန်နဝါရီ ၁၄ ရက်ကနေ ဒီကနေ့ အထိ အဆက်အသွယ် မရဘဲ ပျောက်ဆုံးနေတာ ဖြစ်တယ်လို့ သိရပါတယ်။
“ ၁၄ ရက်နေ့ ကတည်းက ပျောက်နေတာ။ အခုထိ ဆက်သွယ်လို့ မရသေးဘူး။ ဖုန်းလည်း စက်ပိတ်ထားတယ်။ သူ့မိသားစုတွေ အကုန်လုံး စိတ်ပူပြီး လိုက်ရှာနေကြတာ” လို့ နီးစပ်သူ တစ်ဦးက ပြောပါတယ်။
ပြီးခဲ့တဲ့ ဇန်နဝါရီလ ၁၄ ရက်၊ မနက်ပိုင်းက မယွန်းယွန်းထက် ဟာ သူငယ်ချင်းအိမ် သွားလည်မယ်ဆိုပြီး ဖုန်းနဲ့ ဆိုင်ကယ် ယူဆောင်ကာ နေအိမ်ကနေ ထွက်သွားရာက အဆက်အသွယ် မရတော့ဘဲ ပျောက်ဆုံးနေတာ ဖြစ်တယ်လို့ သိရပါတယ်။
မယွန်းယွန်းထက် ကို တွေ့ရှိသူတွေ အနေနဲ့ ဖုန်းနံပါတ် 09-424235020၊ 09-762729628၊ 09-970225142 တွေကို ဆက်သွယ် အကြောင်းကြားပေးကြဖို့ မိသားစုဝင်တွေက မေတ္တာရပ်ခံ ထားပါတယ်။
MK-008
